សម្រាប់អ្នកភាគច្រើន ការទិញផ្ទះគឺជាការចំណាយដ៏ធំបំផុតសម្រាប់ជីវិតរបស់គេ ដូច្នេះយើងត្រូវយល់ជាប្រាកដពីដំណើរការដេញថ្លៃផ្ទះ ដែលជាចំនុចសំខាន់បំផុត។
ឥឡូវនេះយើងគិតពីចំនុចដែលត្រូវធ្វើ នៅពេលនិងបន្ទាប់ពីដេញថ្លៃផ្ទះ។
មុនដេញថ្លៃផ្ទះ៖
- មុននឹងគិតថាដាក់ដេញថ្លៃ ត្រូវចូលរួមមើលការដេញថ្លៃពីរទៅបីសិន ក្នុងនាមជាអ្នកអង្កេតមើលដើម្បីដឹងពីអារម្មណ៍នៅពេលដេញថ្លៃ។
- ទៅពិនិត្យមើលផ្ទះជាច្រើនដែលអ្នកចាប់អារម្មណ៍ ហើយពិនិត្យមើលផ្ទះឱ្យបានលំអិត ព្រមទាំងមើលតំបន់ដែលអ្នកនឹងរស់នៅគឺសមចិត្តអ្នកឬទេ។ សួរសំណួរភ្នាក់ងារលក់ផ្ទះនូវសំណួរដែលអ្នកចង់សួរ។
- ជាការណែនំា អ្នកគួរជួបជាមួយអ្នកជំនាញ ដោយធ្វើការត្រួតពិនិត្យមើលលើអគារនិងសត្វល្អិតចង្រៃដែលប៉ះពាល់ផ្ទះ ប៉ុន្តែនេះគឺជាអ្វីដែលអ្នកត្រូវធ្វើមុននឹងចូលរួមដេញថ្លៃផ្ទះ។ បន្ទាប់ពីនោះមក លក្ខខណ្ឌផ្សេងៗគឺមិនអាចផ្លាស់ប្តូរបាននោះទេ។ អ្នកក៏ប្រហែលត្រូវជួបជាមួយមេធាវីSolicitor ដើម្បីពិនិត្យមើលថាតើមានអ្នកណាម្នាក់អះអាងកម្មសិទ្ធិលើអចលនទ្រព្យឬដីនោះដែរឬទេ ជាឧទាហរណ៍ដូចជាការពង្រីកផ្លូវ ឬបណ្តាញខ្សែភ្លើងថ្មីជាដើម។
- ចាត់ចែងហិរញ្ញវត្ថុទិញផ្ទះ។ រៀបចំសួរពីជំរើសខ្ចីប្រាក់ និងកំណត់តម្លៃសមស្របមួយសំរាប់ដេញថ្លៃ។ គិតបញ្ចូលផងដែរនូវការចំណាយផ្សេងៗដូចជាពន្ធStamp Duty ថ្លៃបង់សេវាផ្នែកច្បាប់ ថ្លៃកែលំអរផ្ទះជាដើម។ ធ្វើការអង្កេតមើលពីតម្លៃផ្ទះស្រដៀងគ្នានៅក្នុងតំបន់នោះ។
First-home buyers will get a break now Source: AAP
នៅថ្ងៃដេញថ្លៃផ្ទះ៖
- ទៅដល់ទីតាំងមុនពេលកំណត់ ដូច្នេះអ្នកអាចមានពេលម្តងទៀតចុងក្រោយក្នុងការពិនិត្យមើលផ្ទះនោះនិងឯកសារផ្សេងៗ។ យ៉ាងហោចណាស់៣០នាទីមុនការដេញថ្លៃចាប់ផ្តើម ភ្នាក់ងារដេញថ្លៃគឺតំរូវដោយច្បាប់ក្នុងការដាក់តាំងឯកសារពីផ្ទះដែលត្រូវដេញថ្លៃ។
- នៅរដ្ឋភាគច្រើន អ្នកទិញត្រូវចុះឈ្មោះជាមួយភ្នាក់ងារ ព្រមទាំងបង្ហាញអត្តសញ្ញាណទើបអនុញ្ញាតឱ្យដេញថ្លៃ។
- ប្រសិនបើអ្នកមិនអាចចូលរួមដេញថ្លៃបាន ឬអ្នកមានការភ័យខ្លាំងក្នុងការចូលរួមដេញថ្លៃ អ្នកផ្សេងអាចចូលរួមដេញថ្លៃជំនួសអ្នកបាន។
ការដេញថ្លៃ
- ភ្នាក់ងារដេញថ្លៃនឹងចាប់ផ្តើមប្រកាសពីច្បាប់និងលក្ខខណ្ឌផ្សេងៗក្នុងការដេញថ្លៃ
- ភ្នាក់ងារដេញថ្លៃនឹងស្នើរសុំចំនួនបើកដេញថ្លៃដំបូង បន្ទាប់មកនឹងសំរេចពីចំនួនដែលត្រូវដេញថ្លៃបន្ត។ ប្រសិនបើភ្នាក់ងារដេញថ្លៃសំរេចដាក់ដេញថ្លៃ ជាឧទាហរណ៍$៥០០០ឡើងទៅ នោះគឺអ្នកនៅអាចដាក់ដេញថ្លៃទាបជាងតម្លៃនេះបាន ប៉ុន្តែភ្នាក់ងារដេញថ្លៃអាចអដិសេធចំនួនដែលអ្នកដេញថ្លៃ។
នៅពេលដេញថ្លៃដល់តម្លៃកំណត់ទុក (គឺជាតម្លៃទាបដែលម្ចាស់ផ្ទះនឹងលក់ផ្ទះ) អចលនទ្រព្យនោះត្រូវចាត់ថា“ចូលទីផ្សារ” និងត្រូវលក់ជូនអ្នកដែលបានដេញថ្លៃខ្ពស់ជាងគេ។ ភ្នាក់ងារដេញថ្លៃនឹងស្រែកថា “លក់” នៅពេលការដេញថ្លៃត្រូវបានបញ្ចប់។
Sydney’s narrowest house auction at 29 Terry Street, Surry Hills, earlier this year. The property sold for $965,000 to a Chinese phone bidder. Source: Getty Image
បន្ទាប់ពីដេញថ្លៃ
- ប្រសិនបើអ្នកដេញថ្លៃឈ្នះ អ្នកនឹងចុះហត្ថលេខាលើកិច្ចសន្យាលក់ផ្ទះជាបន្ទាន់ភ្លាមៗ និងត្រូវបង់ប្រាក់កក់ (ជាទូទៅបង់១០%នៃតម្លៃផ្ទះ)នៅពេលភ្លាមបន្ទាប់នោះ។ មិនមាននោះទេគឺ ពេលវេលាផ្លាស់ប្តូរចិត្ត Cooling-off period ដូច្នេះអ្នកមិនអាចលប់កិច្ចសន្យាទិញផ្ទះនោះទេ។ ទឹកប្រាក់សរុបនៅសល់នឹងត្រូវបង់នៅថ្លៃទូទាត់ប្រគល់ផ្ទះ (ក្នុងមួយខែទៅបីខែបន្ទាប់ពីថ្លៃលក់)។
- ប្រសិនបើការដេញថ្លៃមិនដល់តម្លៃកំណត់ទុក ហើយម្ចាស់ផ្ទះជ្រើសរើសមិនលក់ផ្ទះនៅថ្ងៃដេញថ្លៃ អ្នកដេញថ្លៃខ្ពស់ជាងគេមានអាទិភាពក្នុងការចចារជាមួយម្ចាស់ផ្ទះ។
- ប្រសិនបើអ្នកមិនបានដេញថ្លៃឈ្នះ កុំពិបាកចិត្ត ព្រោះការដេញថ្លៃអាចត្រូវចូលរួមដេញថ្លៃជាច្រើនដងក្នុងការរកបានផ្ទះនៅក្នុងកំរិតថវិកាដែលអ្នកមាន។
ចុចព័ត៌មានបន្ថែមសំខាន់ៗនៅក្នុងតំបន់របស់អ្នក៖
Source: AAP
