- រដ្ឋវិចថូរៀនឹងត្រូវបិទខ្ទប់ជាលើកទី៦ ចាប់ពីម៉ោង8យប់នេះ
- តំបន់ Hunter Valley នឹងត្រូវបិទខ្ទប់ចាប់ពីម៉ោង៥ល្ងាចនេះទៅ
- រាល់ករណីឆ្លងថ្មីនៅប្រ៊ីសបេនទាំងអស់សុទ្ធតែទាក់ទងគ្នា
- នាយករដ្ឋមន្រ្តីអះអាងថានឹងផ្តល់វ៉ាក់សាំងPfizer បន្ថែមទៅឲ្យរដ្ឋញូសៅវែល។
រដ្ឋវិចថូរៀ
រដ្ឋមន្រ្តីទីមួយនៃរដ្ឋវិចថូរៀ លោក Daniel Andrews បានអះអាងថារដ្ឋនេះនឹងត្រូវបិទខ្ទប់រយៈពេល៧ថ្ងៃ គិតចាប់ពីម៉ោង៨យប់ ថ្ងៃព្រហស្បតិ៍ ទី៥ ខែសីហា នេះទៅ។
រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន៨ករណី ហើយត្រូវវិលត្រឡប់ទៅរកការបិទខ្ទប់ជាលើកទី6 ក្នុងពេលមិនដល់២សប្តាហ៍ផងគិតចាប់ពីការបើកបន្ធូរបន្ថយចុងក្រោយនេះ។
រដ្ឋញូសៅវែល
រដ្ឋញូសៅវែលបានកត់ត្រានូវករណីឆ្លងថ្មីនៃវីរុសកូរ៉ូណាក្នុងស្រុកចំនួន 262ករណី និងស្លាប់5នាក់។ ក្នុងចំណោមអ្នកស្លាប់ទាំងនោះ ៤នាក់មិនបានចាក់វ៉ាក់សាំងទេ ហើយម្នាក់ទៀតបានចាក់វ៉ាក់សាំងAstraZeneca បានមួយដូស្ត។
ការដាក់កំហិតថ្មីៗនឹងធ្វើឡើងនៅតំបន់ Newcastle, Lake Macquarie, Maitland, Port Stephens, Singleton, Dungog, Muswellbrook និង Cessnock ចាប់ពីម៉ោង៥ល្ងាចនេះទៅ រហូតដល់ម៉ោង 12និង01នាទីរំលងអធ្រាត្រឆ្លងចូលថ្ងៃទី ១៣ ខែសីហា។
ប្រធានមន្រ្តីសុខាភិបាល Dr Kerry Chant ជំរុញឲ្យប្រជាជនមកពីតំបន់ Armidale និង Dubbo ទៅធ្វើតេស្តខណៈដែលកម្រិតវីរុសនៅក្នុងប្រព័ន្ធទឹកលូបានកើនឡើង។
អាជ្ញាធររដ្ឋញូសៅវែលអង្វរកឲ្យអ្នករាល់គ្នាទៅចាក់វ៉ាក់សាំង។ ស្វែងរកនៅទីនេះចំពោះ បញ្ជីឈ្មោះគ្លីនីកចាក់វ៉ាក់សាំង។
រដ្ឋគ្វីនស្លេន
រដ្ឋគ្វីនស្លេនបានកត់ត្រាករណីឆ្លងថ្មីនៅក្នុងស្រុកចំនួន 16ករណី ដែលសុទ្ធតែមានទំនាក់ទំនងទៅនឹងចង្កោមដែលគេស្គាល់រួចទៅហើយ។
ឧបរដ្ឋមន្រ្តីទីមួយ លោក Steven Miles មានប្រសាសន៍ថា ក្នុងចំណោមករណីឆ្លងថ្មីទាំងនេះ 12ករណីបានផ្តាច់ខ្លួនឯងចេញឆ្ងាយពីគេរួចស្រាប់ទៅហើយសម្រាប់រយៈពេលឆ្លងទាំងមូលរបស់ពួកគេ។ ជាមួយនឹងករណីសកម្មមាន79ករណី ការដែលអាចបិទបញ្ចប់ការបិទខ្ទប់នៅថ្ងៃទី8ខែសីហានេះ នៅមិនទាន់ប្រាកដនៅឡើយនោះទេ។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី
- លោកនាយករដ្ឋមន្រ្តី Scott Morrison អះអាងថា រដ្ឋញូសៅវែលនឹងទទួលបានថ្នាំវ៉ាក់សាំងបង្ការកូវីដ-19របស់ក្រុមហ៊ុន Pfizer ចំនួន180,000 ដូស្តបន្ថែម នៅក្នុងសប្តាហ៍ ថ្ងៃទី១៦ ខែសីហានេះ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
