បច្ចុប្បន្នភាពកូវីដ-១៩៖ រដ្ឋគ្វីនស្លេនស្ថិតនៅលើគន្លងសម្រេចគោលដៅវ៉ាក់សាំង៨០% ខណៈដែលអូស្រ្តាលីពិចារណាបើកច្រកព្រំដែនពិសេសជាមួយកូវ៉េខាងត្បូងនិងជប៉ុន

នេះគឺជាបច្ចុប្បន្នភាពរបស់លោកអ្នក ស្តីពីវីរុសកូរ៉ូណានៅក្នុងប្រទេសអូស្រ្តាលី សម្រាប់ថ្ងៃពុធ ទី១០ ខែវិច្ឆិកា ឆ្នាំ២០២១។

The Brisbane skyline is seen at sunset from the suburb of Balmoral in Brisbane. Source: AAP

អភិបាលរដ្ឋគ្វីនស្លេន លោកស្រី Annastacia Palaszczuk និយាយថា រដ្ឋនេះនឹងឈានដល់គោលដៅចាក់វ៉ាក់សាំង ៨០% នៅថ្ងៃស្អែក។ ទន្ទឹមនឹងនេះដែរពាណិជ្ជករ Clive Palmer គ្រោងនឹងចាត់វិធានការផ្លូវច្បាប់ប្រឆាំងនឹងសំណើរបស់រដ្ឋាភិបាលរដ្ឋគ្វីនស្លេន ក្នុងការរារាំងប្រជាជនដែលមិនបានចាក់វ៉ាក់សាំង មិនឲ្យចូលរួមនៅក្នុងកន្លែងមួយចំនួន។
រដ្ឋាភិបាលសហព័ន្ធកំពុងពិចារណាអនុញ្ញាតឱ្យមានការធ្វើដំណើរដោយមិនចាំបាច់ធ្វើចត្តាឡីស័ក ជាមួយប្រទេសកូរ៉េខាងត្បូង និងជប៉ុន។ លោកនាយករដ្ឋមន្ត្រី Scott Morrison និយាយថា រដ្ឋាភិបាលកំពុងធ្វើការលើកិច្ចព្រមព្រៀងពីរផ្លូវ បន្ទាប់ពីផែនការស្រដៀងគ្នានេះត្រូវបានបង្កើតឡើងជាមួយប្រទេសសិង្ហបុរី។
នៅរដ្ឋវិចថូរៀ ជាង ៨៤%នៃអ្នកដែលមានអាយុ ១២ឆ្នាំឡើងទៅ បានទទួលវ៉ាក់សាំងយ៉ាងហោចណាស់មួយដូសរួចហើយ។ ការរឹតបន្តឹងស្ទើរតែទាំងអស់នឹងត្រូវលុបចោលសម្រាប់អ្នកដែលបានចាក់វ៉ាក់សាំងពីរដូស្តរួចហើយ នៅពេលដែលរដ្ឋនេះឈានដល់គោលដៅចាក់វ៉ាក់សាំងពេញលេញ ៩០% ដែលតាមការព្យាករណ៍ទុកគឺនៅថ្ងៃទី ២៤ ខែវិច្ឆិកា។

ស្ថិតិកូវីដ-១៩៖

រដ្ឋវិចថូរៀបានកត់ត្រាករណីឆ្លងថ្មីក្នុងស្រុកចំនួន ១,០០៣ ករណី និងស្លាប់ ១៤នាក់។
រដ្ឋញូសៅវែលបានកត់ត្រាករណីឆ្លងថ្មីក្នុងស្រុកចំនួន ២១៦ ករណី និងស្លាប់ ៣នាក់។
រដ្ឋគ្វីនស្លេនបានកត់ត្រាករណីឆ្លងថ្មីក្នុងស្រុកចំនួន ៣ករណី និង ACT កត់ត្រា៩ករណី។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។