វិទ្យុSBS បានធ្វើការសម្រេចផ្លាស់ប្តូរសេវាកម្មភាសារបស់ខ្លួន។ ដំណើរការនេះគឺធ្វើឡើងដើម្បីប្រាកដថាសេវាកម្មទាំងអស់ឆ្លុះបញ្ចាំងការវិវត្តន៍ដ៏លឿន និងការកើនឡើងនៃសង្គមចំរុះ របស់អូស្ត្រាលី។ នៅឆ្នាំ២០១២ យើងត្រួតពិនិត្យមើលសេវាកម្មរបស់វិទ្យុSBS ជាលើកដំបូងក្នុងរយៈពេលជិត១៨ឆ្នាំ ។ នៅពេលនេះ យើងប្តេជ្ញាក្នុងការពិនិត្យមើលសារជាថ្មីនៃសេវារបស់យើងបន្ទាប់ពីជំរឿនឆ្នាំ២០១៦។
យោងតាមជំរឿនឆ្នាំ២០១៦ ប្រជាជនជាង១,៣លាននាក់បានធ្វើអន្តោប្រវេសន៍មកអូស្ត្រាលីក្នុងរយៈពេល៥ឆ្នាំមុននេះ ហើយប្រជាជនជិត ៤,៨៧លាននាក់ ដែលនិយាយភាសាផ្សេងនៅផ្ទះក្រៅពីភាសាអង់គ្លេស។ សេវាកម្មភាសារបស់SBS នឹងតម្រង់ផ្លូវដើម្បីឆ្លុះបញ្ចាំងពីសង្គមបច្ចុប្បន្នរបស់អូស្ត្រាលី។
ការកែសម្រួលសេវាកម្មវិទ្យុអេសប៊ីអេសនេះ បានពិនិត្យផងដែរលើការផ្លាស់ប្តូរឥរិយាបទស្តាប់របស់ប្រិយមិត្ត ការវិវត្តន៍ទៅកាន់ប្រព័ន្ធឌីជីថល ប្រជាសាស្រ្ត និងកត្តាហិរញ្ញវត្ថុ។
ការផ្លាស់ប្តូរនេះនឹងចាប់ផ្តើមពីថ្ងៃច័ន្ទ ទី២០ ខែវិច្ឆិកា ឆ្នាំ២០១៧នេះតទៅ។
Share
