១ ជំរឿនគឺជាការវាស់ស្ទង់មួយដែលអ្នកស្នាក់អាស្រ័យនៅក្នុងប្រទេសអូស្រ្តាលីទាំងអស់ត្រូវតែចូលរួមជាដាច់ខាតនៅយប់ថ្ងៃធ្វើជំរឿន
អ្នកមិនចាំបាច់ត្រូវតែមានសញ្ជាតិអូស្រ្តាលីទើបអាចបំពេញបែបបទជំរឿនបាននោះទេ។ សាច់ញាតិដែលមកលេងក្រុមគ្រួសារពីប្រទេសក្រៅ សិស្ស និស្សិតបរទេស អ្នកដែលកាន់ទិដ្ឋាការលេខ ៤៥៧ និងភ្ញៀវទេសចរក៏ត្រូវតែបំពេញវាផងដែរ។
២ ព័ត៌មានដែលអ្នកផ្តល់នៅពេលធ្វើជំរឿន ត្រូវបានគេយកទៅប្រើប្រាស់ដើម្បីធ្វើគម្រោងការផ្ទះសម្បែង ការដឹកជញ្ជូន ផ្នែកអប់រំ និង មន្ទីរពេទ្យជាដើមImage
៣ ឆ្នាំនេះជំរឿនត្រូវបានធ្វើឡើងតាមប្រព័ន្ធអនឡាញជាលើកដំបូង
ចាប់ពីថ្ងៃទី ១ សីហាទៅ អ្នកនឹងទទួលបានលិខិតមួយនៅក្នុងប្រអប់សំបុត្ររបស់អ្នក ដោយមានលេខចុះឈ្មោះធ្វើជំរឿនរបស់អ្នក និងការណែនាំពីវិធីក្នុងការបំពេញបែបបទជំរឿនតាមប្រព័ន្ធអនឡាញ។
៤ លោកអ្នកក៏អាចបំពេញបែបបទជំរឿននៅលើក្រដាសជំនួសឲ្យការធ្វើតាមប្រព័ន្ធអនឡាញបានផងដែរ
អ្នកត្រូវកុម៉្មង់សុំបែបបទជំរឿនលើក្រដាសដោយទូរសព្ទទៅលេខ ១៣០០ ២១៤ ៥៣១
៥ អ្នកអាចស្នើសុំអ្នកបកប្រែម្នាក់ដើម្បីជួយអ្នកក្នុងការបំពេញបែបបទជំរឿនបាន
៦ អ្នកត្រូវតែឆ្លើយរាល់សំណួរទាំងអស់ដែលមាននៅលើបែបបទជំរឿន លើកលែងតែសំណួរអំពីជំនឿសាសនាមួយចេញ
ចាប់តាំងពីប្រវត្តិសាស្រ្តដំបូងរបស់អូស្រ្តាលី វាត្រូវបានគេសម្រេចថា ការផ្តល់ព័ត៌មានស្តីពីសាសនានៅក្នុងការធ្វើជំរឿនគួរតែជាជម្រើសមួយដែលអាចឆ្លើយក៏បានមិនឆ្លើយក៏បាន ខណៈដែលការបំពេញបែបបទជំរឿននិងសំណួរដទៃទៀតគួរតែជារឿងចាំបាច់ដែលមិនអាចខកខានបាន។
៧ ប្រសិនបើអ្នកមិនបំពេញបែបបទជំរឿនទេនោះ អ្នកអាចត្រូវផាកពិន័យរហូតដល់ទៅ ១៨០ដុល្លារក្នុងមួយថ្ងៃ
៨ ប្រសិនបើអ្នករស់នៅក្នុងតំបន់ជនបទ អ្នកអាចទទួលបានការចុះទៅជួយពីសំណាក់បុគ្គលិកជំរឿនដែលនឹងជួយអ្នកបំពេញបែបបទជំរឿនImage
៩ ឈ្មោះ និង អសយដ្ឋានដែលអ្នកផ្តល់នៅក្នុងជំរឿន នឹងមិនត្រូវបានគេចែករំលែកទៅឲ្យនាយកដ្ឋានរដ្ឋដទៃទៀតនោះទេ
មានសេចក្តីលំអិតស្តីពីគោលការនៃឯកជនភាពនៅលើគេហទំព័ររបស់ ABS ។
១០ ប្រសិនបើអ្នកនៅបរទេសក្នុងយប់ធ្វើជំរឿន នោះអ្នកមិនចាំបាច់បំពេញបែបបទជំរឿននោះទេ
សម្រាប់ព័ត៌មានបន្ថែមសូមចូលទៅកាន់គេហទំព័ររបស់ការិយាល័យស្ថិតិអូស្រ្តាលី (Australian Bureau of Statistics)។
ដើម្បីសុំបែបបទជំរឿនលើក្រដាស សូមទូរសព្ទទៅកាន់លេខ ១៣០០ ២១៤ ៥៣១ ។
ប្រសិនបើអ្នកត្រូវការអ្នកបកប្រែ សូមទូរសព្ទទៅលេខ ១៣ ១៤ ៥០។របាយការណ៍ពិស្តារ៖
Share
