នេះគឺជាច្បាប់ទម្លាប់លើដងវិថីចំនួន៧ចំណុចដែលលោកអ្នកអាចមិនទាន់បានដឹង។
គ្មានទេចំពោះរឿងដែលថា ទទួលទានគ្រឿងស្រវឹងក្នុងពេលកំពុងបើកបរដោយសុវត្ថិភាពនោះ។
Image
អូស្រ្តាលីមានច្បាប់តឹងរឹងជាច្រើន ស្តីពីការទទួលទានគ្រឿងស្រវឹងហើយបើកបរ ដោយមានការកម្រិតតាមផ្លូវច្បាប់ត្រឹម 0.05 កម្រិតជាតិស្រាក្នុងឈាម (BAC)។ អ្នកដែលបើកបរដំបូង ដែលកាន់ប័ណ្ណបើកបរ L និង P ត្រូវតែមានកម្រិតជាតិស្រវឹងកម្រិត 0.00 BAC។
និយាយ ឬផ្ញើសារ ដោយដៃម្ខាងកាន់ទូរសព្ទពេលកំពុងបើកបរគឺជារឿងខុសច្បាប់
វាក៏រួមបញ្ចូលទាំងការកាន់ទូរសព្ទនៅឆ្ងាយពីមុខរបស់អ្នកដោយបើកគ្រឿងបំពងសំឡេងផងដែរ បើទោះជាក្នុងពេលដែលចរាចរណ៍នៅស្ងៀមក៏ដោយ។ ដូចគ្នាដែរនៅក្នុងរដ្ឋញូសៅវ៉ែល ប្រសិនបើអ្នកត្រូវចាប់បានថាដៃម្ខាងកាន់ទូរសព្ទនៅក្នុងតំបន់សាលារៀន (School zone)នោះ នឹងត្រូវផាកពិន័យចំនួន $397 និងកាត់៤ពិន្ទុ។
បើកបរកាត់ភ្លើងពណ៌ទឹកក្រូច (ភ្លើងលឿង) នៅពេលដែលអាចឈប់ទាន់នោះ ក៏ជារឿងខុសច្បាប់ដែរ
ទាំងនៅរដ្ឋញូសៅវ៉ែល និងរដ្ឋវិចថូរៀ មានទោសដូចគ្នានៅពេលដែលបើកកាត់ភ្លើងក្រហម គឺត្រូវផាកពិន័យជាទឹកប្រាក់ $397 និងកាត់៣ពិន្ទុនៅក្នុងរដ្ឋញូសៅវ៉ែល និង ផាក$282 និងកាត់៣ពិន្ទុនៅក្នុងរដ្ឋវិចថូរៀ។
ការដែលមិនឈប់នៅត្រង់ផ្លាកសញ្ញាឈប់ (Stop Sign) គឺជារឿងខុសច្បាប់
ផ្លាកសញ្ញា STOP មានន័យថាត្រូវតែឈប់។ ប៉ូលិសព្រមានថា វាមិនមែនជាការបើករំកិលកាត់ទៅមុខបាននោះទេ។ យាន្តយន្តត្រូវតែឈប់ទាំងស្រុង កង់រថយន្តត្រូវតែឈប់រំកិលហើយនៅឲ្យស្ងៀម។ ការដែលមិនបានធ្វើបែបនេះគឺត្រូវផាកពិន័យ $282 និងកាត់៣ពិន្ទុនៅក្នុងរដ្ឋវិចថូរៀ និងផាក $298 និងកាត់៣ពិន្ទុនៅរដ្ឋ ញូសៅវ៉ែល ។
ការចុចស៊ីផ្លេ និង បក់ដៃលាគ្នាគឺជារឿងខុសច្បាប់
ការចុចស៊ីផ្លេ និង បក់ដៃលាគ្នាក្រៅបង្អួចនៅពេលដែលអ្នកកំពុងបើកបរតាមដងផ្លូវអាចនឹងត្រូវផាកពិន័យជិត $600 និងកាត់៣ពិន្ទុក្នុងរដ្ឋ ញូសៅវ៉ែល ក្នុងរដ្ឋវិចថូរៀវិញ ត្រូវពិន័យជាប្រាក់$282 តែមិនត្រូវកាត់ពិន្ទុនោះទេ។
បើកបរដោយដាក់សត្វនៅលើភ្លៅរបស់លោកអ្នកគឺជារឿងខុសច្បាប់
នៅក្នុងរដ្ឋញូសៅវ៉ែល ត្រូវផាកពិន័យ$397 និងកាត់៣ពិន្ទុ ចំណែកក្នុងរដ្ឋវិចថូរៀវិញ ត្រូវពិន័យជាប្រាក់$211 តែមិនត្រូវកាត់ពិន្ទុនោះទេ។
បើកបរជើងទទេ គ្មានបញ្ហានោះទេ
បើកបរដោយជើងទទេ ឥតពាក់ស្បែកជើងគឺជារឿងស្របច្បាប់ទាំងនៅក្នុងរដ្ឋញូសៅវ៉ែល និងរដ្ឋវិចថូរៀ។ ការពិតមានអ្នកជំនាញតាមដងវិថីមួយចំនួនគាំទ្រចំពោះចំណុចនេះ ជាពិសេសប្រសិនបើជម្រើសដែលត្រូវពាក់នោះជាស្បែកជើងផ្ទាត់ឬជាស្បែកជើងកែងខ្ពស់។
