១. របាយការណ៍ពន្ធដារតំរូវឱ្យបំពេញស្ទើរតែគ្រប់មនុស្សទាំងអស់ដែលទទួលចំណូលនៅក្នុងប្រទេសអូស្ត្រាលី។
ប្រសិនបើអ្នកមិនប្រាកដថាអ្នកគួរដាក់របាយការណ៍ពន្ធដារនោះទេ សូមចុចទៅលើ តើខ្ញុំត្រូវដាក់របាយការណ៍ពន្ធដារ ដើម្បីស្វែងយល់ពីបញ្ហានេះ។
២. អ្នកអាចបំពេញរបាយការណ៍ពន្ធដារតាមប្រព័ន្ធអនឡាញបាន តាមរយៈmyTax ឬក៏តាមរយៈភ្នាក់ងារពន្ធដារដែលបានចុះឈ្មោះស្របច្បាប់។
ប្រសិនបើអ្នកត្រូវការដាក់របាយការណ៍ពន្ធដារ myTaxគឺជាកម្មវិធីដ៏សុវត្ថិភាពមួយក្នុងការដាក់របាយការណ៍តាមប្រព័ន្ធអនឡាញ។ ជាទូទៅអ្នកអាចទទួលបានប្រាក់សំណងមកវិញក្នុងរយៈពេលពីរសប្តាហ៍។ ដើម្បីចូលទៅកាន់myTax អ្នកត្រូវមានគណនីmyGov ។ ជាការចំាបាច់ដែលអ្នកត្រូវប្រាកដថា ភ្នាក់ងារពន្ធដាររបស់អ្នកគឺភ្នាក់ងារស្របច្បាប់។
៣. អ្នកត្រូវរក្សាកំណត់ហេតុឯកសារ
ត្រូវរក្សាទុកនូវឯកសារ ដូចជាការចំណាយជាសង្ខេប បង្កាន់ដៃប្រាក់ វិក័យប័ត្រ និងកុងត្រាផ្សេងៗ សំរាប់រយៈពេល៥ឆ្នាំចាប់តាំងពីអ្នកដាក់របាយការណ៍ពន្ធដារ។
៤. របាយការណ៍ពន្ធដារកំណត់ថាអ្នកត្រូវបង់ពន្ធមែឌីឃេរឬយ៉ាងណា ហើយត្រូវបង់ប៉ុន្មាន
៥. ថ្ងៃផុតកំណត់ដាក់របាយការណ៍ពន្ធដារគឺនៅថ្ងៃទី៣១ តុលា ២០១៦
ខកខានក្នុងការដាក់របាយការណ៍ពន្ធដារទាន់ពេលវេលា អ្នកអាចទទួលការពិន័យប្រសិនបើអ្នកចំាបាច់ត្រូវដាក់របាយការណ៍ឬឯកសារជាមួយក្រសួងពន្ធដារ ប៉ុន្តែអ្នកខកខានមិនបានដាក់នៅពេលកំណត់ណាមួយ ។
Share
