កាលពីយប់ថ្ងៃសុក្រ កីឡាការីនី Ashleigh Barty និងកីឡាករ Bernard Tomic បានចាញ់ការប្រកួតនៅជុំទីបី បន្សល់ទុកឲ្យកីឡាការិនី Daria Gavrilova ជាក្តីសង្ឃឹមចុងក្រោយរបស់អូស្រ្តាលីក្នុងការឈានជើងចូលទៅកាន់សប្តាហ៍ទីពីរនៅឯ Melbourne Park។
កីឡាការិនីដែលមានដើមកំណើតនៅប្រទេសរុស្ស៊ីរូបនេះ នឹងត្រូវប្រកួតជាមួយកីឡាការិនីស្វីស Timea Bacsinszky ចំណាត់ថ្នាក់ទី១២នៅលើពិភពលោក នៅទីលាន Rod Laver Arena នៅយប់ថ្ងៃសៅរ៍នេះ។
គូដទៃទៀតដែលត្រូវប្រកួតនៅថ្ងៃទី៦នេះ មានដូចជា៖ Serena Williams ប្រកួតជាមួយនឹង Nicole Gibbs ហើយKaroline Pliskova នឹងជួបជាមួយ Jelena Oslapenko។
ចំពោះការប្រកួតបុរសវិញ៖ កីឡាករ Alexander Zverev ជួបជាមួយ Rafael Nadal, កីឡាករ Richard Gasquet នឹងជួបជាមួយ Grigor Dimitrov, កីឡាករ Dominic Thiem នឹងលេងជាមួយ Benoit Paire ហើយចុងក្រោយគេនោះគឺ Gael Monfils នឹងជួបប្រកួតជាមួយ Philipp Kohlschreiber.៕
