- រដ្ឋញ៉ូសៅវែល បានឈានដល់ចំនួនកំណត់ត្រានៃការសម្រាកព្យាបាលនៅមន្ទីរពេទ្យ និងចំនួនករណីប្រចាំថ្ងៃ នៅពេលដែលវ៉ារ្យ៉ង់អូមីក្រុងរីករាលដាលពេញរដ្ឋ។ មានអ្នកជំងឺកូវីដ-១៩ចំនួន 1,344 នាក់កំពុងសម្រាកព្យាបាលនៅមន្ទីរពេទ្យ។
- សហជីពគ្រូបង្រៀននៅរដ្ឋញ៉ូសៅវែល បានអំពាវនាវឱ្យមានកិច្ចប្រជុំជាបន្ទាន់ជាមួយមន្ត្រីសុខាភិបាលនិងផ្នែកអប់រំ ដើម្បីពិភាក្សាអំពីសុវត្ថិភាពនៅមុនឆ្នាំសិក្សាថ្មី ចំពេលមានការរីករាលដាលកាន់តែខ្លាំងឡើង។
- ចាប់ពីថ្ងៃនេះ ចន្លោះពេលរវាងការចាក់លើកទី 2 និងទី 3 ត្រូវបានកាត់បន្ថយមកត្រឹម 4 ខែ ដែលមានន័យថា ប្រជាជនអូស្ត្រាលីប្រមាណ 7.5 លាននាក់ឥឡូវនេះអាចទទួលបានការចាក់លើកទី 3 របស់ពួកគេ។
- នាយក Chemist Warehouse លោក Mario Tascone បានអំពាវនាវឱ្យរដ្ឋាភិបាលសហព័ន្ធលុបចោល GST លើឧបករណធ្វើតេស្តអង់ទីហ្សែនយ៉ាងឆាប់រហ័ស ក្នុងគោលបំណងធ្វើឱ្យតម្លៃធ្លាក់ចុះ ចំពេលមានការជជែកដេញដោលកាន់តែខ្លាំងឡើងអំពីថាតើអ្នកណាគួរចំណាយសម្រាប់ការធ្វើតេស្តនេះ។
- ប្រធានផ្នែកសុខភាពលោកវេជ្ជបណ្ឌិត John Gerrard បាននិយាយថា ខាងផ្នែករោគសាស្រ្តនៃរដ្ឋគ្វីនស្លិន បានរាយការណ៍ថា 23 ភាគរយនៃសំណាកទាំងអស់ដែលបានធ្វើតេស្តកាលពីថ្ងៃចន្ទគឺវិជ្ជមាន។
- អ្នកជំងឺកូវីដ-១៩ជាង 100,000 នាក់បច្ចុប្បន្នកំពុងសម្រាកព្យាបាលនៅមន្ទីរពេទ្យ នៅសហរដ្ឋអាមេរិកជាលើកដំបូងក្នុងរយៈពេលជិត 4 ខែ នេះបើយោងតាមទិន្នន័យចុងក្រោយពីក្រសួងសុខាភិបាល និងធនធានមនុស្ស (HHS) របស់សហរដ្ឋអាមេរិក។
ចំណែកឯស្ថិតិឆ្លងថ្មីនៃកូវីដ-១៩នៅថ្ងៃនេះ៖
រដ្ឋញ៉ូសៅវែលកត់ត្រាករណីឆ្លងថ្មីក្នុងសហគមន៍ 23,131 ករណី និងស្លាប់ 2 នាក់។
រដ្ឋវិចថូរៀបានកត់ត្រាករណីឆ្លងថ្មី 14,020 ករណី និងស្លាប់ 2 នាក់។
រដ្ឋឃ្វីនស្លិន កត់ត្រាករណីឆ្លងថ្មី 5,699 ករណី
ACT កត់ត្រា 926 ករណី
និង រដ្ឋតាសស្មានៀឆ្លងថ្មី 702 ករណី
សម្រាប់វិធានការដែលមាននាពេលបច្ចុប្បន្ន ដើម្បីឆ្លើយតបទៅនឹងការឆ្លងរាលដាលនៃកូវីដ-១៩ ជាភាសារបស់លោកអ្នក សូមចូលមើលនៅទីនេះ។
ការធ្វើចត្តាឡីស័កនិងការរឹតបន្តឹងនានានៅតាមរដ្ឋនិមួយៗ៖
ការធ្វើដំណើរ៖
ព័ត៌មានសម្រាប់អ្នកធ្វើដំណើរអន្តរជាតិ និងកូវីដ-១៩ និង ព័ត៌មាននៃការធ្វើដំណើរជាភាសាផ្សេងក្រៅពីអង់គ្លេស។
ជំនួយហិរញ្ញវត្ថុ៖
មានការផ្លាស់ប្តូរចំពោះប្រាក់ជំនួយគ្រោះមហន្តរាយកូវីដ-19 (COVID-19 Disaster Payment) នៅពេលដែលរដ្ឋនីមួយៗឈានដល់អត្រាចាក់វ៉ាក់សាំងពេញលេញ ៧០% និង ៨០%។ ការទទួលបាននូវជំនួយក្នុងអំឡុងពេលកូវីដពី Services Australia ជាភាសារបស់អ្នក។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
