ការរៀនភាសាអង់គ្លេសគឺវាសំខាន់ណាស់សម្រាប់ជនប្រវេសន៍ក្នុងការស្វែងរកការងារធ្វើនិងភ្ជាប់ទំនាក់ទំនងជាមួយនឹងសហគមន៍អូស្រ្តាលីដទៃទៀត។
ហេតុដូច្នេះហើយទើបរដ្ឋាភិបាលអូស្រ្តាលីផ្តល់ជូនកម្មវិធីសិក្សាភាសាអង់គ្លេសដោយឥតគិតថ្លៃដល់ជនប្រវេសន៍និងជនភៀសខ្លួនជាក់លាក់មួយចំនួន។
កម្មវិធីរៀនភាសាអង់គ្លេសសម្រាប់ជនប្រវេសន៍អូស្រ្តាលី (AMEP)
តើវាជាអ្វី?
កម្មវិធីរៀនភាសាអង់គ្លេសសម្រាប់ជនប្រវេសន៍ពេញវ័យផ្តល់នូវការបង្រៀនភាសាអង់គ្លេសរហូតដល់ទៅ៥១០ម៉ោងដល់ជនប្រវេសន៍និងអ្នកដែលមកតាមកម្មវធីមនុស្សធម៌។
តើខ្ញុំមានសិទ្ធិចូលរៀនដែរឬទេ?
អ្នកត្រូវតែជាអ្នកដែលមកដល់ថ្មីដែលមានសិទ្ធិរស់នៅជាអចិន្រ្តៃយ៍ ជនភៀសខ្លួន និងអ្នកដែលកាន់ទិដ្ឋាការបណ្តោះអាសន្នមួយចំនួនទៀត។
អ្នកត្រូវចុះឈ្មោះជាមួយនឹងAMEP ក្នុងពេល៦ខែដំបូងនៃការមកដល់ប្រទេសអូស្រ្តាលី។ សម្រាប់ក្មេងក្រោម១៨ឆ្នាំមានរយៈពេល១២ខែក្នុងការចុះឈ្មោះ។ អ្នកមានពេល១២ខែក្នុងការចាប់ផ្តើមរៀន ហើយត្រូវរៀនឲ្យចប់ក្នុងពេល៥ឆ្នាំ។
ស្វែងយល់បន្ថែមពីAMEP ជាភាសាខ្មែរ សូមចូលទៅកាន់គេហទំព័រនេះ។
កម្មវិធីជំនាញសម្រាប់ការសិក្សានិងការងារ (SEE)
វាជាកម្មវិធីមួយផ្តល់នូវថ្នាក់ភាសាអង់គ្លេស ការហ្វឹកហាត់លេខនិងអក្សរសាស្រ្តនិងភាគច្រើនផ្តោតលើអ្នកស្វែងរកការងារធ្វើ។
អ្នកដែលមានសិទ្ធិអាចនឹងចូលរៀនបានរហូតដល់៨០០ម៉ោងសម្រាប់ថ្នាក់ភាសាអង់គ្លេសដោយឥតគិតថ្លៃ ដែលផ្តោតសំខាន់លើជំនាញដើម្បីរកការងារធ្វើវិញ។
តើខ្ញុំមានសិទ្ធិចូលរៀនដែរឬទេ?
អ្នកត្រូវតែ
- មានអាយុពី១៥ទៅ៦៤ឆ្នាំ
- ចុះឈ្មោះសុំការងារធ្វើជាមួយនឹងDHS
- មិនមែនជាកូនសិស្សពេញម៉ោង
- បំពេញតាមលក្ខខណ្ឌនៃទិដ្ឋាការដែលមានសិទ្ធិអាចចូលរៀនបាន
You can find all the eligibility criteria here.
ភាពបត់បែនក្នុងការរៀនសូត្រ
កម្មវិធីទាំងពីរផ្តល់នូវភាពបត់បែនដល់សិស្ស។ ពូកគេអាចរៀនក្នុងថ្នាក់ក៏បាន រៀនពីចំងាយក៏បាន រៀនពេញម៉ោងក៏បាន រៀនក្រៅម៉ោងក៏បាន ពេលថ្ងៃក៏បានពេលល្ងាចក៏បាន។
ប្រសិនបើអ្នកចូលរៀនផ្ទាល់ក្នុងថ្នាក់ ក៏មានផ្តល់សេវាកម្មមើលកូនឲ្យដោយឥតគិតថ្លៃផងដែរសម្រាប់អ្នកដែលមានកូនក្រោមអាយុចូលរៀន។
គេហទំព័រមានប្រយោជន៍ដទៃទៀត
AMEP (information in 26 languages)
Reading Writing Hotline 1300 6 555 06
Adult Learners Week 1-8 September
AMES - migrant and refugee settlement services
