១ ជាផ្នែកដ៏សកម្មមួយនៅក្នុងជីវិតរបស់ពួកគេ
ចាប់អារម្មណ៍ពីចំណាប់អារម្មណ៍របស់ពួកគេ ហើយបង្កើតនូវទម្លាប់ក្នុងការធ្វើអ្វីៗជាមួយពួកគេ។ ចំណាយពេលវេលាជាលក្ខណៈក្រុមគ្រួសារមានសារៈសំខាន់ណាស់ ដូចជាការទទួលទានអាហារជាមួយគ្នារាល់ថ្ងៃជាដើម។
Source: Getty Images
២ ស្តាប់កូនៗរបស់លោកអ្នក
លើកទឹកចិត្តពួកគេឲ្យមានអារម្មណ៍ស្រណុកចិត្តក្នុងការប្រាប់អ្នកពីបញ្ហារបស់ពួកគេ ហើយសុំឲ្យគេចូលរួមនៅក្នុងការសម្រេចនានាក្នុងគ្រួសារដើម្បីបង្ហាញថា អ្នកឲ្យតម្លៃលើគំនិតយល់ឃើញរបស់ពួកគេ។
Source: Getty Images
៣ ធ្វើជាគម្រូល្អ
វាគឺជារឿងសំខាន់ណាស់ក្នុងការដែលមិនមើលស្រាលពីឥទ្ធិពលនៃអាកប្បកិរិយារបស់អ្នកលើពួកគេ ជាពិសេសនៅពេលដែលពាក់ព័ន្ធនឹងការទទួលទានគ្រឿងស្រវឹងនិងថ្នាំជក់ ឬក៏ការប្រើប្រាស់ថ្នាំខុស។
Source: Getty Images
៤ ស្មោះត្រង់ជាមួយនឹងពួកគេ
វាគឺជាធម្មជាតិដែលអ្នកមិនចាំបាច់ត្រូវដឹងគ្រប់យ៉ាងពីថ្នាំញៀននោះទេ។ ប្រសិនបើអ្នកស្មោះត្រង់ ច្បាស់លាស់ពីគោលជំហររបស់អ្នក កូនៗរបស់អ្នកនឹងយល់ឃើញថា វាងាយស្រួលជាងក្នុងការដែលស្មោះត្រង់ជាមួយអ្នក។
Source: Getty Images
៥ ជ្រើសរើសពេលវេលារបស់អ្នក
ត្រូវតែប្រាកដថាអ្នកជ្រើសរើសពេលវេលាត្រឹមត្រូវក្នុងការពិភាក្សាពីថ្នាំញៀនជាមួយនឹងកូនៗរបស់អ្នក។ នេះអាចថានៅពេលដែលអ្នកទាំងអស់គ្នាកំពុងតែមើលទូរទស្សន៍ ឬនៅពេលដែលពួកគេកំពុងតែនិយាយពីនរណាម្នាក់នៅសាលារៀនរបស់គេឬក៏នៅក្នុងក្រុមមិត្តភ័ក្តិរបស់គេ។
Source: AAP
៦ តាំងចិត្តឲ្យស្ងប់
នៅពេលដែលនិយាយពីរឿងថ្នាំញៀន ការធ្វើចិត្តឲ្យស្ងប់ និងភាពមានហេតុផលគឺជារឿងសំខាន់ ដូចជាការដែលមិនច្រឡោតជាដើម។ ត្រូវតែធានាឲ្យបានថា អ្នកមិនចំអក ឬក៏ផ្តល់មេរៀន ដែលអាចធ្វើឲ្យការពិភាក្សាពីបញ្ហាថ្នាំញៀននាពេលក្រោយកាន់តែលំបាក ហើយធ្វើឲ្យកូនៗរបស់អ្នកកាន់តែស្ទាក់ស្ទើរក្នុងការនិយាយពីរឿងនេះ។
Source: Pixabay/Public Domain
៧ ចៀសវាងការឈ្លោះប្រកែកគ្នា
វាគឺជារឿងលំបាកក្នុងការដោះស្រាយបញ្ហានៅពេលដែលមានជម្លោះទាស់ទែង។ ប្រសិនបើការប្រឈមមុខដាក់គ្នាបានវិវឌ្ឍន៍ឡើង បញ្ឈប់បទសន្ទនាហើយបន្តឡើងវិញនៅពេលដែលអ្នកទាំងពីរស្ងប់អារម្មណ៍ជាងមុន។
Source: Pixabay/Public Domain
៨ ពិភាក្សាហើយពិភាក្សាទៀត
នៅពេលដែលអ្នកបានពិភាក្សាពីបញ្ហាថ្នាំញៀនម្តងហើយនោះ វាគឺជារឿងសំខាន់ក្នុងការពិភាក្សាម្តងទៀត។ ចាប់ផ្តើមនិយាយជាមួយនឹងកូនៗរបស់អ្នកអំពីថ្នាំញៀនជាមុនសិន រួចចាំនិយាយជាមួយកូនៗរបស់អ្នកពីបញ្ហានៅពេលណាក៏បាន។
Source: Getty Images
៩ កំណត់ព្រំដែនឲ្យបានច្បាស់លាស់
ពិភាក្សានិងយល់ព្រមតាមវិធីដែលកូនរបស់អ្នកនឹងសម្តែងចេញ ប្រសិនបើពួកគេរកឃើញថា ពួកគេស្ថិតនៅក្នុងស្ថានភាពដែលមានវត្តមានរបស់ថ្នាំញៀន។ ឧទាហរណ៍ ឲ្យពួកគេដឹងថា យើងតែងតែអាចទៅទទួលពួកគេនៅម៉ោងណាក៏បានដែរ ប្រសិនបើពួកគេត្រូវការអ្នក។ ទោះជាយ៉ាងណាក៏ដោយ បញ្ជាក់ឲ្យច្បាស់ថា អ្នកមិនចង់ឲ្យពួកគេពាក់ព័ន្ធនៅក្នុងស្ថានការណ៍ដែលទំនងជាអាចនឹងធ្វើឲ្យពួកគេប្រើប្រាស់ថ្នាំញៀនជាលើកដំបូងនោះទេ។
Source: Getty Images
១០ ផ្តោតលើផលវិជ្ជមាន
លើកទឹកចិត្តពួកគេឲ្យមានអារម្មណ៍ល្អចំពោះខ្លួនឯង ហើយឲ្យពួកគេដឹងថា ពួកគេត្រូវការការគោរពពីអ្នកដទៃនិងគួរតែគោរពខ្លួនឯងផងដែរ។
Image
សម្រាប់ព័ត៌មានបន្ថែមសូមចូលទៅកាន់គេហទំព័ររបស់នាយកដ្ឋានសុខាភិបាលរដ្ឋាភិបាលអូស្រ្តាលី (Department of Health)។
សម្រាប់ជំនួយនៅក្នុងរដ្ឋរបស់អ្នកសូមចូលទៅកាន់សេវាកម្មព័ត៌មានស្តីពីថ្នាំញៀននិងគ្រឿងស្រវឹង (ADIS)៕
