នៅថ្ងៃព្រហស្បតិ៍នេះ ប្រទេសអូស្ត្រាលីបានរាយការណ៍ចំនួនមនុស្សស្លាប់ដោយសារ COVID-19 យ៉ាងហោចណាស់ ចំនួន 46 នាក់ ក្នុងនោះមាន 22 នាក់នៅរដ្ឋញូសៅវែល, 14 នាក់នៅរដ្ឋវិចថូរៀ និង5នាក់ទៀតនៅរដ្ឋអូស្ត្រាលីខាងត្បូង។
រដ្ឋអូស្ត្រាលីខាងលិចបានកត់ត្រាករណីឆ្លងថ្មីប្រចាំថ្ងៃខ្ពស់បំផុតរបស់ខ្លួន ចំនួន 17,105ករណី គិតចាប់តាំងពីរោគរាតត្បាតនេះបានចាប់ផ្តើមមក។ មានមនុស្ស ៣០០ នាក់នៅក្នុងមន្ទីរពេទ្យ។ ហើយរដ្ឋនេះក៏បានរាយការណ៍ពីការស្លាប់ជាប្រវត្តិសាស្ត្រចំនួនប្រាំមួយករណីផងដែរ។
ចំនួននៃការសម្រាកព្យាបាលនៅមន្ទីរពេទ្យក្នុងដែនដីរដ្ឋធានីនៃប្រទេសអូស្ត្រាលី ACTបានកើនឡើងដល់ 82នាក់ ដែលជាចំនួនខ្ពស់បំផុត យ៉ាងហោចណាស់ក្នុងរយៈពេលពីរខែកន្លងមកនេះ។
ពិនិត្យមើលនិន្នាការចុងក្រោយបំផុតនៃ COVID-19 សម្រាប់ករណីឆ្លងថ្មី ការសម្រាកព្យាបាលនៅមន្ទីរពេទ្យ និងការស្លាប់នៅក្នុងប្រទេសអូស្ត្រាលីនៅទីនេះ។
ការិយាល័យស្ថិតិអូស្ត្រាលី (ABS) បានរាយការណ៍ថាមានមនុស្សតិចជាងមុនដែលកំពុងតែប្រុងប្រយ័ត្នចំពោះការឆ្លងរាលដាលនៃ COVID-19 ។
ការស្ទង់មតិចុងក្រោយបង្អស់របស់ABS ដែលបានធ្វើឡើងនៅចន្លោះថ្ងៃទី 19 ដល់ថ្ងៃទី 28 ខែមេសា បានបង្ហាញថា ប្រជាជនអូស្ត្រាលីត្រឹមតែ 78 ភាគរយប៉ុណ្ណោះដែលបានរាយការណ៍ថា ពាក់ម៉ាស់មុខក្នុងសប្តាហ៍មុន គឺធ្លាក់ចុះពី 98 ភាគរយនៅក្នុងខែកុម្ភៈ។
ក្រសួងសុខាភិបាលបាននិយាយថា ប្រទេសអូស្ត្រាលីមានករណីជំងឺកូវីដ-១៩ ចំនួន 6,7 លាននាក់ និងមានអ្នកស្លាប់ចំនួន 7,926 នាក់ គិតត្រឹមម៉ោង ៣ រសៀល ថ្ងៃទី 18 ខែឧសភា ឆ្នាំ 2022។ អាយុជាមធ្យមនៃអ្នកឆ្លងមេរោគទាំងនោះគឺ ៣១ ឆ្នាំ ហើយអាយុជាមធ្យមនៃការស្លាប់គឺ ៨៣ ឆ្នាំ។
មេដឹកនាំបក្ស One Nation លោកស្រី Pauline Hanson បានឆ្លងមេរោគកូវីដ១៩ ប៉ុន្មានថ្ងៃមុនការបោះឆ្នោតសហព័ន្ធ។ លោកស្រី Hanson មិនបានចាក់វ៉ាក់សាំងនោះទេ។
ចូលអានអំពីវ៉ាក់សាំងកូវីដ-១៩ជាភាសាខ្មែរ។
ស្វែងរកគ្លីនីកធ្វើតេស្តកូវីដ-១៩
ACT New South Wales Northern Territory Queensland
South Australia Tasmania Victoria Western Australia
ចុះបញ្ជីលទ្ធផលតេស្តរហ័ស (RAT) របស់អ្នកនៅទីនេះ ប្រសិនបើអ្នកទទួលបានលទ្ធផលវិជ្ជមាន
ACT New South Wales Northern Territory Queensland
South Australia Tasmania Victoria Western Australia
ស្វែងរក អ្វីដែលអ្នកអាចធ្វើបាន និងមិនអាចធ្វើបាន នៅគ្រប់ទីកន្លែងក្នុងប្រទេសអូស្រ្តាលី។
មុនពេលអ្នកធ្វើដំណើរចេញទៅក្រៅប្រទេស ចូរពិនិត្យតម្រូវការធ្វើដំណើរនិងដំបូន្មានចុងក្រោយគេបង្អស់។
ប្រសិនបើអ្នកត្រូវការជំនួយហិរញ្ញវត្ថុ ចូរពិនិត្យមើលអ្វីជាជម្រើសរបស់អ្នក។
នេះគឺជាជំនួយខ្លះៗក្នុងការស្វែងយល់ពីវគ្គសព្ទនៃកូវីដ-១៩ជាភាសារបស់លោកអ្នក។
អានព័ត៌មានអំពីកូវីដ-១៩ទាំងអស់ជាភាសារបស់អ្នកនៅលើ SBS Coronavirus portal៕
