បច្ចុប្បន្នភាពកូវិដ-19៖ រដ្ឋញូសៅវ៉េលបើកយុទ្ធនាការចាក់វ៉ាក់សាំងជូនសហគមន៍ជនជាតិដើម ខណៈរដ្ឋវិកថូរៀមានកំណត់ត្រាខ្ពស់លើការឆ្លងកូវិដ-19

នេះគឺជាបច្ចុប្បន្នភាពកូវិដ-19របស់លោកអ្នក សម្រាប់ថ្ងៃសៅរ៍ ទី18 ខែកញ្ញា ឆ្នាំ 2021។

Australian Wiradjuri elder and Indigenous rights activist Aunty Jenny Munro gestures after receiving a Covid-19 vaccine at a pop-up vaccination clinic... Source: AAP/Dan Himbrechts

រដ្ឋញូសៅវ៉េលបើកយុទ្ធនាការចាក់វ៉ាក់សាំងបង្ការកូវិដ-19 ជូនដល់សហគមន៍ជនជាតិដើមនៅទូទាំងរដ្ឋ
សេវាដឹកជញ្ជូនសាធារណៈចូលក្រុងម៉ែលប៊នត្រូវផ្អាករយៈពេល 6ម៉ោង
វ៉ាក់សាំងបង្ការកូវិដ-19 ប្រភេទ Moderna ដឹកមកដល់អូស្ត្រាលីជាលើកដំបូង
រដ្ឋឃ្វីនឡែនសម្រេចបានការចាក់វ៉ាក់សាំងពេញលេញបានជាង 40%ហើយ

រដ្ឋញូសៅវ៉េល

រដ្ឋញូសៅវ៉េលតក់ត្រានូវការឆ្លងថ្មីក្នុងសហគមន៍ចំនួន 1331 ករណី និងស្លាប់6ករណី។ បច្ចុប្បន្ននេះមានអ្នកជំងឺកូវិដ-19 ចំនួន 1219 នាក់កំពុងសម្រាកព្យាបាលនៅតាមមន្ទីរពេទ្យ។

មន្ត្រីក្រសួងសុខាភិបាលរដ្ឋញូសៅវ៉េលវេជ្ជបណ្ឌិត Jeremy McAnulty បានរាយការណ៍ថាមានពលរដ្ឋត្រូវចាក់វ៉ាក់សាំងចំនួន 81.2ភាគរយហើយបានចាក់វ៉ាក់សាំងបានមួយដូស និងពលរដ្ឋ 50.6ភាគរយបានចាក់វ៉ាក់សាំងបានពេញលេញ។

មន្ត្រីសុខាភិបាលរដ្ឋញូសៅវ៉េលកំពុងបើកយុទ្ធនាការចាក់វ៉ាក់សាំងបង្ការកូវិដដល់សហគមន៍ជនជាតិដើមនៅទូទាំងរដ្ឋនៅចុងសប្តាហ៍នេះ។ គ្លីនិករបស់រដ្ឋទាំងនេះផ្តល់វ៉ាក់សាំងប្រភេទ Pfizer ដល់ជនជាតិដើមទាំងឡាយណាដែលមានអាយុចាប់ពី 12ឆ្នាំឡើង។

សូមចុចត្រង់នេះដើម្បី កក់ការចាក់វ៉ាក់សាំងបង្ការរបស់អ្នក ថ្ងៃនេះ។

រដ្ឋវិកថូរៀ

រដ្ឋវិកថូរៀមានការឆ្លងថ្មីក្នុងសហគមន៍ចំនួន 535ករណី និងមានស្លាប់មួយករណី។ ក្នុងចំណោមករណីសរុបថ្ងៃនេះ មានតែ 62ករណីប៉ុណ្ណោះត្រូវបានចាត់បញ្ចូលក្នុងការផ្ទុះការឆ្លងដែលមានស្រាប់។

មធ្យោបាយដឹកជញ្ជូនសាធារណៈទៅកាន់កណ្តាលក្រុងម៉ែលប៊នត្រូវបានផ្អាករយៈពេល 6ម៉ោងដើម្បីរំខានដល់ផែនការធ្វើបាតុកម្មប្រឆាំងនឹងការបិទខ្ទប់ដែលគ្រោងធ្វើនៅថ្ងៃនេះ។ ក្រសួងសាធារណការរដ្ឋវិកថូរៀបានព្រមានថាមានតែបុគ្គលិកចាំបាច់ និងពលរដ្ឋដែលទៅចាក់វ៉ាក់សាំងប៉ុណ្ណោះដែលនឹងត្រូវអនុញ្ញាតឲ្យធ្វើដំណើរទៅកាន់កណ្តាលទីក្រុងម៉ែលប៊ន។

ស្វែងរក មណ្ឌលចាក់វ៉ាក់សាំង នៅជិតអ្នក។

រយៈពេល២៤ម៉ោងចុងក្រោយនៅអូស្រ្តាលី៖

ដែនដីរដ្ឋធានីខេនបេរ៉ាមានការឆ្លងថ្មីចំនួន 15ករណី ដោយក្នុងនោះមានយ៉ាងហោចណាស់ 7ករណីបានស្ថិតនៅក្នុងសហគមន៍ខណៈមានសមត្ថភាពចម្លងទៅកាន់អ្នកផ្សេង។
រដ្ឋឃ្វីនឡែនសម្រេចបានគោលដៅចាក់វ៉ាក់សាំងដល់ 40.54 ភាគរយនៃពលរដ្ឋដែលត្រូវចាក់វ៉ាក់សាំងហើយដែលបានចាក់វ៉ាក់សាំងបង្ការបានពេញលេញ។
ការដឹកជញ្ជូនវ៉ាក់សាំងប្រភេទ Moderna លើកដំបូងបានមកដល់អូស្ត្រាលីហើយ ដោយវ៉ាក់សាំងប្រភេទនេះចំនួនមួយលានដូសនឹងត្រូវចែកចាយនៅទូទាំងប្រទេសនៅចុងសប្តាហ៍នេះ។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវេ៉ល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិកថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។