១ ពលរដ្ឋអូស្រ្តាលីម្នាក់ក្នុងចំណោម៦នាក់រងគ្រោះដោយសារជំងឺស្រ្តូក នៅក្នុងវ័យមួយក្នុងជីវិតរបស់ពួកគេ។
២ អ្នកជំងឺម្នាក់ក្នុងចំណោម៣នាក់ស្លាប់ក្នុងរយៈពេល១ឆ្នាំបន្ទាប់ពីកើតជំងឺស្រ្តូក
៣ ជំងឺស្រ្តូកផ្តាច់យកជីវិតរបស់មនុស្សស្រីអស់ច្រើនជាងជំងឺមហារីកដោះ ហើយផ្តាច់ជីវិតមនុស្សប្រុសអស់ច្រើនជាងជំងឺមហារីកក្រពេញប្រូស្តាត។
៤ អ្នកដែលធ្លាប់កើតជំងឺស្រ្តូក២០% មានអាយុក្រោម៥៥ឆ្នាំ។
៥ បុរសទំនងជាប្រឈមនឹងការកើតជំងឺស្រ្តូកនៅវ័យក្មេងជាងនារី។
៦ សម្ពាធឈាមគឺជាចំណុចដ៏សំខាន់បំផុតមួយដែលគេដឹងថាជាកត្តាគ្រោះថ្នាក់នាំឲ្យកើតជំងឺស្រ្តូក។
សម្ពាធឈាមឡើងខ្ពស់គឺនៅពេលដែលសម្ពាធឈាមរបស់អ្នកឡើងលើសពី១៤០/៩០។ នេះគេហៅថាសម្ពាធឈាមឡើងខ្ពស់ឬភាសាសាមញ្ញហៅថាលើសឈាម។ សម្ពាធឈាមធម្មតាស្ថិតនៅកម្រិតប្រមាណជា១២០/៨០។
៧ ការធ្វើតេស្ត FAST គឺជាវិធីងាយស្រួលចាំ និងស្គាល់ពីរោគសញ្ញានៃជំងឺស្រ្តេស
ប្រើប្រាស់ការធ្វើតេស្ត FAST ពាក់ព័ន្ធនឹងការសួរនូវសំណួរងាយៗទាំងនេះ៖
Face: ផ្ទៃមុខ៖ ពិនិត្យមើលផ្ទៃមុខរបស់អ្នកជំងឺ តើមាត់របស់គាត់ទាញចុះដែរឬទេ?
Arm: ដៃ៖ តើអ្នកជំងឺអាចលើកដៃទាំងសងខាងបានដែរឬទេ?
Speech: សម្តីសំដៅ៖ តើសម្តីរបស់អ្នកជំងឺរដឹកដែរឬទេ?តើអ្នកជំងឺស្តាប់អ្នកយល់ដែរឬទេ?
Time: ពេលវេលា៖ ពេលវេលាគឺជាចំណុចសំខាន់។ ប្រសិនបើអ្នកឃើញនូវសញ្ញាណាមួយទាំងនេះ សូមទូរសព្ទទៅលេខ០០០ភ្លាម។
៨ អាការរោគសញ្ញាស្រ្តូកអាចកើតឡើងតែមួយមុខ ឬក៏ច្រើនមុខបញ្ចូលគ្នា
វាអាចកើតឡើងតែពីរទៅបីវិនាទី ឬក៏រហូតដល់ទៅ២៤ម៉ោង ហើយក៏បាត់ទៅវិញ។ នៅពេលដែលអាការរោគបាត់ទៅវិញក្នុងពេល២៤ម៉ោង ព្រឹត្តិការណ៍នេះហៅថាជាជំងឺស្រ្តូកតូចតាច ឬ TIA (transient ischaemic attack)។
៩ ការព្យាបាលជំងឺស្រ្តូកមួយចំនួនត្រូវព្យាបាលក្នុងអំឡុងពេល៤ម៉ោងកន្លះពីពេលដែលជំងឺស្រ្តូកចាប់ផ្តើម ឬក៏ពេលដែលអាការរោគចាប់ផ្តើមបង្ហាញ។
១០ ការព្យាបាលតាមបែបវេជ្ជសាស្រ្តជាបន្ទាន់គឺជារឿងសំខាន់
ប្រសិនបើអ្នកមានជំងឺស្រ្តូក ការព្យាបាលតាមបែបវេជ្ជសាស្រ្តជាបន្ទាន់អាចជួយស្រោចស្រង់ជីវិតរបស់អ្នកបាន ហើយអាចជួយកាត់បន្ថយការខូចខាតជាអចិន្ត្រៃយ៍នៃខួរក្បាលដែលទំនងជានឹងកើតឡើងបានផងដែរ។ មានតែវេជ្ជបណ្ឌិតប៉ុណ្ណោះដែលអាចសម្រេចបានថាតើអ្នកមានជំងឺស្រ្តូកឬក៏អត់។
សម្រាប់ព័ត៌មានបន្ថែមសូមចូលទៅកាន់៖ Stroke Foundation ។
ប្រសិនបើអ្នកត្រូវការអ្នកបកប្រែ សូមទូរសព្ទទៅកាន់សេវាកម្មបកប្រែលេខ១៣ ១៤ ៥០ ប្រាប់ពីភាសាដែលលោកអ្នកនិយាយ ហើយរង់ចាំអ្នកបកប្រែនៅលើខ្សែរទូរសព្ទ៕
