បច្ចុប្បន្នភាពកូវីដ-១៩៖ “ការដើរថយក្រោយគួរឱ្យកត់សម្គាល់”ចំពោះផែនការបើកឡើងវិញរបស់រដ្ឋវិចថូរៀ ខណៈដែលរដ្ឋគ្វីនស្លេនកំណត់ឡើងវិញការរឹតត្បឹតកូវីដ

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ ថ្ងៃព្រហស្បតិ៍ ទី៣០ ខែកញ្ញា ឆ្នាំ២០២១។

People are seen exercising along Southbank in Melbourne, Thursday, September 30, 2021. Source: AAP Image/Daniel Pockett

ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។

អត្រាចាក់វ៉ាក់សាំងដូស្តដំបូងរបស់រដ្ឋវិចថូរៀឡើងលើស៨០%ហើយ
រដ្ឋញូសៅវែលនឹងបើកសាលារៀនឡើងវិញមួយសប្តាហ៍មុនពេលកំណត់
ACT នឹងបន្ធូរបន្ថយការរឹតត្បឹតចាប់ពីពាក់កណ្តាលយប់នេះ
រដ្ឋគ្វីនស្លេនកត់ត្រាករណីឆ្លងថ្មីនៅក្នុងស្រុក៦ករណី

រដ្ឋវិចថូរៀ

រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ១,៤៣៨ករណី ដែលក្នុងនោះ ជាង៥០០ករណីពាក់ព័ន្ធនឹងការជួបជុំគ្នាកាលពីចុងសប្តាហ៍នៃការប្រកួតបាល់ទាត់វគ្គផ្តាច់ព្រាត់។ មនុស្ស៥នាក់បានស្លាប់។

ស្នងការឆ្លើយតបកូវីដ-១៩របស់រដ្ឋវិចថូរៀ លោក Jeroen Weimar បានបរិយាយការលោតឡើងខ្លាំងនៃករណីឆ្លងក្នុងថ្ងៃនេះថាជា “ការដើរថយក្រោយគួរឱ្យកត់សម្គាល់”ចំពោះផែនការបើកឡើងវិញរបស់រដ្ឋវិចថូរៀ។

អភិបាលរដ្ឋ លោក Daniel Andrews បាននិយាយថា គម្លាតនៃការរង់ចាំដើម្បីចាក់វ៉ាក់សាំងរវាងដូស្តទី១និងដូស្តទី២របស់វ៉ាក់សាំង Pfizer នឹងត្រូវបន្ថយពី៦សប្តាហ៍ មកនៅត្រឹម៣សប្តាហ៍វិញ ខណៈដែលរដ្ឋនេះនឹងមានថ្នាំវ៉ាក់សាំងគ្រប់គ្រាន់សម្រាប់ការផ្លាស់ប្តូរនេះចាប់ពីខែក្រោយទៅ។

ស្វែងរក មណ្ឌលចាក់វ៉ាក់សាំងដែលនៅក្បែរលោកអ្នក។

រដ្ឋញូសៅវែល

រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ៩៤១ករណី និងស្លាប់៦នាក់។

លោកស្រីអភិបាលរដ្ឋ Gladys Berejiklian បានបញ្ជាក់ថា កូនសិស្សថ្នាក់មត្តេយ្យ សិស្សថ្នាក់ទី១ ថ្នាក់ទី២ និងសិស្សថ្នាក់ទី១២ អាចវិលចូលក្នុងថ្នាក់រៀនវិញចាប់ពីថ្ងៃទី ១៨ ខែតុលា ពោលគឺ១សប្តាហ៍មុនផែនការណ៍ដែលបានគ្រោងទុក។

សិស្សទាំងអស់ដទៃទៀតនឹងវិលត្រឡប់ចូលសាលារៀនវិញនៅក្នុងពេល២សប្តាហ៍បន្ទាប់ គឺនៅថ្ងៃទី ២៥ខែតុលា និងថ្ងៃទី១ ខែវិច្ឆិកា។

កក់ទុកសម្រាប់ការណាត់ជួបទៅចាក់វ៉ាក់សាំងនៅថ្ងៃនេះ ។

ដែនដីរដ្ឋធានីអូស្រ្តាលី (ACT)

ដែនដីនេះបានកត់ត្រាករណីឆ្លងថ្មីក្នុងស្រុកចំនួន ៣១ករណី។

ចាប់ពីថ្ងៃសុក្រ ទី១ ខែតុលា វេលាម៉ោង ១២:០១នាទីរំលងអធ្រាត្រនឹងមានការបន្ធូរបន្ថយការរឹតត្បឹតមួយចំនួន រួមមាន ការបន្ថែមពេលវេលាកំសាន្តនៅទីខាងក្រៅអគារ សួនឧទ្យានជាតិត្រូវបានបើកឡើងវិញ នឹងការបន្ធូរបន្ថយមួយចំនួនបន្ថែមទៀតសម្រាប់អាជីវកម្មលក់រាយ។

អ្នកស្រុកដែលមានអាយុលើសពី៦០ឆ្នាំឡើងទៅ ឥឡូវនេះមានសិទ្ធិអាចចាក់វ៉ាក់សាំង Pfizer បាន។

ចុចត្រង់នេះដើម្បីកក់ទុកការណាត់ជួបទៅចាក់វ៉ាក់សាំងបង្ការកូវីដ-១៩របស់លោកអ្នក។

រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖

តំបន់រដ្ឋាភិបាលមូលដ្ឋាន Brisbane, Gold Coast, Logan, Moreton Bay, Townsville និង Palm Island នឹងវិលចូលទៅក្នុងការរឹតបន្តឹងដំណាក់កាលទី២ ចាប់ពីម៉ោង៤ល្ងាច ថ្ងៃព្រហស្បតិ៍ ទី៣០ ខែកញ្ញា ឆ្នាំ២០២១។
រដ្ឋាភិបាលសហព័ន្ធបានប្រកាសថា ប្រាក់ជំនួយគ្រោះមហន្តរាយ COVID-19 disaster payments សម្រាប់បុគ្គលិកកម្មករដែលបាត់បង់ការងារធ្វើ និងប្រាក់ជំនួយគាំទ្រអាជីវកម្ម នឹងត្រូវបញ្ឈប់នៅពេលដែលអត្រាចាក់វ៉ាក់សាំងពេញលេញបាន៨០%។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។