មគ្គទេសក៍តាំងទីលំនៅ៖ កម្មវិធីទំនាក់ទំនងជាមួយមន្រ្តីប៉ូលិសក្នុងប្រទេសអូស្រ្តាលី

សម្រាប់អ្នកដែលទើបមកដល់ប្រទេសអូស្រ្តាលីថ្មី ឬអ្នកដែលមិនចេះភាសាអង់គ្លេស វាអាចជាការលំបាកក្នុងការទៅរក ឬជឿជាក់និងទំនាក់ទំនងជាមួយប៉ូលិស ប៉ុន្តែប៉ូលិសនឹងនៅរង់ចាំជួយអ្នកជានិច្ច។ មានធនធាននិងកម្មវិធីពិសេសៗជាច្រើនដែលដាក់ចេញឡើងដើម្បីជួយដល់សហគមន៍ទាំងនេះ។

Source: NSW Police

ការបង្កើតនូវទំនុកចិត្តវាត្រូវការពេលវេលា ហើយអ្នកដែលទើបមកដល់អូស្រ្តាលីជាច្រើន ឬអ្នកដែលមិននិយាយភាសាអង់គ្លេស ការទៅរកអាជ្ញាធរអាចជារឿងមើលទៅហាក់ដូចជាគួរឲ្យខ្លាច។

ប៉ុន្តែអ្នកមិនគួរខ្លាចរហូតដល់ថ្នាក់មិនហានទៅរកប៉ូលិសនៅក្នុងតំបន់លោកអ្នកឲ្យជួយនៅពេលដែលលោកអ្នកត្រូវការជំនួយនោះទេ។ មានធនធាននិងកម្មវិធីផ្តួចផ្តើមជាច្រើនដើម្បីជួយដល់សហគមន៍ដែលមិននិយាយភាសាអង់គ្លេសនិងសហគមន៍ប្រវេសន៍។ ហើយនេះគ្រាន់តែជាកម្មវិធីមួយចំនួនប៉ុណ្ណោះ៖

កម្មវិធីសហគមន៍

ការទទួលទានកាហ្វេជាមួយប៉ូលិស

កម្មវិធីនេះផ្តួចផ្តើមឡើងនៅសហរដ្ឋអាម៉េរិក(United States )ដើម្បីឲ្យមន្រ្តីប៉ូលិសនិងសហគមន៍បានជួបជុំគ្នាពិភាក្សាពីបញ្ហានានានិងសិក្សាពីគ្នាទៅវិញទៅមកនៅក្នុងបរិយាកាសរីករាយជាមួយនឹងកាហ្វេមួយកែវ។

ឥឡូវនេះវាត្រូវបានអនុវត្តនៅក្នុងប្រទេសអូស្រ្តាលីផងដែរ ដោយចាប់ផ្តើមឡើងនៅទូទាំងរដ្ឋញូសៅវ៉ែល បន្ទាប់ពីស្នងការតំបន់ Fairfield លោក Peter Lennon បានចាប់ផ្តើមការជួបប្រជុំទទួលទានកាហ្វេនេះនៅក្នុងសហគមន័ចម្រុះជាតិសាសន៍របស់លោក។ លោកជឿថាកម្មវិធីនេះជួយជំនះនូវបញ្ហាកង្វះជំនឿទុកចិត្តមកលើមន្រ្តីប៉ូលិសពីសំណាក់អ្នកដែលទើបតែមកដល់ប្រទេសអូស្រ្តាលីថ្មីថ្មោង។

ស្វែងយល់បន្ថែមនៅទីនេះ

តើមានអ្វីកើតឡើងនៅក្នុងការជួបជុំទទួលទានកាហ្វេនេះ?

ក្រៅពីការកសាងស្ពានភ្ជាប់ទំនាក់ទំនងរវាងប៉ូលិសនិងសហគមន៍ជនភៀសខ្លួនទៅ ការជួបជុំនេះក៏បានផ្តល់នូវឱកាសដល់អ្នកបានយល់ដឹងពីច្បាប់ទម្លាប់ផ្សេងៗ នៅពេលដែលត្រូវហៅប៉ូលិសពេលមានឧបទ្ទវហេតុអ្វីកើតឡើងនោះ។

ការលេងកីឡាបាល់បោះ

South Sudanese All Stars win at basketball — The South Sudanese All Stars play the Victorian Police at Eagle Stadium (Photo by David Chiengkou for SBS) Source: SBS

កាលពីប៉ុន្មានខែមុន យុវជនជនជាតិស៊ូដង់ខាងត្បូងជាង២០០នាក់បានចូលរួមការប្រកួតកីឡាបាល់បោះលក្ខណៈមិត្តភាពជាមួយនឹងប៉ូលិសរដ្ឋវិចថូរៀជាប្រចាំ ដើម្បីសាងនូវទំនាក់ទំនងល្អបន្ទាប់ពីមានព័ត៌មានអវិជ្ជមានស្តីពីសហគមន៍នៅតំបន់នោះដោយសាតែបទឧក្រិដ្ឋជាហូរហែនៅតំបន់អាគ្នេយ៍ក្រុងម៉ែលប៊ិន។ SBS ភាសាឌីងកាក៏បានផ្សាយពីកីឡានេះផងដែរ។