១ សម្រេចថាតើអ្នកចាប់អារម្មណ៍ចង់ធ្វើការងារបែបណា
ស្វែងយល់បន្ថែមពីការងារដែលអ្នកចាប់អារម្មណ៍ ដោយការស្រាវជ្រាវតាមអ៊ីនធឺណិត ឬក៏ពិភាក្សាជាមួយនឹងអ្នកដែលធ្វើការនៅក្នុងវិស័យនោះ។ ចូរពិចារណាផងដែរថាតើ អ្នកបើកចំហរទទួលយកការងារបែបណាខ្លះ? ជាការងារពេញម៉ោង ការងារក្រៅម៉ោង ការងារបណ្តែត ការងារជាប់កុងត្រា ឬក៏ធ្វើជាថៅកែដោយខ្លួនឯង។
២ កំណត់ពេលវេលាក្នុងការស្វែងរកការងារធ្វើ និងបង្កើតគណនីសារអេឡេចត្រូនិច (email account)
ត្រូវតែប្រាកដថាអ្នកបង្កើតគណនីសារអេឡេចត្រូនិច (email account ) ហើយអ្នកពិនិត្យផែនការស្វែងរកការងារធ្វើរបស់លោកអ្នកឲ្យបានទៀតទាត់។ ព្យាយាមប្រើប្រាស់អស័យដ្ឋានអ៊ីម៉ែលដែលមានលក្ខណៈវិជ្ជាជីវៈនិងសាកសម្យរសម្រាប់ប្រើប្រាស់ក្នុងការងារ។
៣ រៀបចំប្រវត្តិរូបសង្ខេបរបស់អ្នកនិងប្រមូលផ្តុំនូវរាល់ឯកសារយោងនានា
ប្រវត្តិរូបសង្ខេបគឺជារបស់ដ៏ចាំបាច់មួយសម្រាប់ស្វែងរកការងារធ្វើ។ ប្រាកដឲ្យច្បាស់ថាប្រវត្តិរូបរបស់អ្នកឆ្លុះបញ្ចាំងពីជំនាញដែលក្រុមហ៊ុនកំពុងតែស្វែងរក។ មានរបៀបសរសេរប្រវត្តិរូបមួយចំនួននៅតាមអនឡាញ (resume building tools )។ ប្រាកដថាអ្នកប្រមូលផ្តុំនូវរាល់ឯកសារយោងទាំងអស់ទុកនៅក្នុង USB និងរក្សាទុកជាក្រដាសស្នាមនៅខាងក្រៅផងដែរ។
៤ ចុះបញ្ជីជាមួយនឹង Centrelink និងភ្នាក់ងារស្វែងរកការងារធ្វើដទៃទៀត
អង្គភាពដូចជាCentrelink និង Job Services Australia មានសេវាកម្មជួយដល់អ្នកដែលស្វែងរកការងារធ្វើដោយឥតគិតថ្លៃ។ ពួកគេក៏ជួលមនុស្សដែលអាចជួយអ្នកឲ្យស្វែងរកការងារធ្វើផងដែរ ប្រសិនបើអ្នកកំពុងតែទទួលបានប្រាក់ឧបត្ថម្ភពី Centrelink។
៥ ទាក់ទងទៅកាន់និយោជក ឬក្រុមហ៊ុន និងប្រើប្រាស់បណ្តាញ Networkរបស់អ្នក
ទៅរកក្រុមហ៊ុនសក្តានុពលដែលអាចផ្តល់ការងារដល់អ្នក និងប្រើប្រាស់បណ្តាញរបស់អ្នក ព្រោះថាមនុស្សគឺជាធនធានដ៏អស្ចារ្យបំផុត។ សាកសួរមិត្តភក្តិនិងក្រុមគ្រួសាររបស់អ្នកឲ្យជួយណែនាំរកការងារធ្វើ ហើយត្រូវតែតាមដានជាមួយពួកគេឲ្យជាប់។
ដើម្បីស្វែងយល់បន្ថែម សូមចូលទៅកាន់កម្មវិធី Jobactiveតាមរយៈគេហទំព័ររបស់នាយកដ្ឋានការងារ (The Department of Employment)៕
