ការប្រកាសទទួលខុសត្រូវនេះបានធ្វើឡើងខណៈដែលរាជអាជ្ញានិយាយថា ពួកគេបានដោះលែងជនសង្ស័យជនជាតិប៉ាគីស្ថានម្នាក់បន្ទាប់ពីនិយាយថាពួកគេមិនមានភស្តុតាងគ្រប់គ្រាន់ដើម្បីប្តឹងជនសង្ស័យនោះទេ។
បុរសម្នាក់នោះត្រូវបានគេគិតថាជាជនស្វែងសុំសិទ្ធិជ្រកកោនជនជាតិប៉ាគីស្ថាន ហើយទំនងជាបានចូលមកក្នុងប្រទេសអាឡឺម៉ង់កាលពីចុងឆ្នាំមុន ត្រូវបានចាប់ខ្លួនពាក់ព័ន្ធទៅនឹង ហេតុការណ៍ដែលបណ្តាលឲ្យមនុស្ស១២នាក់ស្លាប់និង៤០នាក់ផ្សេងទៀតរងរបួសបន្ទាប់ពីរថយន្តដឹកទំនិញធុនធំមួយគ្រឿងបានបុកចូលទៅក្នុងផ្សារChristmas ដែលមានមនុស្សយ៉ាងច្រើនកុះករ ដែលគេជឿថាជាទង្វើដោយចេតនា។
ស្របពេលជាមួយគ្នានេះដែរ សមាគមរថយន្តដឹកទំនិញធុនធំអូស្រ្តាលីបានជំរុញឲ្យអ្នកប្រកបរបរដឹកទំនិញទាំងអស់ ពិនិត្យសុវត្ថិភាពយាន្តយន្តនិងបុគ្គលិករបស់ពួកគេឡើងវិញបន្ទាប់ពីមានការវាយប្រហារនៅទីក្រុងប៊ែកឡាំងនេះ៕
