មានសេចក្តីរាយការណ៍មកថា ជនរងគ្រោះបានប្រាប់បុគ្គលិកពេទ្យ ថាលោកត្រូវបានគេ ចាក់សារធាតុគីមីចូលក្នុងខ្លួនរបស់លោក។
លោក គីម ជុងណាម (Kim Jong-Nam) គឺជាបងប្រុសម្តាយទីទៃរបស់មេដឹកនាំកូរ៉េខាងជើង គីមជុងអ៊ុន ហើយត្រូវបានគេដឹងមកថា លោកបានចំណាយពេលវេលាភាគច្រើននៅខាងក្រៅប្រទេស ព្រមទាំងនិយាយចេញជាសាធារណៈប្រឆាំងទៅនឹងរបបគ្រប់គ្រងដូចជាស្តេចរបស់គ្រួសារលោក។
លោក Aidan Foster-Carter អ្នកវិភាគជនជាតិអង់គ្លេសម្នាក់ដែលវិភាគលើកិច្ចការរបស់កូរ៉េនិយាយថា លោកមានការភ្ញាក់ផ្អើលចំពោះការវាយប្រហារនេះ។
លោក Aidan Foster-Carter ៖ “លោក គីម ជុងណាម ត្រូវបាននិរទេសចេញ លោកមានការរិះគន់បន្តិចបន្តួច មិនសូវឆ្លាត ការពិត ដូចដែលបានឃើញហើយ កាលពីប៉ុន្មានឆ្នាំមុន នៅពេលដែលប្អូនប្រុសរបស់លោក គីមជុងអ៊ុន បន្តតំណែងពីឳពុក។ ប៉ុន្តែយើងមិនបានដឹងដំណឹងពីគាត់អស់ពេលមួយរយៈ ហើយខ្ញុំសន្មតថាកាត់គឺជាមនុស្សតូចទាប ដែលមិនមានការគម្រាមកំហែងអ្វីដល់អ្នកណាម្នាក់ឡើយ។ ប៉ុន្តែវាហាក់ដូចជា ប្អូនប្រុសរបស់គាត់គិតឃើញខុសពីនេះ)៕
