ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។
- មានកន្លែងទំនេរសម្រាប់ការណាត់ជួបទៅចាក់វ៉ាក់សាំងរាប់ពាន់កន្លែងនៅក្នុងរដ្ឋវិចថូរៀ
- ក្នុងរដ្ឋញូសៅវែល ៦៧,៥%បានចាក់វ៉ាក់សាំងពីរដងរួចហើយ
- ជាង៩៤%នៃអ្នកស្រុកខេនបេរ៉ាដែលមានអាយុលើសពី១២ឆ្នាំឡើង បានចាក់វ៉ាក់សាំងយ៉ាងហោចណាស់មួយដូស្តរួចហើយ
- រដ្ឋគ្វីនស្លេនកត់ត្រាករណីឆ្លងថ្មីក្នុងសហគមន៍២ករណី
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ១,៧៦៣ករណី ដែលជាចំនួនឆ្លងប្រចាំថ្ងៃខ្ពស់បំផុតមិនធ្លាប់មាននៅក្នុងរដ្ឋឬដែនដីណាមួយឡើយនៅក្នុងប្រទេសអូស្រ្តាលី ចាប់តាំងពីមានរោគរាតត្បាតនេះមក។ មនុស្ស៤នាក់បានស្លាប់។
លោកអភិបាលរដ្ឋ Daniel Andrews និយាយថា មានការណាត់ជួបទៅចាក់វ៉ាក់សាំង Pfizer, AstraZeneca និង Moderna រាប់ពាន់កន្លែងនៅទំនេរ។
ចាប់ពីថ្ងៃនេះទៅ ឧស្សាហកម្មសំណង់នឹងបើកឡើងវិញ ជាមួយនឹងការអនុញ្ញាតឲ្យតែបុគ្គលិកដែលបានចាក់វ៉ាក់សាំងរួចតែប៉ុណ្ណោះទើបអាចត្រឡប់ទៅធ្វើការនៅការដ្ឋានវិញបាន ដរាបណាពួកគេអនុវត្តតាមវិធានកូវីដ-១៩ដ៏តឹងរឹង។
តំបន់ Latrobe Valley នៅទីជនបទរដ្ឋវិចថូរៀនឹងចេញផុតពីការបិទខ្ទប់នៅពាក់កណ្តាលអធ្រាត្រនេះ។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន៦០៨ករណី និងស្លាប់៧នាក់។
ចំនួនប្រជាជនសរុបដែលមានអាយុចាប់ពី១៦ឆ្នាំឡើងទៅ ៨៨,៥% បានចាក់វ៉ាក់សាំងមួយដូស្តរួចហើយ ខណៈដែល ៦៧,៥%បានចាក់២ដូស្តរួចហើយ គិតត្រឹមពាក់កណ្តាលអធ្រាត្រថ្ងៃអាទិត្យទី៣ ខែតុលា ឆ្នាំ២០២១។
បទបញ្ជាស្នាក់នៅផ្ទះនឹងត្រូវបន្តរហូតដល់ថ្ងៃទី១១ ខែតុលា នៅក្នុងតំបន់ Taree, Forster-Tuncurry និង Muswellbrook ដោយសារតែការកើនឡើងនៃករណីឆ្លងនៅក្នុងតំបន់ទាំងនោះ។
ដែនដីរដ្ឋធានីអូស្រ្តាលី (ACT)
ដែនដីនេះបានកត់ត្រាករណីឆ្លងថ្មីក្នុងស្រុកចំនួន ៣៣ករណី ដោយក្នុងនោះ យ៉ាងហោចណាស់១៤ករណីបានស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។
ចំនួនសរុប ៩៤%នៃប្រជាជនដែលមានអាយុ១២ឆ្នាំឡ់ើងទៅបានចាក់វ៉ាក់សាំងដូស្តដំបូងរួចហើយ ខណៈដែលជាង ៦៥%បានចាក់២ដូស្តរួចហើយ។
ចុចត្រង់នេះដើម្បីកក់ទុកការណាត់ជួបទៅចាក់វ៉ាក់សាំងបង្ការកូវីដ-១៩របស់លោកអ្នក។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- ប្រទេសអូស្រ្តាលីស្ថិតនៅលើគន្លងក្នុងការសម្រេចបានគោលដៅ៨០% នៃការចាក់វ៉ាក់សាំងជូនដល់ប្រជាជនអាយុ១៦ឆ្នាំឡើងទៅនៅពាក់កណ្តាលខែវិច្ឆិកា។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
