បច្ចុប្បន្នភាពកូវិដ-19៖ រដ្ឋញូសៅវ៉េលមានកំណត់ត្រាឆ្លងថ្មីលើស 1000ករណីពីរថ្ងៃជាប់គ្នា

នេះគឺជាបច្ចុប្បន្នភាពកូវិដ-19របស់លោកអ្នក សម្រាប់ថ្ងៃទី29 ខែសីហា ឆ្នាំ 2021។

Vaccination clinic at Olympic Park Sydney, NSW

Source: AAP Image/Bianca De March

បុគ្គលិកអនុញ្ញាតឲ្យបំពេញការងារមួយចំនួនតម្រូវឲ្យមានកាត្វកិច្ចចាក់វ៉ាក់សាំងនៅរដ្ឋញូសៅវ៉េល
រដ្ឋវិកថូរៀបញ្ជាក់ពីការពន្យាពេលបិទខ្ទប់ជាបន្តទៀត
រដ្ឋធានីខេនបេរ៉ាមានការឆ្លងថ្មីក្នុងសហគមន៍ 13 ករណី
រដ្ឋឃ្វីនឡែនមានការឆ្លងថ្មីក្នុងសហគមន៍មួយករណីដែលកំពុងធ្វើចត្តាឡីស័កនៅផ្ទះ

រដ្ឋញូសៅវ៉េល

រដ្ឋញូសៅវ៉េលមានកំណត់ត្រាឆ្លងថ្មីចំនួន 1218ករណី ដោយក្នុងនោះការឆ្លងថ្មីចំនួន 887ករណីកើតមានឡើងនៅភាគខាងលិច និងខាងត្បូងទីក្រុងស៊ីដនីយ៍។ ក៏មានផងដែរនូវការស្លាប់ចំនួន 6ករណី ដែលធ្វើឲ្យករណីស្លាប់ពាក់ព័ន្ធនឹងកូវិដ-19 នៅក្នុងរដ្ឋនេះកើនឡើងដល់ 145នាក់ហើយ។

ចាប់ពីថ្ងៃចន្ទ ទី 6 កញ្ញាទៅ បុគ្គលិកអនុញ្ញាតឲ្យបំពេញការងារដែលរស់នៅក្នុងតំបន់រដ្ឋាភិបាលដែលមានការព្រួយបារម្ភ ប៉ុន្តែត្រូវបំពេញការងារនៅក្រៅតំបន់ដែលគេរស់នៅត្រូវតែចាក់វ៉ាក់សាំងបង្ការកូវិដ-19 យ៉ាងហោចណាស់បានមួយដូស។

មានកន្លែងទំនេរកក់ចាក់វ៉ាក់សាំងបង្ការកូវិដ-19 សម្រាប់ក្រុមអាទិភាព ដូចជាបុគ្គលិកអនុញ្ញាតឲ្យបំពេញការងារដែលកំពុងរស់នៅតំបន់ដែលមានការព្រួយបារម្ភ ពលរដ្ឋដែលមានអាយុពី 16 ទៅ 49 ឆ្នាំដែលរស់នៅតំបន់ដែលមានការព្រួយបារម្ភ និង បុគ្គលិកបំពេញការងារនៅមណ្ឌលថែទាំកុមារ និងថែទាំជនពិការ និងបុគ្គលិកបំពេញការងារវិស័យចំណីអាហារ ដែលរស់នៅ និងបំពេញការងារក្នុងតំបន់ (LGA) ដែលមានការព្រួយបារម្ភ។

ចូរស្វែងរកទីនេះ ពីរបៀបបង្ហាញភស្តុតាងបញ្ជាក់ថាអ្នកបានចាក់វ៉ាក់សាំងបង្ការកូវិដ-19របស់លោកអ្នក។

រដ្ឋវិកថូរៀ

រដ្ឋវិកថូរៀកត់ត្រាការឆ្លងថ្មីក្នុងសហគមន៍ចំនួន 92ករណី ដែលក្នុងនោះមានករណីថ្មីជាង 30 មិនជាប់ពាក់ព័ន្ធនឹងការឆ្លងដែលមានស្រាប់នោះទេ។

ក្នុងចំណោមករណីសកម្មបច្ចុប្បន្នចំនួន 778ករណីក្នុងរដ្ឋ ប្រហែល 500ករណីស្ថិតនៅភាគពាយ័ព្យទីក្រុងម៉ែលប៊ិន។ នេះបើតាមការគូសបញ្ជាក់ពីអភិបាលរដ្ឋលោក Daniel Andrews ដោយបញ្ជាក់ថាការបញ្ចប់ការបិទខ្ទប់នៅថ្ងៃទី 2កញ្ញាខាងមុខនេះមិនអាចធ្វើទៅបាននោះទេ។

ស្វែងរក មណ្ឌលចាក់វ៉ាក់សាំងនៅជិតអ្នក។

រយៈពេល២៤ម៉ោងចុងក្រោយនៅអូស្រ្តាលី៖

រដ្ឋឃ្វីនឡែននឹងបើកមណ្ឌលចាក់វ៉ាក់សាំងដ៏ធំមួយនៅមជ្ឈមណ្ឌលកំសាន្តទីក្រុងប្រឹសបិន (Brisbane Entertainment Centre) នៅតំបន់ Boondall ចាប់ពីថ្ងៃទី 8 កញ្ញាខាងមុខនេះ។
រដ្ឋមន្រ្តីក្រសួងសុខាភិបាលលោកមានប្រសាសន៍ថា គម្រោងទាមទារសំណងពីការចាក់វ៉ាក់សាំងបង្ការ CVID-19 នឹងផ្តល់ការការពារដល់ពលរដ្ឋអូស្ត្រាលីដែលទទួលការចាក់វ៉ាក់សាំងដែលត្រូវបានអនុញ្ញាតដោយ TGA។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវេ៉ល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិកថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋឃ្វីនឡែន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។