- នៅរដ្ឋញ៉ូសៅវែល គិលានុបដ្ឋាយិកាកំពុងធ្វើកូដកម្មដើម្បីទាមទារសមាមាត្រគិលានុបដ្ឋាយិកាសម្រាប់អ្នកជំងឺឲ្យបានខ្ពស់ជាងមុន និងប្រាក់ខែប្រសើរជាងមុន។ សកម្មភាពកូដកម្មបានចាប់ផ្តើមនៅម៉ោង 7 ព្រឹក ហើយនឹងបន្តរយៈពេល 24 ម៉ោង។
- ការតវ៉ាកំពុងកើតឡើងក្នុងទីក្រុងស៊ីដនី នៅខាងមុខសភា។
- រដ្ឋមន្ត្រីសុខាភិបាលញ៉ូសៅវែល បានហៅការសម្រេចចិត្តរបស់សហជីពដើម្បីបន្តសកម្មភាពកូដកម្មនេះថា "ខកចិត្ត" បន្ទាប់ពីគណៈកម្មការទំនាក់ទំនងឧស្សាហកម្មបានបញ្ជាឱ្យបិទដំណើរការនេះ។
- ក្នុងអំឡុងពេលកូដកម្ម សេវាសង្គ្រោះអាយុជីវិតនឹងត្រូវបានរក្សាទុកនៅក្នុងមន្ទីរពេទ្យរដ្ឋ និងសេវាសុខភាពទាំងអស់។
- វ៉ាក់សាំងដែលមានមូលដ្ឋានលើប្រូតេអ៊ីនដែលផលិតដោយ Novavax ឥឡូវនេះមាននៅគ្លីនិក នៅកន្លែងគ្រូពេទ្យព្យាបាលជំងឺទូទៅ ដែលយើងហៅថា GP នៅឱសថស្ថាន និងមជ្ឈមណ្ឌលចាក់ថ្នាំដែលគ្រប់គ្រងដោយរដ្ឋ។
- វ៉ាក់សាំងនេះត្រូវបានអនុម័តសម្រាប់មនុស្សដែលមានអាយុលើសពី 18 ឆ្នាំសម្រាប់ការចាក់លើកទីមួយ និងលើកទីពីររបស់ពួកគេ។ បច្ចុប្បន្ននេះវាមិនមានសម្រាប់មនុស្សដែលមានអាយុក្រោម 18 ឆ្នាំ និងសម្រាប់ដូសជំរុញនោះទេ។
- រដ្ឋមន្ត្រីសុខាភិបាលសហព័ន្ធលោក Greg Hunt សង្ឃឹមថាវ៉ាក់សាំងនឹងផ្តល់ "ជម្រើសថ្មី" ដល់ "អ្នកដែលបានរង់ចាំ ឬមិនអាចទទួលយកវ៉ាក់សាំងផ្សេងទៀត" ។
- គេហទំព័រអ្នកស្វែងរកថ្នាំវ៉ាក់សាំង ឥឡូវនេះផ្តល់នូវជម្រើសដើម្បីស្វែងរក Novavax នៅទូទាំងប្រទេសអូស្ត្រាលី។
- មេបក្សប្រឆាំង Victorian លោក Matthew Guy ត្រូវបានផាកពិន័យ 100 ដុល្លារចំពោះការមិនពាក់ម៉ាស់មុខនៅក្នុងរដ្ឋសភា។ សមាជិកសភារដ្ឋវិចថូរៀ បួនរូបផ្សេងទៀតក៏ត្រូវបានពិន័យផងដែរ។
- ចំនួនអ្នកជំងឺកូវីដ-១៩ ដែលសម្រាកព្យាបាលនៅមន្ទីរពេទ្យក្នុងរដ្ឋ Victoria គឺទាបបំផុតចាប់តាំងពីដើមឆ្នាំមក។
- ឧបនាយករដ្ឋមន្ត្រី និងជារដ្ឋមន្ត្រីក្រសួងសុខាភិបាល លោក Jeremy Rockliff បាននិយាយថា កងកម្លាំងការពារអូស្ត្រាលី នឹងជួយដល់កន្លែងថែទាំមនុស្សចាស់រដ្ឋតាសស្មានៀ ចំនួនបីដែលរងគ្រោះដោយការផ្ទុះឡើងនៃកូវីដ១៩។
ចំណែកឯស្ថិតិឆ្លងថ្មីនៃកូវីដ-១៩នៅថ្ងៃនេះ៖
- រដ្ឋញ៉ូសៅវែលបានរាយការណ៍ថា អ្នកជំងឺចំនួន 1,583 នាក់កំពុងសម្រាកព្យាបាលនៅមន្ទីរពេទ្យដោយមាន 96 នាក់នៅក្នុងការថែទាំជំងឺធ្ងន់។ មានអ្នកស្លាប់ចំនួន 16 នាក់ និងករណីថ្មីចំនួន 8,201 ។
- នៅរដ្ឋវិចថូរៀ មានមនុស្ស 441 នាក់កំពុងសម្រាកនៅមន្ទីរពេទ្យ 67 នាក់នៅបន្ទប់ ICU និង 14 នាក់កំពុងបំពាក់ម៉ាស៊ីនជំនួយដកដង្ហើម។ មានអ្នកស្លាប់ចំនួន 20 នាក់ និងឆ្លងថ្មីចំនួន 8,162 នាក់។
- នៅរដ្ឋគ្វីនស្លិន មានករណីថ្មីចំនួន 5,286 ករណី និងមានអ្នកស្លាប់ចំនួន 10 នាក់។ អ្នកជំងឺ 462 នាក់កំពុងសម្រាកនៅមន្ទីរពេទ្យដោយមាន 35 នាក់កំពុងសម្រាកព្យាបាលជំងឺធ្ងន់ និង 16 កំពុងបំពាក់ម៉ាស៊ីនជំនួយដកដង្ហើម។
- រដ្ឋតាសស្មានៀ បានកត់ត្រាថា មិនមានអ្នកស្លាប់នោះទេ រីឯករណីថ្មីមានចំនួន 513 ករណី។ មានអ្នកជំងឺ 10 នាក់កំពុងសម្រាកព្យាបាលនៅមន្ទីរពេទ្យ ម្នាក់ក្នុងចំណោមពួកគេ កំពុងសម្រាកព្យាបាលនៅក្នុងបន្ទប់ ICU ។
- នៅប្រទេសអូស្ត្រាលីខាងត្បូង មានករណីថ្មីចំនួន 1,138 ត្រូវបានរាយការណ៍ ដោយមានអ្នកជំងឺ 219 នាក់កំពុងសម្រាកព្យាបាលនៅមន្ទីរពេទ្យ 18 នាក់កំពុងសម្រាកព្យាបាលជំងឺធ្ងន់ និង 5 នាក់ត្រូវបានបំពាក់ដោយម៉ាស៊ីនជំនួយដង្ហើម។
សម្រាប់វិធានការដែលមាននាពេលបច្ចុប្បន្ន ដើម្បីឆ្លើយតបទៅនឹងការឆ្លងរាលដាលនៃកូវីដ-១៩ ជាភាសារបស់លោកអ្នក សូមចូលមើលនៅទីនេះ។
ការធ្វើចត្តាឡីស័កនិងការរឹតបន្តឹងនានានៅតាមរដ្ឋនិមួយៗ៖
ការធ្វើដំណើរ៖
ព័ត៌មានសម្រាប់អ្នកធ្វើដំណើរអន្តរជាតិ និងកូវីដ-១៩ និង ព័ត៌មាននៃការធ្វើដំណើរជាភាសាផ្សេងក្រៅពីអង់គ្លេស។
ជំនួយហិរញ្ញវត្ថុ៖
មានការផ្លាស់ប្តូរចំពោះប្រាក់ជំនួយគ្រោះមហន្តរាយកូវីដ-១៩ (COVID-19 Disaster Payment) នៅពេលដែលរដ្ឋនីមួយៗឈានដល់អត្រាចាក់វ៉ាក់សាំងពេញលេញ ៧០% និង ៨០%។ ការទទួលបាននូវជំនួយក្នុងអំឡុងពេលកូវីដពី Services Australia ជាភាសារបស់អ្នក។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
