បច្ចុប្បន្នភាពកូវីដ-១៩៖ រដ្ឋញូសៅវែលសម្រេចគោលដៅ៧០%នៃការចាក់វ៉ាក់សាំងដូស្តដំបូង និងបន្ធូរបន្ថយការរឹតត្បឹតចំពោះការហាត់ប្រាណ

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ថ្ងៃព្រហស្បតិ៍ ទី២ ខែកញ្ញា ឆ្នាំ២០២១។

The 12 local areas of concern in Sydney have been given back unlimited exercise. Source: AAP Image/Joel Carrett

ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។

ការរកឃើញថ្មីៗនៃបំណែកកូវីដ-១៩នៅក្នុងលូទឹកស្អុយនៅភាគខាងត្បូងរដ្ឋញូសៅវែល
រដ្ឋវិចថូរៀមានកំណត់ត្រាឆ្លងថ្មីប្រចាំថ្ងៃខ្ពស់បំផុតក្នុងឆ្នាំនេះ
៦៨%នៃប្រជាជនបានចាក់វ៉ាក់សាំងនៅ ACT
រដ្ឋគ្វីនស្លេនកត់ត្រាករណីឆ្លងថ្មី១ករណី ដែលពាក់ព័ន្ធនឹងអ្នកបើកបររថយន្តដឹកទំនិញម្នាក់ទៀត

រដ្ឋញូសៅវែល

រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ១.២៨៨ករណី និងស្លាប់ ៧នាក់។ រដ្ឋនេះកំពុងតែស្ថិតនៅលើផ្លូវនាំទៅរកការសម្រេចបាន ៧០%នៃអត្រាចាក់វ៉ាក់សាំងដូស្តដំបូងនៅចុងបញ្ចប់ថ្ងៃនេះ។

ចាប់ពីថ្ងៃសុក្រ ទី៣ ខែកញ្ញា ការកម្រិតពេលវេលាចេញទៅហាត់ប្រាណត្រឹមមួយម៉ោងក្នុងមួយថ្ងៃត្រូវលុបចោល សម្រាប់អ្នកស្រុករស់នៅក្នុងតំបន់រដ្ឋាភិបាលមូលដ្ឋានដែលបារម្ភទាំង១២។ ការរឹតត្បឹតដទៃទៀតនៅតែមានដដែល។

បំណែកកូវីដ-១៩ ត្រូវបានគេរកឃើញនៅក្នុងលូទឹកស្អុយនៅ Bega, Cooma, និង Illawarra Shoalhaven នៅក្នុង Bomaderry ដែលធ្វើឲ្យមានការបារម្ភកើតឡើង ខណៈដែលមិនមានករណីវិជ្ជមានដែលគេបានដឹងនៅក្នុងតំបន់នេះនោះទេ។

កក់ទុកសម្រាប់ការណាត់ជួបទៅចាក់វ៉ាក់សាំងនៅថ្ងៃនេះ ។

រដ្ឋវិចថូរៀ

រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ១៧៦ករណី ដែលក្នុងនោះ ១២៨ករណីមកពីតំបន់ភាគខាងជើង និងខាងលិចក្រុងម៉ែលប៊ន។

ចាប់ពីម៉ោង ១១និង៥៩នាទីយប់នេះ សួនកុមារ (playgrounds) នឹងបើកសម្រាប់កុមារអាយុក្រោម១២ឆ្នាំ ដោយអនុញ្ញាតឲ្យមានឳពុក ឬម្តាយ ឬអ្នកមើលថែ នៅកំដរតែម្នាក់ប៉ុណ្ណោះ។ សួនកុមារនានានឹងមាន QR codes សម្រាប់ឲ្យចុះឈ្មោះ (checking in) ហើយមនុស្សពេញវ័យមិនគួរដោះម៉ាស្កចេញដើម្បីបរិភោគចំណីអាហារឬភេសជ្ជៈនោះទេ។

ស្វែងរក បញ្ជីឈ្មោះមណ្ឌលចាក់វ៉ាក់សាំងដែលនៅក្បែរលោកអ្នក។

ដែនដីរដ្ឋធានីអូស្រ្តាលី (ACT)

ACTបានកត់ត្រាករណីឆ្លងថ្មីក្នុងស្រុក ១២ករណី ដែលក្នុងនោះយ៉ាងហោចណាស់ ៨ករណីបានស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។

ចាប់ពីថ្ងៃសុក្រ ទី៣ ខែកញ្ញា Transport Canberra នឹងផ្តល់សេវាកម្មដឹកជញ្ជូនដោយឥតគិតថ្លៃ នៅលើរថយន្តក្រុង និងរថភ្លើងក្នុងក្រុង សម្រាប់អ្នកទាំងឡាយណាដែលធ្វើដំណើរទៅគ្លីនីកចាក់វ៉ាក់សាំងបង្ការកូវីដ-19របស់រដ្ឋាភិបាលACT។

ចុចត្រង់នេះអំពីរបៀបកក់ទុកការណាត់ជួបដើម្បីទៅចាក់វ៉ាក់សាំងរបស់អ្នក។

រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖

រដ្ឋគ្វីនស្លេនបានកត់ត្រាករណីឆ្លងថ្មីក្នុងស្រុកចំនួន២ករណីក្នុងរយៈពេល២ថ្ងៃ ដែលមានពាក់ព័ន្ធនឹងអ្នកបើកបររថយន្តដឹកទំនិញ២នាក់ ដែលមិនមានទំនាក់ទំនងអ្វីជាមួយគ្នានោះទេ។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។