អ្នកជំនាញខាងការអប់រំ លើកទឹកចិត្តឲ្យមាតាបីតានិងអាណាព្យាបាលសិស្សចូលរួមយ៉ាងសកម្មនៅក្នុងការសិក្សានិងសាលារៀនកូនៗ។
នេះគឺជាវិធីសាស្រ្តមួយចំនយនដែលអាចជួយដល់កូនលោកអ្នកទទួលបានបទពិសោធន៍ល្អៗនៅសាលារៀន។
ចូលរួមនៅក្នុងការសិក្សារបស់កូន
ចំណុចសំខាន់ គឺត្រូវប្រាកដថាកូនរបស់អ្នកទៅរៀនរាល់ថ្ងៃ។ វត្តមាននៅក្នុងថ្នាក់រៀនជះឥទ្ធិពលយ៉ាងខ្លាំងដល់លទ្ធផលនៃការសិក្សារបស់កូនលោកអ្នក។
ការបញ្ជូលកូនឲ្យចូលរៀនក្នុងសាលាគឺជួយឲ្យពួកគេមានអាកប្បកិរិយាល្អក្នុងការអប់រំនិងរៀនសូត្រ។ បង្កើតទម្លាប់ប្រចាំថ្ងៃដែលជួយដល់កូនលោកអ្នកឲ្យទៅរៀនដោយគ្មានសម្ពាធអ្វីទាំងអស់។
ទទួលព័ត៌មាននិងទាក់ទងជាមួយសាលាឲ្យបានជាប់លាប់
វាគឺជាការល្អក្នុងការយល់ដឹងពីទម្លាប់សាមញ្ញៗនៅក្នុងសាលារៀនអូស្រ្តាលី ដូចជាការរៀបចំខ្ចប់អាហារឲ្យកូនយកទៅរៀន ឬក៏ការទៅទទួលកូនចេញពីរៀនឲ្យបានទាន់ពេលវេលា។ នៅមានសកម្មភាពជាច្រើនទៀតដែលលោកអ្នកអាចធ្វើនៅខាងក្រៅសាលាដែលអាចជួយដល់កូនរបស់លោកអ្នកបានដូចជា អ្នកអាចនិយាយពីសាលារៀន និងសាកសួរពីអ្វីដែលពួកគេកំពុងតែរៀនក្នុងថ្នាក់ ឬក៏សួរពួកគេពីរឿងសប្បាយរីករាយដែលគេបានធ្វើនៅសាលារៀនជាដើម។
លើកទឹកចិត្តឲ្យកូនអានសៀវភៅឲ្យបានច្រើន
Image
ឲ្យសៀវភៅឲ្យកូនស្តាប់ឲ្យបានទៀតទាង់ ឬក៏ហៅឲ្យកូនអានឲ្យលោកអ្នកស្តាប់វិញ។ ទោះជាយ៉ាងណាក៏ដោយ វាគឺជារឿងល្អក្នុងការកំណត់នូវក្តីរំពឹងដែលអាចសម្រេចទៅបាន។ របាយការណ៍OECD ឆ្នាំ២០០៩ ( 2009 OECD report) បានរកឃើញថា សិស្សវ័យជំទង់ដែលឳពុកម្តាយអានសៀវភៅជាមួយពួកគេជាញឹកញាប់នៅក្នុងឆ្នាំដំបូងនៅបឋមសិក្សានោះ ទទួលបាននូវពិន្ទុខ្ពស់ជាងសិស្សដែលឳពុកម្តាយមិនដែលបានអានសៀវភៅឲ្យពួកគេស្តាប់ឬក៏អានម្តងម្កាលនោះ។
ចូលរួមយ៉ាងសកម្មនៅក្នុងការប្រជុំរវាងគ្រូនិងឳពុកម្តាយសិស្ស
ការចូលរួមកិច្ចប្រជុំ រវាងគ្រូនិងឳពុកម្តាយសិស្ស (parent-teacher meetings) ដែលជាទូទៅធ្វើឡើងពីរដងក្នុងមួយឆ្នាំនោះ គឺជាវិធីសាស្រ្តដ៏សំខាន់មួយក្នុងការទាក់ទងជាមួយសាលារៀន។ វាគឺជាការជួយពិភាក្សាមួយទល់មួយរវាងគ្រូនិងលោកអ្នក។
វាផ្តល់នូវឱកាសសម្រាប់លោកអ្នកក្នុងការជួបជាមួយនឹងគ្រូកូនលោកអ្នក ព្រមទាំងបង្កើតនូវទំនាក់ទំនងល្អជាមួយសាលារៀនកូនៗលោកអ្នកផងដែរ។ មានការផ្តល់ជាយោបល់មកថា លោកអ្នកគួរតែចូលរួមក្នុងកិច្ចប្រជុំនេះដោយបើកចិត្តឲ្យទូលាយហើយនិយាយតាមត្រង់។ សាលាភាគច្រើនមានអ្នកបកប្រែភាសាជូនទៀតផង។
ស្ម័គ្រចិត្តចូលរួមក្នុងសកម្មភាពសាលារៀនកូនលោកអ្នក
ក្រៅពីកិច្ចប្រជុំទៅលោកអ្នកអាចចូលរួមចំណែកសកម្មភាពផ្សេងៗទៀតក្នុងសាលា ដូចជា អ្កកអាចទៅស្ម័គ្រចិត្តស្តាប់ក្មេងអានអក្សរនៅក្នុងថ្នាក់រៀន ជួយក្នុងសកម្មភាពកីឡាផ្សេងៗ ជួយនៅក្នុងអាហារដ្ឋានសាលាឬជួយធ្វើសួនជាដើម។
ព័ត៌មានបន្ថែម
គេហទំព័រ My School website ផ្តល់នូវព័ត៌មានដ៏មានតម្លៃក្នុងការជួយដល់សេចក្តីសម្រេចពីការសិក្សារបស់កូនលោកអ្នក។
គេហទំព័រដ៏មានប្រយោជន៍ Guide for Parents on School Boards and School Councils ពន្យល់ពីវិធីសាស្រ្តខ្លះៗក្នុងការចូលរួមចំណែកក្នុងសាលារៀនកូនរបស់របស់លោកអ្នកនិងភាពខុសគ្នានៃប្រព័ន្ធសិក្សានៅទូទាំងប្រទេសអូស្រ្តាលី៕
