- ការបិទខ្ទប់នៅទីក្រុងម៉ែលប៊នបញ្ចប់នៅម៉ោង១១:៥៩នាទីយប់នេះ។
- រដ្ឋញូសៅវែលប្រកាសជំនួយបន្ថែមសម្រាប់អាជីវកម្ម
- រដ្ឋគ្វីនស្លេនចាប់ផ្តើមយុទ្ធនាការចាក់វ៉ាក់សាំងដ៏ធំបំផុតមួយរបស់ខ្លួនហៅថា ‘Super Saturday’
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីចំនួន ២.២៣២ករណី និងស្លាប់១២នាក់។
ការបិទខ្ទប់លើកទី៦នៅទីក្រុងម៉ែលប៊ននឹងត្រូវបញ្ចប់ជាផ្លូវការនៅម៉ោង ១១:៥៩នាទីយប់នេះ។
រដ្ឋនេះនឹងចាប់ផ្តើមសាកល្បងការធ្វើចត្តាឡីស័កនៅផ្ទះសម្រាប់អ្នកដំណើរអន្តរជាតិចាប់ពីសប្តាហ៍ក្រោយទៅ។
លោកនាយករដ្ឋមន្រ្តី Scott Morrison បានប្រកាសថា រដ្ឋវិចថូរៀបានសម្រេចគោលដៅចាក់វ៉ាក់សាំង២ដូស្តបាន៧០%ហើយ។
លោកថា៖ “ផ្លូវដ៏វែងឆ្ងាយបំផុតត្រូវបានធ្វើដំណើរនៅក្នុងរដ្ឋវិចថូរៀ ហើយផ្លូវដ៏វែងឆ្ងាយនោះនឹងចាប់ផ្តើមបើកនៅយប់នេះ” ។
កក់ទុកការណាត់ជួបដើម្បីចាក់វ៉ាក់សាំងនៅថ្ងៃនេះ។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ៣៧២ករណី និងស្លាប់ម្នាក់។ ករណីឆ្លង២ករណីផ្សេងទៀតត្រូវបានកត់ត្រាពីអ្នកដំណើរបរទេស។
រដ្ឋាភិបាលរដ្ឋនេះនឹងប្រកាសកញ្ចប់ជំនួយបន្ថែមទៀតសម្រាប់អាជីវកម្មនៅក្នុងផែនការស្តារសេដ្ឋកិច្ចឡើងវិញ បន្ទាប់ពីខ្លួនបានប្រកាសផែនការជំនួយហិរញ្ញវត្ថុចំនួន $៥៣០លានដុល្លារ សម្រាប់វិស័យទេសចរណ៍និងវិស័យផលិតកម្មវិធី។
ប្រជាជននៅក្នុងរដ្ឋញូសៅវែលគ្រប់រូបដែលមានអាយុចាប់ពី១៨ឆ្នាំឡើងទៅ មានសិទ្ធិទទួលបានប័ណ្ណStay and Discover voucher ដែលមានតម្លៃ $៥០ដុល្លារមួយសន្លឹកដើម្បីចាយលើការស្នាក់នៅក្នុងសណ្ឋាគារក្នុងរដ្ឋនេះ។
រដ្ឋគ្វីនស្លេន
រដ្ឋគ្វីនស្លេនបានកត់ត្រាករណីឆ្លងថ្មីនៅក្នុងស្រុកមួយករណី ជាអ្នកបើករថយន្តឈ្នួល Uber ដែលបានទៅទីក្រុងម៉ែលប៊នកាលពីដើមខែនេះ។
ប្រធានមន្រ្តីសុខាភិបាល លោកស្រី Jeanette Young បាននិយាយថា បុរសម្នាក់នេះមានវ័យ៣០ឆ្នាំប្លាយ ធ្លាក់ខ្លួនឈឺជាទម្ងន់ ដែលអាជ្ញាធរមានការលំបាកក្នុងការរកព័ត៌មានពីរូបលោក។
ស្របពេលជាមួយគ្នានេះ នៅមុនពេលដែលរដ្ឋគ្វីនស្លេនបើកឡើងវិញនៅថ្ងៃទី ១៧ ខែធ្នូ រដ្ឋនេះនឹងចាប់ផ្តើមនូវយុទ្ធនាការចាក់វ៉ាក់សាំងដ៏ធំបំផុតរបស់ខ្លួន ដែលមានឈ្មោះថា ‘Super Saturday’ នៅក្នុងសាលារៀន១០០កន្លែង។
ដែនដីរដ្ឋធានីអូស្រ្តាលីACT
ACT បានកត់ត្រាករណីឆ្លងថ្មីក្នុងស្រុកចំនួន ២៨ករណី ធ្វើឲ្យករណីសកម្មសរុបមាន ៤២៥ករណី៊។ នឹងមានការបន្ធូរបន្ថយការរឹតត្បឹតបន្ថែមទៀតចាប់ពីយប់នេះទៅ បន្ទាប់ពីសម្រេចបាននូវអត្រាចាក់វ៉ាក់សាំងបាន៨០%។
កក់ទុកការណាត់ជួបដើម្បីចាក់វ៉ាក់សាំងនៅថ្ងៃនេះ។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- រដ្ឋថាសម៉ាញៀសម្រេចបានគោលដៅចាក់វ៉ាក់សាំង២ដូស្ត៧០%ហើយ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
