១ ច្បាប់ការពារដល់ឯកជនភាពនៃព័ត៌មានរបស់អ្នក
ក្រោមច្បាប់ជំរឿននិងស្ថិតិឆ្នាំ១៩០៥ (Census and Statistics Act 1905) ព័ត៌មានផ្ទាល់ខ្លួនដែលលោកអ្នកផ្តល់នៅពេលធ្វើជំរឿននៅតែជារឿងសំងាត់យ៉ាងតឹងតែងចំពោះ ABS។ ការិយាល័យស្ថិតិអូស្រ្តាលីមិនដែលធ្លាប់ចេញផ្សាយ ហើយក៏នឹងមិនចេញផ្សាយពីទិន្នន័យជំរឿនដែលអាចបញ្ជាក់ពីបុគ្គលណាម្នាក់នោះឡើយ។
Image២ ABS នឹងកម្ទេចឈ្មោះនិងអាសយដ្ឋានចោល នៅពេលដែលវាលែងមានប្រយោជន៍អ្វីដល់សហគមន៍ក្នុងការរក្សាទុករបស់ពួកគេឬក៏រយៈពេល៤ឆ្នាំក្រោយពេលប្រមូល។
ABS បានធានាហើយក៏នឹងតែងតែងធានាជានិច្ចថា មានការការពារឃុំគ្រងគ្រប់គ្រាន់បានដាក់ចេញឡើងដើម្បីរក្សាការពារឯកជនភាពនិងការសម្ងាត់នូវព័ត៌មានដែលខ្លួនបានប្រមូលពីការធ្វើជំរឿនរួមទាំងឈ្មោះនិងអសយដ្ឋានផងដែរ។
Image
៣ ABS មានកាតព្វកិច្ចតាមផ្លូវច្បាប់ក្នុងការរក្សាប្រភពទិន្នន័យនិងធានាឲ្យបានថា វានឹងមិនភ្ជាប់មកជាមួយនូវព័ត៌មានដែលបញ្ជាក់ពីអត្តសញ្ញាណរបស់បុគ្គល ក្រុមគ្រួសារ ឬក៏អាជីវកម្មណាមួយនោះទេ។
វិធានការណ៍សន្តិសុខធ្វើឡើងដោយមានការសាកល្បងដោយឯករាជ្យនិងពិនិត្យឡើងវិញដើម្បីធានាឲ្យបានថាព័ត៌មានផ្ទាល់ខ្លួនរបស់អ្នកមានសុវត្ថិភាព។ វិធានាការណ៍សំខាន់ក្នុងការការពារព័ត៌មានរួមមាន ការផ្លាស់ប្តូរទិន្នន័យយ៉ាងរឹងមាំនៅក្នុងប្រព័ន្ធកុំព្យូទ័រ កំហិតការចូលទៅប្រើប្រាស់ទិន្នន័យមូលដ្ឋាលដែលគេចង់ដឹង និងត្រួតពិនិត្យបុគ្គលិកទាំងអស់រួមទាំងបុគ្គលិកសវនកម្មផងដែរ។
៤ បន្ទាប់ពីការប្រមូលនិងដំណើរការទិន្នន័យរួចមក ABS កាត់ឈ្មោះនិងអសយដ្ឋានចេញពីព័ត៌មានផ្ទាល់ខ្លួននិងព័ត៌មានពីក្រុមគ្រួសារដទៃទៀតចេញ។
ឈ្មោះនិងអសយដ្ឋាននឹងត្រូវបានគេរក្សាទុកយ៉ាងមានសុវត្ថិភាព និងដាច់ដោយឡែកពីគ្នា។ គ្មាននរណាម្នាក់ដែលធ្វើការជាមួយនឹងទិន្នន័យជំរឿនអាចមើលព័ត៌មានផ្ទាល់ខ្លួន(ឈ្មោះនិងអសយដ្ឋាន)របស់អ្នកនៅពេលតែមួយនឹងព័ត៌មានជំរឿនដទៃទៀត(ដូចជាអាយុ ភេទ និងតួនាទី កម្រិតនៃការសិក្សាឬប្រាក់ចំណូល)បាននោះទេ។
៥ រក្សាទុកឈ្មោះបុគ្គលនិមួយៗដាច់ដោយឡែកនិងមានសុវត្ថិភាព ហើយនឹងត្រូវមានកូនសោ លេខកូដកំព្យូទ័រដែលស៊ីគ្នា ដែលមិនបញ្ជាក់ព័ត៌មានបុគ្គលនោះទេ។
មានតែកូនសោអនាមិកដែលត្រូវគ្នាទាំងនេះទេដែលABS នឹងត្រូវយកទៅប្រើដើម្បីប្រមូលផ្តុំរបាយការណ៍ជាមួយគ្នាបាន។ ការអនុវត្តន៍បែបនេះត្រូវបានគេស្គាល់ថា ជាគោលការណ៍បំបែកមុខងារ (Functional Separation ៊Principle) ។
គោលការណ៍សំងាត់ក្នុងការធ្វើជំរឿន ( Census Privacy Policy) ពន្យល់ពីវិធីនៃការរក្សាព័ត៌មានផ្ទាល់ខ្លួនរបស់លោកអ្នកដែលបានផ្តល់ជូន ABS ជាផ្នែកមួយនៃការប្រមូល ប្រើប្រាស់ និងប្រកាស ជំរឿនឆ្នាំ២០១៦។
សម្រាប់ព័ត៌មានបន្ថែមសូមចូលទៅកាន់គេហទំព័ររបស់ការិយាល័យស្ថិតិអូស្រ្តាលី (Australian Bureau of Statistics)។
ដើម្បីស្នើសុំទម្រង់បែបបទជាក្រដាសសូមទូរសព្ទទៅលេខ ១៣០០ ២១៤ ៥៣១។
ប្រសិនបើលោកអ្នកត្រូវការអ្នកបកប្រែ សូមទូរសព្ទទៅលេខ ១៣ ១៤ ៥០៕
