ដូច្នេះ តើនរណាខ្លះដែលមានសិទ្ធិទទួលបានសេវាកម្មពិនិត្យព្យាបាលធ្មេញនៅពេទ្យរដ្ឋនេះ? តើអ្វីទៅជាជម្រើសផ្សេងទៀតសម្រាប់លោកអ្នក?
តើអាចស្វែងរកសេវាកម្មទន្តសាស្រ្តសាធារណៈបាននៅកន្លែងណា?
សេវាកម្មទន្តសាស្រ្តសាធារណៈជាទូទៅផ្តល់ជូនតាមរយៈ គ្លីនីកធ្មេញចល័ត គ្លីនីកធ្មេញតាមសាលារៀន និងគ្លីនីកធ្មេញសហគមន៍។ សម្រាប់ព័ត៌មានបន្ថែមស្តីពីសេវាកម្ម ទន្តសាស្រ្តសាធារណៈនៅក្នុងរដ្ឋឬដែនដីរបស់លោកអ្នក សូមចូលទៅកាន់គេហទំព័ររបស់ State Health Department's website ។
តើនរណាខ្លះដែលមានសិទ្ធិប្រើប្រាស់សេវាកម្មនេះ?
នៅគ្រប់រដ្ឋនីមួយៗមានលក្ខខណ្ឌខុសៗគ្នាបន្តិចបន្តួច ប៉ុន្តែជាទូទៅប្រសិនបើអ្នកមានHealth Care Card ឬ Pension Concession Card ដែលចេញឲ្យប្រើប្រាស់ដោយ Centrelink កាត Commonwealth Seniors Health Card, Pensioner Concession Card ដែលចេញឲ្យប្រើប្រាស់ដោយ Department of Veterans' Affairsនោះ អ្នកអាចមានសិទ្ធិប្រើប្រាស់សេវាកម្មថែទាំធ្មេញជាសាធារណៈបាន។ ឧទាហរណ៍ នៅក្នុងរដ្ឋវិចថូរៀ ជនភៀសខ្លួននិងជនស្វែងសុំសិទ្ធិជ្រកកោននឹងទទួលបានការមើលថែទាំដោយឥតគិតថ្លៃ។
ចុះចំពោះកុមារនិងយុវវ័យក្មេងៗវិញ?
កុមារអូស្រ្តាលីស្ទើរតែទាំងអស់ដែលមានMedicare អាច ទទួលបាននូវអត្ថប្រយោជន៍ពីកម្មវិធីអត្ថប្រយោជន៍មាត់ធ្មេញកុមាររបស់រដ្ឋាភិបាលអូស្រ្តាលី (Child Dental Benefits Schedule)។ ពីរដ្ឋមួយទៅរដ្ឋមួយមានលក្ខណៈខុសៗគ្នា ប៉ុន្តែជាទូទៅកុមារដែលមានអាយុក្រោម១៨ឆ្នាំ មានសិទ្ធិទទួលបានការមើលថែទាំនេះប្រសិនបើពួកគេស្ថិតនៅក្នុងលក្ខខណ្ឌនៃFamily Tax Benefit ជាក់លាក់មួយ។
ទៅជួបពេទ្យធ្មេញឯកជនឬ?
នៅពេលដែលត្រូវដល់ពេលបង់ថ្លៃសេវាកម្មពេទ្យធ្មេញម្តងៗ ថ្លៃចំណាយខុសៗពីគ្នាយ៉ាងច្រើនទៅតាមទន្តពេទ្យនិងទីកន្លែងដែលលោកអ្នករស់នៅ។ សេវាកម្មធានារ៉ាប់រងដែលល្អអាចជួយកាត់បន្ថយថ្លៃធ្វើធ្មេញបាន ប៉ុន្តែវាកម្រងនឹងចេញឲ្យទាំងស្រុងណាស់។ ជាមធ្យម អតិថិជនក្រុមហ៊ុនធានារ៉ាប់រងសុខភាពឯកជនអាចទារថ្លៃធ្វើធ្មេញមកវិញបានប្រមាណតែពាក់កណ្តាលប៉ុណ្ណោះ។
ចុះប្រសិនបើលោកអ្នកមិនមានធានារ៉ាប់រងឯកជនវិញ?
Image
ប្រសិនបើថវិការបស់លោកអ្នកមានកំណត់នោះ អ្នកត្រូវសាកសួរទន្តពេទ្យរបស់អ្នកឲ្យពន្យល់ពីថ្លៃព្យាបាលជាមុនសិនមុននឹងចាប់ផ្តើមធ្វើ ហើយនោះគឺជាវិធីល្អមួយដែលអាចឲ្យអ្នកកំណត់ពីថវិការបស់ខ្លួនឯងបានកាន់តែស្រួលផងដែរ។
តើអាចកាត់បន្ថយថ្លៃចំណាយបានដោយវិធីណា?
អ្នកអាចធ្វើការណាត់ជួបនៅឯសាលាទន្តសាស្រ្ត (dentistry school)។ វាអាចនឹងជួយសន្សំសំចៃប្រាក់កាសរបស់លោកអ្នកបានខ្លះ ខណៈដែលថ្លៃសេវារបស់ពួកគេជាទូទៅទាបជាងគ្លីនីកឯកជន។
តើអាចស្វែងរកព័ត៌មានបន្ថែមបានតាមវិធីណា?
សម្រាប់ព័ត៌មានបន្ថែមស្តីពីសេវាកម្មទន្តសាស្រ្តសាធារណៈនៅក្នុងរដ្ឋឬដែនដីរបស់លោកអ្នកសូមចូលទៅកាន់គេហទំព័ររបស់នាយកដ្ឋានសុខភាពនៃរដ្ឋដែលលោកអ្នករស់នៅ។
