១ ជារៀងរាល់ឆ្នាំនៅក្នុងប្រទេសអូស្រ្តាលី ជំងឺគ្រុនផ្តាសាយធ្វើឲ្យមនុស្សជាមធ្យម១៣៥០០នាក់ចូលសម្រាកព្យាបាលក្នុងមន្ទីរពេទ្យ និង ជាង៣០០០នាក់ស្លាប់បាត់បង់ជីវិត។Image
២ ការចាក់ថ្នាំការពារផ្តាសាយមិនបង្កគ្រោះថ្នាក់អ្វីឡើយសម្រាប់ពលរដ្ឋអូស្រ្តាលីទាំងអស់ រួមទាំងស្រ្តីមានផ្ទៃពោះផងដែរ។
ថ្នាំបង្ការនេះត្រូវបានគេធ្វើតេស្តមុននឹងដាក់ចេញឲ្យប្រើប្រាស់ដោយ Therapeutic Goods Administration (TGA)។
Immunization Source: AAP
៣ ថ្នាំវ៉ាក់សាំងបង្ការជំងឺគ្រុនផ្តាសាយនេះត្រូវបានគេផ្លាស់ប្តូរថ្មី ជារៀងរាល់ឆ្នាំ ដើម្បីការពារប្រឆាំងនឹងអំបូរផ្តាសាយថ្មីៗ។Image
៤ ការចាក់ថ្នាំបង្ការគ្រុនផ្តាសាយធ្វើឡើងដោយឥតគិតថ្លៃចំពោះអ្នកដែលប្រឈមមុខនឹងគ្រោះថ្នាក់ខ្ពស់។
អ្នកទាំងនោះរួមមាន៖
- អ្នកដែលមានអាយុចាប់ពី៦៥ឆ្នាំឡើងទៅ
- ជនជាតិដើមភាគតិច Aboriginal និង Torre Strait Islander ដែលមានអាយុចាប់ពី៦ខែដល់៥ឆ្នាំ និង អាយុចាប់ពី១៥ឆ្នាំឡើងទៅ
- ស្រ្តីមានផ្ទៃពោះ និង
- អ្នកដែលមានជំងឺរ៉ាំរ៉ៃដូចដែលរៀបរាប់នៅក្នុងបញ្ជី listed chronic disease
៥ ការចាក់ថ្នាំបង្ការជំងឺគ្រុនផ្តាសាយឆ្នាំ២០១៦ចាប់ផ្តើមធ្វើឡើងនៅក្នុងខែមេសា តាមរយៈ វេជ្ជបណ្ឌិតពិនិត្យជំងឺទូទៅ និង អ្នកផ្តល់សេវាកម្មចាក់ថ្នាំបង្ការដទៃទៀត។Image
សម្រាប់ព័ត៌មានបន្ថែមស្តីពីកម្មវិធីចាក់ថ្នាំបង្ការជំងឺគ្រុនផ្តាសាយនេះ សូមមើលកម្មវិធីថ្នាំបង្ការអូស្រ្តាលី Immunise Australia Program ។
ព័ត៌មានទាក់ទង៖
ពេលវេលាដែលត្រូវចាក់ថ្នាំវ៉ាក់សាំងការពារគ្រុនផ្តាសាយ
