ក្នុងអំឡុងសង្រ្គាមលោកលើកទីមួយ ជនជាតិដើមអូស្រ្តាលីជាច្រើននិងអ្នកស្ម័គ្រចិត្តដទៃទៀតដែលមិនមានជាប់សែស្រឡាយអឺរ៉ុប បានព្រងើយកន្តើយចំពោះការហាមប្រាមដែលបានដាក់ចេញឡើងក្នុងការហាមចូលធ្វើជាទាហាននិងការចុះឈ្មោះចូលបម្រើក្នុងសេវាកម្មដទៃទៀត។
យុទ្ធជនAnzacs ដែលជាជនជាតិដើម
ការដាក់ចេញនូវច្បាប់ការពារជាតិរបស់ Commonwealth ក្នុងឆ្នាំ១៩០៩ មិនរួមបញ្ចូលអ្នកដែលគ្មានសែស្រឡាយអឺរ៉ុប ឲ្យចូលរួមបម្រើកងទ័ពនោះទេ។ ប៉ុន្តែមានជនជាតិដើមអូស្រ្តាលីជាង១ពាន់នាក់ ក្នុងចំណោមជនជាតិដើមដែលគេប៉ាន់ប្រមាណថាមាន៨ម៉ឺននាក់បានចូលបម្រើនៅក្នុងកងកម្លាំងអធិរាជអូស្រ្តាលីក្នុងអំឡុងសង្រ្គាមលោកលើកទីមួយ ។
យុទ្ធជន Anzacs អូស្រ្តាលីដែលមានដើមកំណើតចិន
ពលរដ្ឋអូស្រ្តាលីដែលមានពូជពង្សជនជាតិអាស៊ីក៏មិនខ្វល់ខ្វាយពីច្បាប់ដែលដាក់ចេញឡើង ក្នុងគោលបំណងធានាឲ្យបានថាអូស្រ្តាលីរក្សាទុកនូវលក្ខណៈសម្បត្តិនៃអាណានិគមអង់គ្លេសស្បែកសនិងការចូលបម្រើទ័ពនេះ។ ទាហានដ៏ល្បីល្បាញម្នាក់ក្នុងចំណោមនោះគឺលោក Willam Sing ដែលឳពុករបស់លោកបានធ្វើអន្តោប្រវេសន៍មកពីក្រុងស៊ាងហៃ។
យុទ្ធជន Anzacs ជនជាតិរុស្ស៊ី
យុទ្ធជន Anzacs ជនជាតិរុស្ស៊ីគឺជាជាតិសាសន៍ធំជាងគេបំផុតមួយដែលចុះឈ្មោះធ្វើជាទាហានក្នុងកងកម្លាំងអធិរាជអូស្រ្តាលីបន្ទាប់ទាហានដែលមានដើមកំណើតនៅ អង់គ្លេស នូវ៉ែលហ្សេឡង់និងកាណាដា។ ពួកគេមកពីក្រុមជនជាតិភាគតិចជាច្រើននៅតាមព្រមដែននៃចក្រភពរុស្ស៊ី។
តើអ្នកចូលរួមទិវាបុណ្យ Anzac Day បានតាមវិធីណាខ្លះ?
ប្រពៃណីទំនៀមទំលាប់នៃទិវាAnzac Day
Anzac Day មិនត្រឹមតែជាខួបនៃការចុះចតនៅឧបទ្វីបGallipoli ក្នុងឆ្នាំ1915ប៉ុណ្ណោះនោះទេ តែវាជាថ្ងៃដែលយើងរំលឹកដល់ពលរដ្ឋអូស្រ្តាលីទាំងអស់ដែលបានបម្រើនិងស្លាប់នៅក្នុងសង្គ្រាម។
ការប្រារព្ធពិធីនៅពេលព្រឹកព្រហាម
នៅថ្ងៃ Anzac Day ពិធីរំលឹកដល់យុទ្ធជនទាំងនោះធ្វើឡើងនៅពេលព្រឹកព្រលឹម ជាពេលដែលចុះចតដំបូងនៅGallipoli ទូទាំងប្រទេស។
Image
ការដង្ហែរក្បួន
បន្ទាប់មក អតីតយុទ្ធជននិងយុទ្ធនារីនឹងចូលរួមនៅក្នុងការដង្ហែរក្បួនតាមបណ្តាទីក្រុងសំខាន់ៗនិងនៅតាមមជ្ឈមណ្ឌលតូចៗជាច្រើន។
ការលែងល្បែង Two-up
ថ្ងៃបុណ្យAnzac Dayគឺជាថ្ងៃមួយដែលយើងអាចលេងល្បែងtwo-up ដោយស្របច្បាប់។
សម្រាប់ព័ត៌មានបន្ថែមស្តីពីប្រពៃណីទំនៀមទំលាប់នៃទិវា Anzac Day សូមចូលទៅកាន់គេហទំព័ររបស់ Australian War Memorial៖ https://www.awm.gov.au ។
The Department of Veterans' Affairs website រៀបរាប់ពីពិធីបុណ្យនៅក្នុងប្រទេសអូស្រ្តាលីនិងជុំវិញពិភពលោក។
សម្រាប់ការដើរដង្ហែរក្បួនAnzac Day សូមចូលទៅកាន់ RSL NSW សម្រាប់ក្រុងស៊ីដនី និង RSL Victoria សម្រាប់ក្រុងម៉ែលប៊ិន៕
