ការនិយាយពីសេចក្តីស្លាប់វាគឺជារឿងដែលគួរឲ្យខ្លាចរអារមួយ ប៉ុន្តែយល់ល្អយើងគួរតែធ្វើនៅមុនពេលវាហួសពេលទៅ។
នេះគឺជាបញ្ជីនៃរឿងរ៉ាវដែលអ្នកគួរតែរៀបចំឲ្យហើយដើម្បីធ្វើឲ្យជីវិតកាន់តែងាយស្រួលសម្រាប់លោកអ្នកនិងមនុស្សជាទីស្រឡាញ់នៅពេលដែលពេលវេលាមកដល់។
បណ្តាំមរតក
- នៅក្នុងប្រទេសជាច្រើន នៅពេលដែលនរណាម្នាក់ស្លាប់ទៅ ទ្រព្យសម្បត្តិរបស់ពួកគេគឺធ្លាក់ទៅលើដៃក្រុមគ្រួសារដោយស្វ័យប្រវត្តិ។ ទោះជាយ៉ាងណាក៏ដោយនៅក្នុងប្រទេសអូស្រ្តាលី ការធ្វើបណ្តាំមរតកគឺជាវិធីតែមួយគត់ដែលអ្នកអាចធានាបានថាទ្រព្យសម្បត្តិរបស់អ្នកនឹងត្រូវបានបែងចែកទៅតាមក្តីប្រាថ្នារបស់អ្នក។
- បណ្តាំមរតកត្រូវតែច្បាស់លាស់ ដើម្បីកាត់បន្ថយនូវជម្លោះថាតើនរណាទទួលបានអ្វីខ្លះ។ ហេតុនេះហើយ ទើបមានការនែនាំឲ្យប្រើប្រាស់សេវាកម្មពីភ្នាក់ងារច្បាប់ឯករាជ្យ ជាជាងការប្រើប្រាស់will-kit ដែលមានដាក់លក់នៅតាមnewsagents និងប៉ុស្តិ៍ប្រៃសណីយ៍។
- គ្រប់គ្នាដែលមានអាយុចាប់ពី១៨ឆ្នាំឡើងទៅអាចធ្វើបណ្តាំមរតកបាន លើកលែងតែអ្នកនោះមានបញ្ហាខួរក្បាលមិនអាចយល់ពីការងារដែលគេធ្វើបាន។
- វាគឺជារឿងចាំបាច់ដែលត្រូវរក្សាបណ្តាំមរតកឲ្យមានបច្ចុប្បន្នភាពជានិច្ច នៅពេលដែលស្ថានភាពរបស់លោកអ្នកផ្លាស់ប្តូរ ដូចជា រៀបការ លែងលះ ឬក៏មានកូនចៅបន្ថែមជាដើម។
- ប្រសិនបើអ្នកមានទ្រព្យសម្បត្តិច្រើនទាំងនៅក្នុងប្រទេសអូស្រ្តាលីនិងនៅបរទេស មានការណែនាំឲ្យអ្នកធ្វើបណ្តាំមរតកពីរ។
Many people don't think to write their wills young. Source: Getty Images
ការផ្តែផ្តាំមើលថែទុកជាមុន (Advance Care Directives)
ការផ្តែផ្តាំមើលថែទាំទុកជាមុន ឬម្យ៉ាងទៀតហៅថា បណ្តាំពេលនៅរស់'living will' គឺដើម្បីធានាឲ្យបានថា ក្តីប្រាថ្នារបស់លោកអ្នកត្រូវបានគោរពនិងធ្វើតាមនៅពេលដែលអ្នកមិនអាចធ្វើសេចក្តីសម្រេចពាក់ព័ន្ធនឹងបញ្ហាវេជ្ជសាស្រ្តសម្រាប់ខ្លួនឯងបាន។
“វាគឺជាបែបបទមួយដែលកំណត់ថាអ្នកត្រូវការមានការមើលថែទាំតាមក្បួនពេទ្យឬអត់នៅពេលដែលអ្នកមិនអាចនិយាយឬធ្វើសេចក្តីសម្រេចសម្រាប់ខ្លួនឯងបាន” នេះបើតាមការពន្យល់របស់មេធាវី Nalika Padmasena មកពី the Aged Rights Service ក្នុងរដ្ឋ New South Wales។
ការបរិច្ចាកសរីរាង្គ
តើអ្នកធ្លាប់គិតចង់ក្លាយជាអ្នកបរិច្ចាកសរីរាង្គដែរឬទេ? ប្រសិនបើអ្នកឆ្លើយថា ចង់នោះ រឿងដំបូងគេបំផុតដែលត្រូវធ្វើនោះគឺត្រូវចុះឈ្មោះនៅលើបញ្ជីអ្នកបរិច្ចាកអូស្រ្តាលី។ អ្នកអាចធ្វើវាបានតាមប្រព័ន្ធអនឡាញនៅទីនេះ។
អ្នកក៏ត្រូវនិយាយទៅកាន់ក្រុមគ្រួសាររបស់លោកអ្នកហើយឲ្យពួកគេដឹងថាអ្នកបានចុះឈ្មោះធ្វើជាអ្នកបរិច្ចាកសរីរាង្គផងដែរ។
និយាយទៅកាន់មនុស្សជាទីស្រឡាញ់របស់អ្នក
រាល់ដំណើរការទាំងអស់ វាចាំបាច់ដែលអ្នកត្រូវនិយាយជាមួយមនុស្សជាទីស្រឡាញ់អំពីផែនការនៅចុងបញ្ចប់នៃជីវិតរបស់អ្នក។ អ្នកក៏អាចជម្រាបពួកគេពីអ្វីដែលអ្នកចង់បានសម្រាប់ពិធីបុណ្យសពនិងការបញ្ចុះសាកសពរបស់លោកអ្នកផងដែរ។
Source: Dying to Know Day
