១ កង្វះខាតចំណេះដឹងអំពីជំងឺវង្វេងនិងអាការរោគរបស់វា
នៅក្នុងសហគមន៍ខ្លះ គំនិតយល់ឃើញដែលថា ជំងឺវង្វេងគឺអាចគិតថាជាជំងឺ ជាជំងឺសតិអារម្មណ៍ ជារឿងធម្មតាមួយសម្រាប់មនុស្សចាស់ ឬក៏អាចថាគ្មានន័យអ្វីទាល់តែសោះ។ ជំងឺវង្វេងគឺជាជំងឺដែលកើតឡើងដោយជំងឺខួរក្បាលនានាដែលប៉ះពាល់ដល់ការចងចាំ ការគិត និង អាកប្បកិរិយានិងសមត្ថភាពក្នុងការអនុវត្តន៍កិច្ចការប្រចាំថ្ងៃ។
២ គំនិតយល់ឃើញពីជំងឺវង្វេងថាគឺជារឿងធម្មតាមួយដែលកើតឡើងនៅពេលចាស់
នៅក្នុងសហគមន៍ខ្លះ ជំងឺវង្វេងត្រូវបានគេចាត់ទុកថាជាផ្នែកធម្មតាមួយនៃជីវិតនៅពេលចាស់។ ការធ្វើរោគវិនិច្ឆ័យយឺតជាញឹកញាប់គឺជាវិបត្តិមួយ ដោយសារតែខ្វះចំណេះដឹងពីរោគសញ្ញាពីដំបូងៗ មិនដឹងថាត្រូវទៅរកជំនួយពីកន្លែងណា ឬក៏ភាពខ្មាស់អៀនឬក៏ខ្លាចគេថាឲ្យជាដើម។
៣ ភាពខ្មាស់អៀនមានជាប់ពាក់ព័ន្ធនឹងជំងឺវង្វេង
មនុស្សជាច្រើនមិនចង់ពិភាក្សាពីជំងឺនេះដោយបើកចំហរនោះទេ ដោយខ្លាចថាពួកគេនឹងត្រូវគេហៅថា ជាមនុស្សឆ្កួត។ ជាលទ្ធផលពួកគេមានបំណងចូលរួមតិចតួចនៅក្នុងសកម្មភាពក្រុម ឬទាក់ទងជាមួយនឹងក្រុមជួយគាំទ្រសង្គម។
៤ បញ្ហាក្នុងការប្រាស្រ័យទាក់ទងបណ្តាលមកពីមានចំណេះដឹងផ្នែកភាសាអង់គ្លេសមានកម្រិតទាប
នៅពេលចាប់ផ្តើមមានជំងឺវង្វេង អ្នកខ្លះបាត់បង់នូវជំនាញភាសាអង់គ្លេសរបស់ខ្លួនហើយវិលត្រឡប់ទៅរកភាសាកំណើតវិញ។
៥ ការភ័ណ្ឌច្រឡំដែលថា អ្នកមើលថែជំងឺនេះគួរតែជាសមាជិកក្នុងក្រុមគ្រួសារ
នៅក្នុងប្រទេសមួយចំនួន មានការរំពឹងទុកយ៉ាងខ្លាំងក្លាថា សមាជិកក្រុមគ្រួសារ ឬក៏កូនចៅនឹងមើលថែអ្នកជំងឺវង្វេង។ ទោះជាយ៉ាងណាក៏ដោយ គុណតម្លៃនៃទំនៀមទំលាប់ប្រពៃណី រួមផ្សំជាមួយនឹងគុណតម្លៃនៃពលរដ្ឋអូស្រ្តាលីថ្មី ជីវិតរបស់មនុស្សចាស់ជាច្រើនកំពុងតែផ្លាស់ប្តូរ។
ស្វែងយល់បន្ថែមពីការយល់ឃើញនៃជំងឺវង្វេងនៅក្នុងសហគមន៍ជនជាតិភាគតិច (Perception of dementia in ethnic communities)។
Alzheimer’s Australia ផ្តល់នូវព័ត៌មានស្តីពីជំងឺវង្វេងជាភាសាផ្សេងៗចំនួន៤៣ភាសា។
សេវាកម្មផ្តល់ការប្រឹក្សាគាំទ្រ ផ្តល់ជូនតាមរយៈខ្សែរទូរសព្ទជំនួយខាងផ្នែកជំងឺវង្វេងជាតិ National Dementia Helpline លេខ៖ 1800 100 500។
ប្រសិនបើអ្នកត្រូវការអ្នកបកប្រែ អ្នកអាចទាក់ទងទៅកាន់ National Dementia Helpline តាមរយៈសេវាកម្មបកប្រែលេខ៖ 131 450៕
