- រដ្ឋវិកថូរៀមានឆ្លងថ្មីក្នុងសហគមន៍ 61ករណី ដោយការបិទខ្ទប់នឹងធ្វើឡើងនៅទូទាំងរដ្ឋ
- រដ្ឋញូសៅវ៉េលមានឆ្លងថ្មីក្នុងសហគមន៍ 825ករណី ដែលជាការឆ្លងច្រើនបំផុតចាប់តាំងពីមានរោគរាតត្បាត
- រដ្ឋឃ្វីនឡែនគ្មានការឆ្លងថ្មីក្នុងសហគមន៍ទេ
- រដ្ឋធានីខេនបេរ៉ាមានឆ្លងថ្មីក្នុងសហគមន៍ចំនួន 8ករណី ដែលសុទ្ធសឹងតែត្រូវបានដាក់ឲ្យនៅដាច់ដោយឡែកអំឡុងពេលមានសមត្ថភាពចម្លងទៅអ្នកផ្សេង
រដ្ឋញូសៅវ៉េល
រដ្ឋញូសៅវ៉េលមានការឆ្លង COVID-19 ថ្មីក្នុងសហគមន៍ច្រើនបំផុតមិនធ្លាប់មានរហូតដល់ 825ករណី និងមានការស្លាប់បីនាក់ រួមមានបុរសមួយរូបក្នុងវ័យ 90ឆ្នាំមិនទាន់បានចាក់វ៉ាក់សាំង បុរសមួយរូបទៀតក្នុងវ័យ 80ឆ្នាំបានចាក់វ៉ាក់សាំងបានពេញលេញ និងស្ត្រីមួយរូបក្នុងវ័យ 90ឆ្នាំ ដែលបានចាក់វ៉ាក់សាំងបង្ការបានមួយដូស។
នគរបាលរដ្ឋញូសៅវ៉េលបានដាក់ពង្រាយនគរបាល 1500នាក់ ដើម្បីធានាកុំឲ្យមានបាតុកម្មប្រឆាំងនឹងការបិទខ្ទប់នៅរសៀលថ្ងៃនេះ។ រថភ្លើងមិនឈប់នៅតាមស្ថានីយ៍សំខាន់ៗទេ ហើយអ្នកបើករថយន្តតាក់ស៊ីក៏ត្រូវបានហាមមិនឲ្យចូលក្រុងស៊ីដនីយ៍ផងដែរ។
មានកន្លែងទំនេរសម្រាប់ កក់ចាក់វ៉ាក់សាំង បង្ការ COVID-19 ប្រភេទ Pfizer សម្រាប់ពលរដ្ឋដែលរស់នៅតំបន់អាទិភាពលើអ្នកមានអាយុពី 16 ទៅ 39ឆ្នាំ។
រដ្ឋវិកថូរៀ
រដ្ឋវិកថូរៀមានការឆ្លង COVID-19 ថ្មីចំនួន 61ករណី ដែលក្នុងនោះ 39ករណីស្ថិតនៅក្នុងសហគមន៍ខណៈមានសមត្ថភាពចម្លងទៅកាន់អ្នកផ្សេង។
ជាមួយគ្នានេះផងដែរក៏មានការឆ្លងក្នុងចំនួនច្រើនផងដែរនៅតំបន់ជនបទរដ្ឋវិកថូរៀ។ ដូចនេះចាប់ពីម៉ោង 1 រសៀលថ្ងៃនេះតទៅ តំបន់ជនបទរដ្ឋវិកថូរៀទាំងមូលនឹងត្រូវបិទខ្ទប់។
ការរឹតបន្តឹងនៅតំបន់ជនបទរដ្ឋវិកថូរៀនឹងត្រូវអនុវត្តដូចគ្នានឹងតំបន់ទីក្រុងដែរ លើកលែងតែបម្រាមគោចរប៉ុណ្ណោះ ដែលមិនត្រូវអនុវត្តនៅតំបន់ជនបត។
រយៈពេល 24ម៉ោងចុងក្រោយនៅទូទាំងអូស្ត្រាលី
- រដ្ឋធានីខេនបេរ៉ាមានការឆ្លង COVID-19 ថ្មីចំនួន 8ករណី ហើយមានគម្រោងរួមបញ្ចូលកុមារមានអាយុពី 12ឆ្នាំឡើងទៅនៅក្នុងកម្មវិធីចាក់វ៉ាក់សាំងបង្ការរបស់ខ្លួនមុនដំណាច់ឆ្នាំនេះ។
- រដ្ឋឃ្វីនឡែនគ្មានការឆ្លងកូវិដថ្មីទេ ហើយអាជ្ញាធរបានអំពាវនាវជាថ្មីទៀតដល់ពលរដ្ឋដែលមានអាយុពីអាយុ 16ឆ្នាំឡើងទៅឲ្យមកទទួលការចាក់វ៉ាក់សាំង។
Source: ALC
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
