- ករណីឆ្លងប្រចាំថ្ងៃនៅរដ្ឋវិចថូរៀឡើងខ្ពស់ខ្លាំង ដល់ទៅជាង២០០០ករណី
- ញូសៅវែលប្រកាសប័ណ្ណបញ្ចុះតម្លៃបន្ថែមទៀតសម្រាប់អាជីវកម្ម
- TGA ពិចារណាវ៉ាក់សាំងបង្ការវីរុសកូរ៉ូណាសម្រាប់កុមារអាយុចន្លោះពី៥ ដល់១១ឆ្នាំ
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ២,២៩៧ករណី និងស្លាប់ ១១នាក់។ ៩០%នៃអ្នកដែលចូលសម្រាកព្យាបាលក្នុងមន្ទីរពេទ្យមិនបានចាក់វ៉ាក់សាំងពេញលេញនោះទេ។
អភិបាលរដ្ឋ លោក Daniel Andrews បាននិយាយថា ចំនួនករណីឆ្លងនេះនឹងធ្លាក់ចុះមកទាប នៅពេលដែលរដ្ឋនេះសម្រេចបានគោលដៅចាក់វ៉ាក់សាំង២ដូស្ត ៧០%។
រដ្ឋនេះអាចនឹងសម្រេចគោលដៅបាននៅមុនថ្ងៃដែលបានកំណត់ទុកជាមុន គឺនៅថ្ងៃ ទី ២៦ តុលា ដើម្បីបិទបញ្ចប់ការបិទខ្ទប់លើកទី៦ដ៏យូរ នៅក្នុងទីក្រុងម៉ែលប៊នលើកនេះ។
លោកអភិបាលរដ្ឋក៏បាននិយាយផងដែរថា ក្នុងពេល១សប្តាហ៍ទៀតនេះ គេនៅមិនទាន់ច្បាស់នោះទេថា តួលេខឆ្លងនឹងឡើងដល់ចំណុចកំពូលហើយឬអត់នោះទេ។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ៤០៦ករណី និងស្លាប់ ៦នាក់។
រដ្ឋនេះបានប្រកាសនូវប័ណ្ណបញ្ចុះតម្លៃសម្រាប់ការទទួលទានអាហារនិងដើរកំសាន្ត Dine and Discover vouchers ចំនួនពីរបន្ថែមទៀត ដែលមានសុពលភាពរហូតដល់ខែមិថុនាឆ្នាំ ២០២២។ កញ្ចប់ថវិកាបន្ថែមចំនួន ៦៦ លានដុល្លារ ត្រូវបានបែងចែកដើម្បីជាការលើកទឹកចិត្តដល់ការចេញទៅទទួលទានអាហារតាមបែបហាលវាលនៅខាងក្រៅអគារ។
លោកអភិបាលរដ្ឋ Dominic Perrottet បាននិយាយថា “យើងចង់ឱ្យអាជីវកម្មរបស់យើងមានសេរីភាពនិងរីកចម្រើន” ។
៩១,១ ភាគរយនៃប្រជាជននៅរដ្ឋញូសៅវែលដែលមានអាយុចាប់ពី ១៦ ឆ្នាំឡើងទៅបានទទួលថ្នាំបង្ការដូស្តដំបូងរបស់ពួកគេរួចហើយ និង ៧៦.៥ ភាគរយចាក់បានពីរដូស្តរួចហើយ។
ដែនដីរដ្ឋធានីអូស្រ្តាលី (ACT)
ដែនដីនេះបានកត់ត្រាករណីឆ្លងថ្មីក្នុងស្រុកចំនួន៤១ករណី ដែលក្នុងនោះ ៣០ករណីត្រូវបានគេដឹងពីប្រភពរួចហើយ។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- រដ្ឋគ្វីនស្លេនមិនបានកត់ត្រាករណីឆ្លងថ្មីនៃកូវីដ-១៩ទេ។
- អត្រាចាក់វ៉ាក់សាំងថ្នាក់ជាតិក្នុងចំណោមជនជាតិដើមដំបូងរបស់អូស្រ្តាលីនៅតែទាប ត្រឹម ៥៧,៥% នៃចំនួនប្រជាជនក្នុងសហគមន៍នេះ ដែលមានសិទ្ធិ បានចាក់ដូស្តដំបូងរួចហើយ និង៤២%ដែលបានចាក់រួចពីរដូស្តហើយ។
- រដ្ឋមន្រ្តីក្រសួងសុខាភិបាលសហព័ន្ធ លោក Greg Hunt បាននិយាយថា វ៉ាក់សាំងសម្រាប់កុមារអាយុពី ៥ទៅ១១ឆ្នាំ នឹងទទួលបានការអនុម័តពី TGA និង ATAGI។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
