តើធ្វើយ៉ាងណាទើបអាចបន្ធូរបន្ថយវិបត្តិផ្ទះសម្បែងនៅក្នុងប្រទេសអូស្រ្តាលីបាន?

តើអ្នកកំពុងតែទទួលរងសម្ពាធដោយសារតែបញ្ហាផ្ទះសម្បែងឬ? នេះគឺជាវិធីសាស្រ្តមួយចំនួនដែលអូស្រ្តាលីអាចបន្ធូរបន្ថយវិបត្តិនេះបាន។

Source: AAP

សាងសង់ផ្ទះបន្ថែមទៀត

សាងសង់ផ្ទះបន្ថែមទៀតគឺជាកត្តាដ៏សំខាន់មួយក្នុងការសម្រាលស្ថានការណ៍ផ្ទះសម្បែងបាន។ នៅក្នុងកញ្ចប់ថវិកាសហព័ន្ធឆ្នាំ2017-18 រដ្ឋាភិបាលបានប្រកាសថាខ្លួននឹងបង្កើនការផ្គត់ផ្គង់ផ្ទះសម្បែងបន្ថែមទៀតដោយធ្វើការជាមួយនឹងរដ្ឋាភិបាលតាមបណ្តារដ្ឋនិងដែនដីនានាដើម្បីបង្កើតនូវគោលដៅនិងផែនការផ្គត់ផ្គត់ផ្ទះសម្បែងព្រមទាំងការកែប្រែតំបន់សារជាថ្មី។

រដ្ឋាភិបាលក៏គ្រោងបង្កើតនូវសេវាកម្មហេដ្ឋារចនាសម្ព័ន្ធផ្ទះសម្បែងជាតិតម្លៃ១ពាន់លានដុល្លារដើម្បីអភិវឌ្ឍន៍ផ្ទះនិងapartments ថ្មីៗនៅតាមតំបន់ជ្រើសរើសមួយចំនួន។

Building more homes has been suggested as one way to ease the housing crisis in Australia. Source: Getty Images

ភាពចម្រុះនៃជម្រើសផ្ទះសម្បែង

ជាមួយនឹងតម្រូវការទីផ្សារដែលមានការផ្លាស់ប្តូរ វាគឺជាការល្អដែលធ្វើការសើរើច្បាប់សាងសង់ឡើងវិញពីពេលមួយទៅពេលមួយ និងសូម្បីតែការដកចេញនូវកម្រិតអប្បបរមានៃទំហំផ្ទះដាច់ឬក៏ផ្ទះល្វែងជាដើម។

មនុស្សជាច្រើនមិនអាចឈានជើងចូលទៅក្នុងទីផ្សារផ្ទះសម្បែងបានដោយសារតែជាមធ្យមផ្ទះនៅក្នុងប្រទេសអូស្រ្តាលីមានទំហំធំ ដូច្នេះអ្នកត្រូវខ្ចីបំណុលច្រើនដើម្បីទិញផ្ទះធំមួយ។

កែទម្រុងការកាត់កងអវិជ្ចមានសម្រាប់ការជួលផ្ទះ

ការកាត់កងអវិជ្ជមាន (Negative Gearing)គឺជាបញ្ហាចម្រូងចម្រាស់មួយនៅក្នុងឆាកនយោបាយអូស្រ្តាលី។

ដូច្នេះតើអ្វីទៅជាការកាត់កងអវិជ្ជមាន? វាគឺជាកញ្ចប់មួយដែលអនុញ្ញាតិឲ្យអ្នកវិនិយោគលើវិស័យអចលនទ្រព្យដែលខាតធ្វើការកាត់កងលើពន្ធដែលគេបង់លើប្រាក់ចំណូលផ្សេងទៀត។

អ្នកដែលរិះគន់លើការកាត់កងអវិជ្ជមាននេះនិយាយថា កញ្ចប់នេះលើកទឹកចិត្តឲ្យមានអ្នកវិនិយោគច្រើននៅក្នងុវិស័យអចលនទ្រព្យសម្រាប់រស់នៅ ហើយបានបំប៉ោងទីផ្សានេះឡើង និងធ្វើឲ្យវាកាន់តែលំបាកសម្រាប់អ្នកស្វែងរកទិញផ្ទះរស់នៅដំបូង។

The government has announced plans to set up a new agency to help alleviate the growing problem of homelessness. Source: AAP

បង្កើតកន្លែងស្នាក់នៅសម្រាប់អ្នកមានវិបត្តិ

សម្រាប់ដំណោះស្រាយរយៈពេលវែងរដ្ឋាភិបាលកំពុងតែគ្រោងបង្កើននូវកិច្ចព្រមព្រៀងផ្ទះសម្បែងនិងភាពគ្មានទីជម្រកជាតិ ដោយមានការឧបត្ថម្ភជួយដល់អ្នកដែលគ្មានផ្ទះសម្បែងរស់នៅនិងអ្នកដែលមានវិបត្តិទីស្នាក់អាស្រ័យ។

ផ្តល់ផ្ទះរដ្ឋបន្ថែមទៀត

អ្នកអាចនឹងមានសិទ្ធិរស់នៅក្នុងផ្ទះរដ្ឋ ដែលផ្តល់ជូនដោយរដ្ឋាភិបាលដើម្បីជួយដល់អ្នកមានប្រាក់ចំណូលទាប អ្នកដែលមិនអាចមានលទ្ធភាពទិញផ្ទះឬជួលផ្ទះរស់នៅដោយខ្លួនឯងក្នុងទីផ្សារផ្ទះសម្បែងឯកជនបាន។

អ្នកនៅតែត្រូវបង់ថ្លៃឈ្នួលផ្ទះ ប៉ុន្តែវាប្រែប្រួលទៅតាមប្រាក់ចំណូលរបស់លោកអ្នក ពោលគឺវាមិនខ្ពស់ជាង២៥%នៃប្រាក់ចំណូល ដែលរួមបញ្ចូលទាំងថ្លៃឈ្នួលបានមកពីការប្រកបការងារនិងប្រាក់ជំនួយពីCentrelink។

សម្រាប់ព័ត៌មានបន្ថែមសូមចូលទៅកាន់គេហទំព័ររបស់Social housing income and assets limits ។