តើលោកអ្នកមានសិទ្ធិទទួលបានប្រាក់ឧបត្ថម្ភ Family Tax Benefitនេះដែរឬទេ? តើនឹងមានអ្វីផ្លាស់ប្តូរខ្លះបន្ទាប់ពីថ្ងៃទី១ខែកក្កដានេះទៅ? នេះគឺជាមគ្គទេសក៍មួយចំនួននាំលោកអ្នកទៅកាន់ប្រាក់ឧបត្ថម្ភ Family Tax Benefit។
អ្វីទៅជា Family Tax Benefit?
វាគឺជាប្រាក់ជំនួយជួយដល់ក្រុមគ្រួសារសម្រាប់ថ្លៃចិញ្ចឹមកូនៗរបស់ពួកគេ។ វាគឺជាផ្នែកមួយនៃប្រព័ន្ធពន្ធដារ ប៉ុន្តែក្រុមគ្រួសារជាច្រើនជ្រើសរើសយកការបង់អត្ថប្រយោជន៍នេះទៅឲ្យពួកគេជាមុននៅរៀងរាល់២សប្តាហ៍ម្តង។ នៅក្នុងប្រទេសអូស្រ្តាលីនាយកដ្ឋានសង្គមកិច្ចDepartment of Human Services (DHS) ជាមួយនឹងCentrelink គឺជាអ្នកទទួលខុសត្រូវលើប្រាក់ជំនួយក្រុមគ្រួសារនានា រួមទាំង Family Tax Benefit ផងដែរ។
Family Tax Benefit ប្រភេទAនិងប្រភេទB
ក្រុមគ្រួសារអូស្រ្តាលីស្ទើរតែទាំងអស់មិនសិទ្ធិទទួលបានFamily Tax Benefitប្រភេទA ។ វាគឺជាប្រាក់ជំនួយដែលគណនាតាមប្រាក់ចំណូលរបស់លោកអ្នក ចំនួនកូនដែលអ្នកមាន និងអាយុរបស់ពួកគេ។ Family Tax Benefit ប្រភេទ Bគឺសម្រាប់ក្រុមគ្រួសារដែលមានប្រាក់ចំណូលទាប និងក្រុមគ្រួសារដែលមានតែឳពុក ឬក៏ម្តាយ។
ក្រុមគ្រួសារខ្លះអាចទទួលបាននូវប្រាក់ឧបត្ថម្ភទាំងពីរប្រភេទនេះគឺទាំងប្រភេទA និង B។
តើនរណាខ្លះមានសិទ្ធិទទួលបានប្រាក់នេះ?
ដំបូងបំផុតនោះគឺអ្នកត្រូវមានសញ្ជាតិអូស្រ្តាលីឬកាន់ទិដ្ឋាការអចិន្រ្តៃយ៍ ទិដ្ឋាការពិសេស ឬទិដ្ឋាការបណ្តោះអាសន្នជាក់លាក់ណាមួយដូចជា Partner Provisional ឬ Temporary Protection visaជាដើម។ អ្នកអាចមានសិទ្ធិទទួលបានប្រាក់ឧបត្ថម្ភនេះប្រសិនបើកូនរបស់លោកអ្នកមានអាយុក្រោម២០ឆ្នាំ ហើយមិនទទួលបាននូវប្រាក់សោធនិវត្តឬប្រាក់ឧបត្ថម្ភដទៃទៀត។ ឬប្រសិនបើអ្នកត្រូវផ្តល់ការមើលថែទាំកូនរបស់អ្នកយ៉ាងហោចណាស់៣៥%នៃពេលវេលារបស់អ្នក។ អ្នកក៏នឹងត្រូវបំពេញតាមតម្រូវការធ្វើតេស្តប្រាក់ចំណូលផងដែរ។
តើខ្ញុំអាចដាក់ពាក្យសុំតាមវិធីណា?
អ្នកអាចដាក់ពាក្យសុំតាមប្រព័ន្ធអនឡាញបានតាមគេហទំព័ររបស់ DHS។ អ្នកអាចចាប់ផ្តើមដំណើរការដាក់ពាក្យសុំនេះបាន តាំងពីមុនពេលកូនកើតមកប៉ុន្មានសប្តាហ៍ម្ល៉េះ។
ក្រោយពេលកូនកើតមក បុគ្គលិកធ្វើការងារសង្គមក៏អាចឆ្លើយនូវសំណូរ និងជួយអ្នកប្រមូលឯកសារដែលចាំបាច់ដើម្បីដាក់ពាក្យសុំ ដូចជាលិខិតបញ្ជាក់កំណើតជាដើម។
រក្សាព័ត៌មានរបស់លោកអ្នកឲ្យត្រឹមត្រូវនឹងមានបច្ចុប្បន្នភាព
វាគឺជារឿងសំខាន់ណាស់ក្នុងការupdateព័ត៌មានរបស់លោកអ្នកជានិច្ច ព្រោះថាប្រាក់ជំនួយនេះគឺផ្អែកលើការព្យាករប្រាក់ចំណូលប្រចាំឆ្នាំ។ ដូច្នេះនៅចុងឆ្នាំហិរញ្ញវត្ថុ អ្នកនឹងត្រូវប្រកាសពន្ធ ឬក៏ប្រាប់ទៅកាន់ DHS ប្រសិនបើអ្នកមិនចាំបាច់ត្រូវប្រកាសពន្ធទេនោះ។ នៅពេលនោះ DHS នឹងកែតម្រូវដោយការបង់ប្រាក់បន្ថែមជូនលោកអ្នកឬក៏ត្រូវទារយកពីលោកអ្នកវិញ។
ការផ្លាស់ប្តូរចំពោះប្រាក់ជំនួយបន្ថែមសម្រាប់គ្រួសារដែលមានប្រភពចំណូលតែម្នាក់ចាប់ពីថ្ងៃទី១កក្កដា២០១៧
អ្នកអាចជាគ្រួសារមួយក្នុងចំណោមគ្រួសារដែលទទួលបានប្រាក់ឧបត្ថម្ភបន្ថែមនៅចុងឆ្នាំហិរញ្ញវត្ថុ បន្ថែមពីប្រាក់ជំនួយពីរសប្តាហ៍ម្តងរបស់លោកង្នក។ សំខាន់អ្នកត្រូវដឹងថា ចាប់ពីថ្ងៃទី១កក្កដានេះទៅ នឹងមិនមានក្រុមគ្រួសារថ្មីណាទទួលបានប្រាក់ជំនួយបន្ថែមនេះទៀតទេ។ ប៉ុន្តែប្រសិនបើអ្នកធ្លាប់ទទួលបានវាពីមុនមកហើយ អ្នកនឹងនៅតែទទួលបានតទៅទៀត លុះត្រាណាតែអ្នកមិនបំពេញតាមលក្ខខណ្ឌកំណត់។ អ្នកនឹងបាត់បង់ប្រាក់ជំនួយនេះប្រសិនបើអ្នកចាកចេញពីប្រទេសអូស្រ្តាលីជាមួយនឹងកូនអ្នកយូរជាង៦សប្តាហ៍ឬប្រសិនបើអ្នកមានប្រាក់ចំណូលខ្ពស់ខ្លាំងពេក។
សេវាកម្មបកប្រែ
អ្នកអាចទូរសព្ទទៅកាន់លេខ 131 202 ដើម្បីសាកសួរពីប្រាក់ជំនួយCentrelink និងសេវាកម្មដទៃទៀត ពីថ្ងៃចន្ទដល់ថ្ងៃសុក្រ ចាប់ពីម៉ោង៨ព្រឹកដល់៥ល្ងាច។
ដើម្បីស្វែងយល់បន្ថែមស្តីពីអត្ថប្រយោជន៍ប្រាក់ពន្ធសម្រាប់ក្រុមគ្រួសារ (Family Tax Benefit) និងការដាក់ពាក្យសុំនោះ សូមចូលទៅកាន់គេហទំព័ររបស់នាយកដ្ឋានសេវាកម្មសង្គមកិច្ច (DHS website)។
Source: Department of Human Services
