ការដាក់កំហិតវីរុសកូរ៉ូណាបានធ្វើឲ្យប្រជាជនអូស្រ្តាលីដែលចង់អបអរពិធីបុណ្យឆ្លងឆ្នាំសកល ឆ្លងចូលឆ្នាំថ្មី ឆ្នាំ២០២១ វិលវល់ច្របូកច្របល់អស់ហើយ។
ជាមួយនឹងករណីឆ្លងកើនឡើងនៅក្នុងរដ្ឋញូសៅវែល អាជ្ញាធរបានជម្រុញឲ្យប្រជាជនទៅធ្វើតេស្តនៅគ្លីនីកដែលជិតបំផុត ប្រសិនបើពួកគេមានរោគសញ្ញាណាមួយនៃវីរុសនេះ។
នេះគឺជាអ្វីដែលអ្នកអាចធ្វើបាន និងអ្វីដែលអ្នកមិនអាចធ្វើបាននៅយប់ថ្ងៃឆ្លងឆ្នាំសកល ក្រោមច្បាប់រក្សាគម្លាតនៅទូទាំងប្រទេសអូស្រ្តាលី។
តំបន់Northern Beaches
មានការអនុវត្តន៍ការដាក់កំហិតវីរុសកូរ៉ូណាដ៏តឹងតែងបំផុតសម្រាប់តំបន់ Northern Beaches នៅ Sydney, ដែលជាចំណុចកណ្តាលនៃការឆ្លងរាលដាលវីរុសកូរ៉ូណា។
អ្នកដែលរស់នៅតំបន់ភាគខាងជើង Northern Beaches នៅតែស្ថិតនៅក្រោមបទបញ្ជាឲ្យស្នាក់នៅផ្ទះយ៉ាងតឹងរឹង រហូតដល់យ៉ាងហោចណាស់ថ្ងៃទី ៩ ខែមករា។ ទោះជាយ៉ាងណា អ្នកស្រុកនឹងទទួលបានការលើកលែងនៅយប់ថ្ងៃឆ្លងឆ្នាំសកល ដែលអនុញ្ញាតឱ្យពួកគេអាចទទួលភ្ញៀវបាន ៥ នាក់ រាប់ទាំងកុមារ ដែលមកពីតំបន់តែមួយ ឲ្យមកលេងផ្ទះរបស់ពួកគេបាន។
អ្នកដែលស្ថិតនៅតំបន់ភាគខាងត្បូង Northern Beachesនឹងត្រូវបានអនុញ្ញាតឱ្យទទួលភ្ញៀវរហូតដល់ទៅ ៥ នាក់ រាប់ទាំងកុមារ ឲ្យមកលេងនៅក្នុងផ្ទះរបស់ពួកគេ មកពីតំបន់តែមួយ ប៉ុន្តែនឹងអនុញ្ញាតឱ្យទទួលភ្ញៀវមកពីGreater Sydneyទេ។
រង្គសាល ភោជនីយដ្ឋាន និងកន្លែងនានា នៅក្នុងតំបន់ទាំងពីរនៃNorthern Beaches នឹងនៅតែបើកសម្រាប់តែការទិញខ្ចប់ (takeaway)តែប៉ុណ្ណោះ។
តំបន់ទីក្រុងស៊ីដនី Greater Sydney
រដ្ឋមន្រ្តីទីមួយនៃរដ្ឋញូសៅវែល លោកស្រី Gladys Berejiklian បានប្រកាសការរឹតបន្តឹងការដាក់កំហិតនៅថ្ងៃឆ្លងឆ្នាំសកលសម្រាប់តំបន់ក្រុងស៊ីដនី (Greater Sydney) នៅក្នុងសន្និសីទកាសែតមួយកាលពីថ្ងៃពុធ បន្ទាប់ពីមាន ករណីឆ្លងថ្មីក្នុងមូលដ្ឋាន ១៨ករណី ត្រូវបានគេកត់ត្រាឡើងក្នុងពេល២៤ម៉ោង គិតត្រឹមម៉ោង៨យប់ថ្ងៃអង្គារ។
ចាប់ពីពាក់កណ្តាលអធ្រាត្រយប់នេះ ការជួបជុំក្រុមគ្រួសារនៅGreater Sydneyនឹងត្រូវបានកំណត់សម្រាប់ភ្ញៀវច្រើនបំផុតប្រាំនាក់។
"ក្រុមគ្រួសារទាំងអស់នៅក្នុងទីក្រុងស៊ីដនី(Greater Sydney) ដែលរាប់បញ្ចូលទាំងតំបន់ Wollongong, Central Coast, និង Nepean and Blue Mountains, ដូចគ្នានឹងតំបន់ភាកខាងត្បូងនៃ Northern Beaches, នឹងត្រូវកំណត់ឲ្យមានការជួបជុំគ្នាបាន៥នាក់នៅតាមផ្ទះនៅយប់ឆ្លងឆ្នាំសកល" នេះបើតាមប្រសាសន៍របស់លោកស្រី Berejiklian ។
ការជួបជុំនៅខាងក្រៅ ច្រើនបំផុតបានត្រឹម៣០នាក់ ដែលចុះពី៥០នាក់។
ការផ្លាស់ប្តូរនេះនឹងមានសុពលភាពរហូតដល់មានសេចក្តីប្រកាសថ្មី។
ព័ត៌មានបន្ថែមស្តីអំពីដំបូន្មានចុងក្រោយបំផុតនៃទីតាំងឆ្លង និងការដាក់កំហិតនាពេលបច្ចុប្បន្នមាននៅលើគេហទំព័រក្រសួងសុខាភិបាលរដ្ឋញូសៅវែល NSW Health website។
រដ្ឋវិចថូរៀ
បន្ទាប់ពីរងទុក្ខដោយការជាប់គាំង(lockdown)ដ៏យូរបំផុតនៅក្នុងប្រទេសអូស្រ្តាលីក្នុងឆ្នាំនេះ រដ្ឋវិចថូរៀនឹងទទួលបានការបន្ធូរបន្ថយច្រើនក្នុងឱកាសបុណ្យឆ្លងឆ្នាំសកលនេះ បន្ទាប់ពីមានកំណត់ត្រា ៦០ ថ្ងៃ នៃការដែលគ្មានករណីឆ្លងក្នុងតំបន់។
ការជួបជុំក្រុមគ្រួសារដែលមានមនុស្សរហូតដល់ ៣០ នាក់ត្រូវបានអនុញ្ញាតិ ដូចគ្នានឹងការជួបជុំនៅខាងក្រៅបានរហូតដល់ ១០០ នាក់។
រង្គសាល ភោជនីយដ្ឋាន និងកន្លែងផ្សេងទៀត ដូចជាក្លឹបរាត្រី អាចបើកបាន ប៉ុន្តែមានការកំណត់លើចំនួនភ្ញៀវ។
កម្មវិធីបាញ់កាំជ្រួចប្រចាំឆ្នាំរបស់ទីក្រុងមែលប៊ននៅលើដងទន្លេ Yarra ត្រូវបានលុបចោល ហើយរដ្ឋាភិបាលរដ្ឋនេះ បានជំរុញឱ្យប្រជាជននៅឲ្យឆ្ងាយពីតំបន់កណ្តាលទីក្រុង Melbourne CBD ដោយនិយាយថា មានតែអ្នកដែលបានកក់កន្លែងនៅតាមហាងក្នុងទីក្រុងតែប៉ុណ្ណោះ ដែលអាចអនុញ្ញាតឲ្យចូលក្នុងក្រុងបាន។
آتشبازی شب سال نو بر فراز دریای یارا در ملبورن Source: AAP
រដ្ឋគ្វីនស្លេន
នៅក្នុងរដ្ឋឃ្វីនឡែន ជារដ្ឋមួយផ្សេងទៀតដែលមិនមានករណីឆ្លងវីរុសកូរ៉ូណាជាយូរណាស់មកហើយ បានអនុញ្ញាតិឲ្យមានការជួបជុំតាមផ្ទះរហូតដល់ទៅ៥០នាក៉ ដែលរាប់បញ្ចូលទាំងម្ចាស់ផ្ទះផងដែរ។
ការជួបជុំនៅខាងក្រៅ អនុញ្ញាតិឲ្យមានមនុស្សរហូតដល់ ១០០ នាក់។
រដ្ឋអូស្រ្តាលីខាងត្បូង
នៅរដ្ឋអូស្រ្តាលីខាងត្បូង ការជួបជុំក្រុមគ្រួសារដែលមានមនុស្សរហូតដល់ ៥០ នាក់ត្រូវបានអនុញ្ញាត ប្រសិនបើមិនលើសពីកម្រិតមនុស្សម្នាក់ក្នុង២ម៉ែត្រការ៉េនោះទេ។
មានមនុស្សរហូតដល់ ២០០ នាក់អាចជួបជុំគ្នានៅឯទីកន្លែងសម្រាប់កម្មវិធីឯកជនបាន ប្រសិនបើពួកគេគោរពតាមវិធានម៉ែត្រការ៉េដូចគ្នា។
រដ្ឋអូស្រ្តាលីខាងលិច
រដ្ឋអូស្រ្តាលីខាងលិចមិនមានការកំណត់ចំនួនអតិបរិមាក្នុងការជួបជុំគ្នានោះទេ ប្រសិនបើមិនមានមនុស្សលើសពីម្នាក់ក្នុងពីរម៉ែត្រការ៉េ។
រដ្ឋតាសម៉ាញៀ
រដ្ឋតាសម៉ាញៀមានច្បាប់ពីរម៉ែត្រការ៉េដូចគ្នាដែរ ប៉ុន្តែមានការកំណត់ច្រើនបំផុតត្រឹម ២៥០ នាក់ សម្រាប់ការជួបជុំនៅក្នុងបរិវេណផ្ទះ។
មនុស្ស ១.០០០ នាក់ត្រូវបានអនុញ្ញាតឱ្យជួបជុំគ្នានៅទីធ្លាខាងក្រៅ ឬក្នុងអគារ។
ដែនដីភាគខាងជើង និងដែនដីរដ្ឋធានីអូស្រ្តាលី ACT
មិនមានដែនកំណត់ថាតើមានមនុស្សប៉ុន្មាននាក់អាចប្រមូលផ្តុំនៅក្នុងផ្ទះ ឬនៅខាងក្រៅនោះទេ នៅក្នុងដែនដីភាគខាងជើង។ ប៉ុន្តែនៅតែមានការណែនាំឱ្យប្រជាជនស្ថិតនៅចម្ងាយ ១,៥ ម៉ែត្រ ពីមនុស្សដែលមិនរស់នៅក្នុងផ្ទះជាមួយពួកគេ។
ACT មិនមានការរឹតត្បិតលើចំនួនភ្ញៀវមកលេងផ្ទះរបស់ពួកគេទេ។ ការប្រមូលផ្ដុំនៅខាងក្រៅក្នុងរដ្ឋធានីខេនបេរ៉ា ត្រូវបានកំណត់ត្រឹមចំនួនអតិបរមា ៥០០ នាក់ ដែលត្រូវអនុវត្តតាមច្បាប់ពីរម៉ែត្រការ៉េ។
ប្រជាជននៅក្នុងប្រទេសអូស្រ្តាលីត្រូវរក្សាគម្លាតយ៉ាងហោចណាស់១,៥ម៉ែត្រពីគ្នា។សូមពិនិត្យមើលច្បាប់ទម្លាប់នៅក្នុងរដ្ឋនិងដែនដីរបស់លោកអ្នកស្តីពីការដាក់កម្រិតលើការជួបជុំគ្នា។ប្រសិនបើអ្នកមានអាការដូចជាគ្រុនផ្តាសាយឬផ្តាសាយធំសូមនៅផ្ទះហើយចាត់ចែងទៅធ្វើតេស្តដោយទូរសព្ទទៅវេជ្ជបណ្ឌិតរបស់លោកអ្នកឬទាក់ទងទៅកាន់ Coronavirus Health Information Hotline តាមរយៈលេខ 1800 020 080។
សូមពិនិត្យមើលការណែនាំដែលពាក់ព័ន្ធសម្រាប់រដ្ឋ ឬដែនដីរបស់លោកអ្នក៖ NSW, Victoria, Queensland, Western Australia, South Australia, Northern Territory, ACT, Tasmania ៕
