- នៅរដ្ឋញូសៅវ៉េលពលរដ្ឋដែលត្រូវចាក់វ៉ាក់សាំងចំនួន 59.25ភាគរយបានចាក់វ៉ាក់សាំងបានពេញលេញ
- នៅរដ្ឋវិកថូរៀ ក្រុង Geelong និង Surf Coast បញ្ចប់ការបិទខ្ទប់ចាប់ពីពាក់កណ្តាលយប់នេះទៅ
- ដែនដីរដ្ឋធានីខេនបេរ៉ាមានការឆ្លងថ្មីក្នុងសហគមន៍ចំនួន 25ករណី
រដ្ឋញូសៅវ៉េល
រដ្ឋញូសៅវ៉េលមានការឆ្លងថ្មីក្នុងសហគមន៍ចំនួន 961ករណី និងស្លាប់ប្រាំបួនករណី។
មន្ត្រីក្រសួងសុខាភិបាលរដ្ឋញូសៅវ៉េលវេជ្ជបណ្ឌិត Jeremy McAnulty មានប្រសាសន៍ថាករណីឆ្លងថ្មីច្រើនបំផុតកើតមាននៅតំបន់ដែលមានការព្រួយបារម្ភដូចជា Guildford, Auburn, Punchbowl, Penrith, Bankstown, Liverpool និង Bossley Park។
អភិបាលរដ្ឋញូសៅវ៉េលលោកស្រី Gladys Berejiklian មានប្រសាសន៍ថាព័ត៌មានលម្អិតស្តីពីការបើកពីការបិទខ្ទប់ដោយកូវិដឡើងវិញតាមរយៈផែនទីបង្ហាញផ្លូវកំពុងរៀបចំធ្វើបញ្ចប់ រួចនឹងចេញផ្សាយជាសាធារណៈនៅសប្តាហ៍ក្រោយនេះ។ អាជ្ញាធរគ្រោងនឹងប្រកាសវិធានសុខាភិបាលផ្សេងៗសម្រាប់ពលរដ្ឋមិនបានចាក់វ៉ាក់សាំងបង្ការនៅពេលក្រោយទៀត។
រដ្ឋវិកថូរៀ
រដ្ឋវិកថូរៀមានការឆ្លងថ្មីក្នុងសហគមន៍ចំនួន 779ករណី និងមានស្លាប់ពីរករណី។
អភិបាលរដ្ឋលោក Daniel Andrews មានប្រសាសន៍ថាការដាក់កំហិតមួយចំនួននឹងត្រូវបន្ធូរបន្ថយនៅតំបន់ជនបទរដ្ឋវិកថូរៀ និងតំបន់ជុំវិញក្រុងម៉ែលប៊ិន ពេលរដ្ឋនេះសម្រេចបានការចាក់វ៉ាក់សាំងបង្ការដូសទីមួយដល់ 80ភាគរយ ដែលគេរំពឹងថានឹងសម្រេចបាននៅត្រឹមថ្ងៃអង្គារទី 28 កញ្ញា សប្តាហ៍ក្រោយនេះ។
ការដាក់កំហិតពីរង្វង់ធ្វើដំណើរពីផ្ទះនឹងត្រូវបង្កើនដល់ 15គម សកម្មភាពកំសាន្តខាងក្រៅអគាររួមមានកីឡាកូនហ្គោល តិននីស និងបាល់បោះនឹងត្រូវបានអនុញ្ញាតដោយមានការដាក់កំហិតចំនួនមនុស្សចូលរួម។ ការបន្ធូរបន្ថយការដាក់កំហិតក៏នឹងត្រូវធ្វើលើការបង្ហាត់កីឡាផ្ទាល់ខ្លួនសម្រាប់ពលរដ្ឋដែលបានចាក់វ៉ាក់សាំងពេញលេញផងដែរ។
រយៈពេល២៤ម៉ោងចុងក្រោយនៅអូស្រ្តាលី៖
- នៅដែនដីរដ្ឋធានីខេនបេរ៉ា ពលរដ្ឋដែលមានអាយុលើសពី 12ឆ្នាំ 85% បានចាក់វ៉ាក់សាំងបង្ការកូវិដ-19 ដូសទីមួយរួចរាល់ហើយ។
- រដ្ឋឃ្វីនឡែនគ្មានការឆ្លងថ្មីក្នុងសហគមន៍ទេនៅថ្ងៃនេះ។
[iframesrc="https://www.sbs.com.au/labsembeds/vaccinated-dashboard-naca-extra/index.html"data-module="iframe-resize_module"]
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជាង៦០ភាសា មាននៅលើ sbs.com.au/coronavirus
- ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនិកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
