បច្ចុប្បន្នភាពកូវីដ-១៩៖ រដ្ឋវិចថូរៀណែនាំកំណែទម្រង់រោគរាតត្បាតថ្មី ខណៈរដ្ឋគ្វីនស្លេនទទួលស្វាគមន៍និស្សិតអន្តរជាតិឡើងវិញ

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ថ្ងៃអង្គារ ទី២៦ ខែតុលា ឆ្នាំ២០២១។

Wanafunzi watembea katika chuo cha Queensland mjini Brisbane. Source: Getty Images

រដ្ឋវិចថូរៀណែនាំកំណែទម្រង់សុខភាពសាធារណៈថ្មីសម្រាប់ស្ថានការណ៍ពេលមានរោគរាតត្បាត
រដ្ឋគ្វីនស្លេនប្រកាសផែនការសម្រាប់និស្សិតអន្តរជាតិ
ដែនដីភាគខាងជើងមានបំណងធ្វើគោលនយោបាយដែលគ្មានចត្តាឡីស័ក

រដ្ឋវិចថូរៀ

រដ្ឋវិចថូរៀកំពុងដាក់ច្បាប់រោគរាតត្បាតថ្មីចូលទៅក្នុងសភា ខណៈដែលរដ្ឋនេះបានកត់ត្រាករណីឆ្លងថ្មីនៃកូវីដ-១៩ក្នុងស្រុកចំនួន ១,៥១០ករណី និងស្លាប់៤នាក់។

អភិបាលរដ្ឋនឹងអាចប្រកាសជាស្ថានការណ៍រោគរាតត្បាតបាន បន្ទាប់ពីពិចារណាលើការណែនាំរបស់ប្រធានមន្ត្រីសុខាភិបាល និងក្រុមសុខភាពសាធារណៈ។

រដ្ឋមន្ត្រីក្រសួងសុខាភិបាលនៃរដ្ឋនេះ លោក Martin Foley បាននិយាយថា ច្បាប់នេះនឹងជំនួសក្របខ័ណ្ឌបច្ចុប្បន្ន ដែលការរៀបចំស្ថានភាពគ្រាអាសន្ន ចាំបាច់ត្រូវពិនិត្យឡើងវិញ និងបន្តដោយរដ្ឋមន្ត្រីរៀងរាល់បួនសប្តាហ៍ម្តង។

គម្រោងសម្បទានថ្មីមួយសម្រាប់ការផាកពិន័យក៏ត្រូវបានប្រកាសផងដែរ ដោយអ្នកដែលមានទុក្ខលំបាកផ្នែកហិរញ្ញវត្ថុ អាចដាក់ពាក្យសុំកាត់បន្ថយចំនួនពិន័យរបស់ពួកគេបាន។

រដ្ឋវិចថូរៀកំពុងទន្ទឹងរង់ចាំការបើកឡើងវិញនៅថ្ងៃសុក្រ ទី 29 ខែតុលានេះ នៅពេលដែលគេរំពឹងថា រដ្ឋនេះនឹងសម្រេចបានគោលដៅចាក់វ៉ាក់សាំង ៨០%។

កក់ទុកការណាត់ជួបដើម្បីចាក់វ៉ាក់សាំងនៅថ្ងៃនេះ។

រដ្ឋគ្វីនស្លេន

អភិបាលរដ្ឋ លោកស្រី Anastasia Palaszczuk បានប្រកាសថា និស្សិតអន្តរជាតិនឹងអាចវិលត្រឡប់ចូលមកក្នុងរដ្ឋនេះបាន ក្នុងឆ្នាំ ២០២២ ខណៈដែលរដ្ឋនេះកត់ត្រាករណីឆ្លងថ្មីនៃកូវីដ-១៩នៅក្នុងស្រុកចំនួន ២ករណី ដែលសុទ្ធតែត្រូវបានគេចាត់ទុកថាជាករណីដែលមានហនិភ័យទាប។

ចុចនៅទីនេះដើម្បីកក់ទុកការណាត់ជួបទៅចាក់វ៉ាក់សាំងនៅថ្ងៃនេះ។

រដ្ឋញូសៅវែល

រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ២៨២ករណី និងស្លាប់ម្នាក់។

បច្ចប្បន្នរដ្ឋនេះចាក់វ៉ាក់សាំងពេញលេញដល់ប្រជាជនដែលមានអាយុ១៦ឆ្នាំឡើងទៅ បាន៨៥%ហើយ។

ស្វែងរកមណ្ឌលចាក់វ៉ាក់សាំង ដែលនៅជិតលោកអ្នក។

រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖

ACT កត់ត្រាករណីឆ្លងថ្មីនៃវីរុសកូរ៉ូណាចំនួន ១២ករណី។
ដែនដីភាគខាងជើងមានបំណងដាក់ចេញនូវគោលនយោបាយគ្មានចត្តាឡីស័កសម្រាប់អ្នកដែលចាក់វ៉ាក់សាំងពេញលេញរួចហើយ ចាប់ពីថ្ងៃទី ១៨ខែមករា។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។