គណៈកម្មការទីផ្សារថាមពលអូស្រ្តាលីនិយាយថា ការបិទស្ថានីយ៍នេះគឺជាផ្នែកមួយនៃការឆ្លើយតបទៅនឹងការផ្លាស់ប្តូរការបង្កើតចម្រុះនៅក្នុងប្រព័ន្ធថាមពល។
ការសម្រេចនេះធ្វើឡើងខណៈដែលរដ្ឋមន្រ្តីក្រសួងថាមពលតាមបណ្តារដ្ឋនិងដែនដី ព្រមទាំងសហព័ន្ធ កំណត់ជួបប្រជុំនៅក្នុងក្រុងម៉ែលប៊ិនថ្ងៃពុធនេះ។
ថ្លែងទៅកាន់ ABC រដ្ឋមន្រ្តីក្រសួងថាមពលរដ្ឋវិចថូរៀ លោកស្រី Lily D’Ambrosio បានរិះគន់ថាក្រុមហ៊ុនថាមពលដែលរកស៊ីផ្តាច់មុខកោរអតិថិជននៅលើវិក័យប័ត្រភ្លើង។
លោកស្រី Lily D’Ambrosio៖ “រហូតមកដល់ពេលនេះរដ្ឋវិចថូរៀត្រូវបានគេជំរុញជាង១ឆ្នាំមកហើយ យើងត្រូវតែសើរើច្បាប់ទម្លាប់នេះឡើងវិញ បញ្ឈប់ក្រុមហ៊ុនថាមពលកុំឲ្យរកស៊ីផ្តាច់មុខពីការតម្លើងថ្លៃកោរអ្នកប្រើប្រាស់ មិនទទួលយកនូវសេចក្តីសម្រេចរបស់អ្នកសម្រុះសម្រួលនិងការតវ៉ា ក្នុងពេលប៉ុន្មានឆ្នាំចុងក្រោយនេះ ក្រុមហ៊ុនរកប្រាក់ចំណូលបានបន្ថែមរាប់ពាន់លានដុល្លារពីក្រុមគ្រួសារធម្មតា និងពីអាជីវកម្ម “៕
