ធ្វើដូចម្តេចនៅពេលដែលត្រូវផាកពិន័យ?
ប្រសិនបើអ្នកត្រូវផាកពិន័យ សូមកុំព្រងើយកន្តើយឲ្យសោះ! ប្រាក់ពិន័យនឹងកើនឡើងទៅតាមពេលវេលា ហើយអ្នកត្រូវពិន័យពីលើបន្ថែមទៀតប្រសិនបើអ្នកធ្វើមិនដឹងមិនឮកាន់តែយូរ។
ប្រសិនបើអ្នកត្រូវផាកពិន័យ ហើយមិនច្បាស់ថាត្រូវធ្វើយ៉ាងណា ឬចង់ធ្វើការតវ៉ា ឬក៏អ្នកត្រូវការដំបូន្មានពីអ្នកជំនាញនោះ សូមទាក់ទងទៅកាន់Legal Aid។
តើអាចទទួលបានដំបូន្មានផ្នែកច្បាប់ដោយឥតគិតថ្លៃតាមវិធីណា?
Legal Aid មាននៅគ្រប់រដ្ឋនិងដែនដីក្នុងប្រទេសអូស្រ្តាលីទាំងអស់ ដោយមានមេធាវីត្រៀមរួចជាស្រេចដើម្បីឆ្លើយតបទៅនឹងសំណួររបស់លោកអ្នក។
ពួកគេមានទាំងអ្នកបកប្រែភាសាជូនលោកអ្នកទៀតផង។
Image
តើត្រូវធ្វើយ៉ាងណានៅពេលដែលមានបញ្ហាលំបាកខាងផ្នែកហិរញ្ញវត្ថុ?
Legal Aid អាចជួយអ្នកក្នុងស្ថានភាពជាក់លាក់ណាមួយ ដូចជា មានបញ្ហាលំបាកខ្លាំងខាងផ្នែកហិរញ្ញវត្ថុ ឬក៏ប្រសិនបើអ្នកមានជំងឺផ្លូវចិត្ត ដើម្បីអាចប្រើប្រាស់នូវកម្មវិធីពិសេសៗនានា។
មានការពិចារណាពិសេសតាមផ្លូវច្បាប់សម្រាប់អ្នកដែលអាចបង្ហាញបានថាពួកគេមិនមានប្រាក់គ្រប់គ្រាន់ដើម្បីបង់លើការផាកពិន័យ នេះបើតាមសម្តីរបស់មេធាវី Paula Novotna នៃLegal Aid ក្នុងរដ្ឋញូសៅវ៉ែល។
មានន័យថា វាអាចនឹងមានផែនការសម្រាប់ការបង់ប្រាក់ឬក៏អាចជម្រះការផាកពិន័យរបស់អ្នកបាន ដោយសកម្មភាពផ្សេងៗជំនួយឲ្យការបង់ប្រាក់។
តើធ្វើដូចម្តេចទើបអាចបំបែកវដ្តបំណុលនៃការផាកពិន័យបាន?
មានសេវាកម្មខុសៗពីគ្នា ជួយដល់អ្នកក្នុងការជម្រះបំណុលដោយសារតែការផាកពិន័យបាន។
ឧទាហរណ៍ កម្មវិធី Work and Development Orders (WDO) របស់Legal Aid ដែលអនុញ្ញាតិឲ្យអ្នកបង់បំណុលបានតាមរយៈការធ្វើការងារស្ម័គ្រចិត្ត កម្មវិធីព្យាបាលជំងឺ ការប្រឹក្សា វគ្គបណ្តុះបណ្តាល និងសកម្មភាពដទៃទៀត។
បើទោះជាអ្នកមិនមានសិទ្ធិទទួលបាននូវកម្មវិធីទាំងនេះ អ្នកនៅតែអាចទទួលបានជំនួយពាក់ព័ន្ធនឹងការផាកពិន័យហួសពេលកំណត់ក្នុងការបង់ប្រាក់ដទៃទៀតផងដែរ។
Image
ប្រសិនបើអ្នកមានសំណួរ ឬក៏ត្រូវការជំនួយពាក់ព័ន្ធនឹងការផាកពិន័យ សូមទាក់ទងទៅកាន់Legal Aid។
គ្រប់រដ្ឋនិងដែលដីអូស្រ្តាលីទាំងអស់មានលេខទូរសព្ទដែលលោកអ្នកអាចទូរសព្ទដើម្បីសុំនូវដំបូន្មានផ្នែកច្បាប់ដោយឥតគិតថ្លៃ។
ព័ត៌មានបន្ថែមសូមចូលទៅកាន់ www.lawweek.com.au ៕
