នៅថ្ងៃពុធនេះ ប្រទេសអូស្ត្រាលីបានរាយការណ៍ថាមានអ្នកស្លាប់ដោយសារ COVID-19 យ៉ាងហោចណាស់ 61 នាក់ ដោយក្នុងនោះ 26 នាក់នៅរដ្ឋញូសៅវែល, 24 នាក់នៅរដ្ឋវិចថូរៀ និង 6នាក់នៅរដ្ឋគ្វីនស្លេន។ រដ្ឋអូស្ត្រាលីខាងលិចក៏បានរាយការណ៍ពីការស្លាប់ជាប្រវត្តិសាស្ត្រចំនួនពីរករណីផងដែរ។
រដ្ឋញូសៅវែលបានរាយការណ៍អំពីករណី COVID-19 ប្រចាំថ្ងៃខ្ពស់បំផុតនៅក្នុងខែនេះរបស់ខ្លួន ដែលមានចំនួន 9,472ករណី និងការស្លាប់ 26នាក់ ។
ចំនួននៃការសម្រាកព្យាបាលនៅមន្ទីរពេទ្យបន្តកើនឡើងក្នុងរដ្ឋគ្វីនស្លេន ។ រដ្ឋនេះបានរាយការណ៍ថា មានអ្នកជំងឺ 497 នាក់ដែលមាន COVID-19 នៅថ្ងៃពុធនេះ បើធៀបនឹងអង្គារគឺ 491 នាក់។
រដ្ឋថាសម៉ាញៀ និងដែនដីរដ្ឋធានីអូស្រ្តាលី ( ACT) បានរាយការណ៍ពីការឆ្លងថ្មីចំនួន 1,157ករណី និង 1,085ករណី ដែលជាចំនួនខ្ពស់បំផុតនៃករណី COVID-19 ប្រចាំថ្ងៃរបស់ពួកគេ ក្នុងរយៈពេល 4 សប្តាហ៍ចុងក្រោយនេះ។
ពិនិត្យមើលនិន្នាការចុងក្រោយបំផុតនៃកូវីដ-19 សម្រាប់ករណីឆ្លងថ្មី ការសម្រាកព្យាបាលនៅមន្ទីរពេទ្យ និងការស្លាប់នៅក្នុងប្រទេសអូស្ត្រាលីនៅទីនេះ។
រដ្ឋអូស្ត្រាលីខាងត្បូង (SA) កំពុងត្រៀមសម្រាប់រលកថ្មីដែលអាចនាំមានករណីឆ្លង COVID-19 ប្រចាំថ្ងៃឡើងដល់ចន្លោះពី 4000 ទៅ 5000ករណី ក្នុងរយៈពេលពីរខែខាងមុខ។ បច្ចុប្បន្ន រដ្ឋកំពុងមើលឃើញករណីឆ្លងប្រចាំថ្ងៃប្រហែល ២.៥០០ ករណី។
គេរំពឹងថា វ៉ារ្យ៉ង់ BA.5 នឹងជំរុញឲ្យមានការឆ្លងថ្មី និងដាក់សម្ពាធលើប្រព័ន្ធមន្ទីរពេទ្យក្នុងរដ្ឋនេះ។ ទោះជាយ៉ាងណាក៏ដោយ ក្រុមអ្នកស្រាវជ្រាវនិយាយថា រលកថ្មីនេះទំនងជាមិនអាក្រក់ជាងរលកមុនៗនោះទេ។
តុលាការកំពូលរបស់រដ្ឋអូស្រ្តាលីខាងត្បុង បានច្រានចោលបណ្តឹងឧទ្ធរណ៍ពីឪពុកម្នាក់ ដែលមិនចង់ឱ្យកូនស្រីអាយុប្រាំឆ្នាំរបស់គាត់ដែលស្ថិតនៅក្រោមការថែទាំរបស់រដ្ឋ ទទួលថ្នាំបង្ការប្រឆាំងនឹងមេរោគនេះ។ បុរសនោះបានប្តឹងទៅតុលាការកំពូលបន្ទាប់ពីតុលាការរដ្ឋប្បវេណី និងរដ្ឋបាលរដ្ឋអូស្ត្រាលីខាងត្បូង (SACAT) បានច្រានចោលការអង្វររបស់គាត់ កាលពីដើមឆ្នាំនេះ។
រដ្ឋមន្ត្រីក្រសួងសុខាភិបាលលោក Mark Butler បាននិយាយថា ប្រទេសអូស្ត្រាលីនឹងរួមចំណែកដល់មូលនិធិសកលថ្មីមួយ ដែលត្រូវបានបង្កើតឡើង ដើម្បីការពារប្រទេសនានាប្រឆាំងនឹងជំងឺរាតត្បាតនាពេលអនាគត។
ក្រុមហ៊ុន Qantas បានលុបចោលការពាក់ម៉ាសមុខនៅលើជើងហោះហើរអន្តរជាតិទៅកាន់សហរដ្ឋអាមេរិក ចក្រភពអង់គ្លេស និងផ្នែកខ្លះនៃទ្វីបអឺរ៉ុប។ ទោះជាយ៉ាងណាក៏ដោយ ម៉ាសមុខនៅតែត្រូវពាក់សម្រាប់ជើងហោះហើរក្នុងប្រទេសអូស្ត្រាលី និងទៅកាន់ប្រទេសដទៃទៀត។
ចូលអានអំពីវ៉ាក់សាំងកូវីដ-១៩ជាភាសាខ្មែរ។
ស្វែងរកគ្លីនីកធ្វើតេស្តកូវីដ-១៩
ACT New South Wales Northern Territory Queensland
South Australia Tasmania Victoria Western Australia
ចុះបញ្ជីលទ្ធផលតេស្តរហ័ស (RAT) របស់អ្នកនៅទីនេះ ប្រសិនបើអ្នកទទួលបានលទ្ធផលវិជ្ជមាន
ACT New South Wales Northern Territory Queensland
South Australia Tasmania Victoria Western Australia
ស្វែងរក អ្វីដែលអ្នកអាចធ្វើបាន និងមិនអាចធ្វើបាន នៅគ្រប់ទីកន្លែងក្នុងប្រទេសអូស្រ្តាលី។
មុនពេលអ្នកធ្វើដំណើរចេញទៅក្រៅប្រទេស ចូរពិនិត្យតម្រូវការធ្វើដំណើរនិងដំបូន្មានចុងក្រោយគេបង្អស់។
ប្រសិនបើអ្នកត្រូវការជំនួយហិរញ្ញវត្ថុ ចូរពិនិត្យមើលអ្វីជាជម្រើសរបស់អ្នក។
នេះគឺជាជំនួយខ្លះៗក្នុងការស្វែងយល់ពីវគ្គសព្ទនៃកូវីដ-១៩ជាភាសារបស់លោកអ្នក។
អានព័ត៌មានអំពីកូវីដ-១៩ទាំងអស់ជាភាសារបស់អ្នកនៅលើ SBS Coronavirus portal៕
