អត្តពលិក ទាំងនេះជាញឹកញាប់ ធ្វើសកម្មភាព ជាការបំផុសគំនិត និងជាគំរូ សម្រាប់ សហគមន៍របស់ពួកគេ។ នៅឆ្នាំ 2016 កីឡាករ ពហុវប្បធម៍ មានចំនួន ១៥%ក្នុងបញ្ជី ឈ្មោះកីឡាករ AFL នៅទូទាំង ក្លឹប AFLចំនួន១៨ក្លឹប។
ជួបជាមួយឯកអគ្គរដ្ឋទូតពហុវប្បធម៍មួយចំនួនទាំងនេះដូចតទៅ៖
១ Aliir Aliir
Aliir ចំណាយពេល៦ឆ្នាំនៅក្នុងជំរុំជនភៀសខ្លួនក្នុងប្រទេសកេនយ៉ា មុនពេលធ្វើអន្តោប្រវេសន៍មកកាន់ប្រទេសអូស្រ្តាលី។
លោកត្រូវបានណែនាំឲ្យចូលរួមជាមួយ AFL នៅអាយុ១៤ឆ្នាំ ហើយបានចូលក្នុងក្រុម Sydney Swans ក្នុងឆ្នាំ២០១៣។Image
២ Bachar Houli
Bachar កើតនៅក្នុងប្រទេសអូស្រ្តាលីដោយមានឳពុកម្តាយជាជនជាតិលេបាណន់។ លោកទើបតែមានអាយុ១៤ឆ្នាំប៉ុណ្ណោះនៅពេលដែលលោកចង់ក្លាយខ្លួនជាអ្នកលេងបាត់ទាត់អាជីពនោះ។ បច្ចុប្បន្នលោកលេងឲ្យក្រុម Richmond។Image
៣ Lin Jong
កីឡាករក្នុងក្រុម Western Bulldogs លោក Lin បានកើតនៅក្នុងប្រទេសអូស្រ្តាលី ដោយមានម្តាយជាជនជាតិតៃវ៉ាន់ និងឳពុកជាជនជាតិទីម័រខាងកើត។ លោកចាប់ផ្តើមលេងបាត់ទាត់នេះនៅអាយុ១៥ឆ្នាំ។Image
៤ Stephen Coniglio
កីឡាករដែលមានសែស្រឡាយជនជាតិអ៊ីតាលីរូបនេះលេងនៅក្នុងក្រុម GWS Giants ហើយទទួលបានការតែងតាំងសម្រាប់ពានរង្វាន់ AFL Rising Star ក្នុងឆ្នាំ២០១២។Image
៥ Jimmy Toumpas
បើទោះជាលោកមានឈ្មោះថា Dimitri ក៏ដោយ តែមនុស្សភាគច្រើនហៅលោកថា Jimmy។ លោកបានធ្វើជាប្រធានក្រុមក្នុងការប្រកួតជើងឯក AFL National U 18 Championships ឆ្នាំ២០១២ឲ្យក្រុម South Australian State ជាពេលដែលលោកមានឈ្មោះបោះសំឡេងនៅក្នុងក្រុមអូស្រ្តាលីទាំងអស់។ លោក Jimmy Toumpas លេងឲ្យក្រុម Port Adelaide។Image
