- រដ្ឋវិចថូរៀប្រកាសកញ្ចប់ថវិកាសេដ្ឋកិច្ចសម្រាប់អាជីវកម្មដែលធ្វើនៅខាងក្រៅអគារ
- សាលារៀនបើកឡើងវិញនៅក្នុងរដ្ឋញូសៅវែល
- រដ្ឋថាសម៉ាញៀចេញផុតពីការបិទខ្ទប់តាមផែនការ។
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីចំនួន ១.៩០៣ករណី និងស្លាប់ ៧នាក់។
រដ្ឋមន្រ្តីក្រសួងការងារលោកស្រី Jaala Pulford បានប្រកាសកញ្ចប់ជំនួយសេដ្ឋកិច្ចមួយដែលមានតម្លៃ ៥៤លានដុល្លារសម្រាប់អាជីវកម្មនិងអង្គភាពនានា ក្នុងការរៀបចំធ្វើអាជីវកម្មនៅទីខាងក្រៅអគារ(outdoor settings) ដែលមានដូចជា កន្លែងហាត់ប្រាណ(gyms) កន្លែងលក់រាយនៅទីខាងក្រៅ និងហាងកែសម្ផស្សជាដើម។
ជាង ៨៩,២% នៃប្រជាជនរដ្ឋវិចថូរៀដែលមានអាយុ១៦ឆ្នាំឡើងទៅ បានចាក់វ៉ាក់សាំងមួយដូស្តរួចហើយ និង ៦៦,៥%បានចាក់២ដូស្តរួចហើយ។
ការបិទខ្ទប់នៅទីក្រុងមែលប៊ន និងតំបន់ជនបទរដ្ឋវិចថូរៀនឹងត្រូវបញ្ចប់នៅពាក់កណ្តាលអធ្រាត្រថ្ងៃព្រហស្បតិ៍ ទី ២១ ខែតុលា។ កូនសិស្សថ្នាក់ទី១ និងថ្នាក់ទី២ វិលត្រឡប់ចូលសាលារិញហើយនៅថ្ងៃនេះ ខណៈដែលកូនសិស្សថ្នាក់ផ្សេងៗទៀតទាំងអស់នឹងចូលរួមជាមួយពួកគេ នៅថ្ងៃសុក្រទី ២២ ខែតុលា។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ២៦៥ករណី និងស្លាប់ ៥នាក់។
៩២%នៃប្រជាជនអាយុ១៦ឆ្នាំឡើងទៅ បានចាក់វ៉ាក់សាំងដូស្តដំបូងរួចហើយ និង ៨០,៣% បានចាក់២ដូស្តរួចហើយ។
កូនសិស្សថ្នាក់ទី១២ កូនសិស្សថ្នាក់ទី១ និងកូនសិស្សសាលាមត្តេយ្យ វិលត្រឡប់ចូលរៀនក្នុងថ្នាក់វិញនៅថ្ងៃនេះ មុនកូនសិស្សថ្នាក់ដទៃ ដែលនឹងវិលចូលសាលារៀនវិញនៅសប្តាហ៍ក្រោយ។
ដែនដីរដ្ឋធានីអូស្រ្តាលី (ACT)
ដែនដីនេះបានកត់ត្រាករណីឆ្លងថ្មីក្នុងស្រុកចំនួន ១៧ករណី ដែលក្នុងនៅ ១១ករណីត្រូវបានផ្សារភ្ជាប់នឹងករណីដែលគេបានដឹងរួចស្រាប់ទៅហើយ។
ក្នុងចំណោមមនុស្ស១៧នាក់ ដែលកំពុងសម្រាកព្យាបាលក្នុងមន្ទីរពេទ្យ មាន៩នាក់ស្ថិតនៅក្នុងបន្ទប់ ICU។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- រដ្ឋគ្វីនស្លេនមិនមានកំណត់ត្រាករណីឆ្លងថ្មីនៅក្នុងស្រុកទេ។
- តំបន់ភាគខាងត្បូងរដ្ឋថាសម៉ាញៀ រាប់បញ្ចូលទាំងទីក្រុងហូបាត នឹងចេញផុតពីការបិទខ្ទប់តាមផែនការកំណត់នៅម៉ោង៦ល្ងាចនេះ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
