ធ្វើបញ្ជីសន្និធិ
នៅមុនពេលដែលលោកអ្នកសម្រេចទិញធានារ៉ាប់រងណាមួយ លោកអ្នកគួរបង្កើតនូវបញ្ជីរាយមុខទំនិញរបស់របរទ្រព្យសម្បត្តិរបស់លោកអ្នកជាមុនសិន។ វាពិតជាមានប្រយោជន៍ណាស់។ អ្នកអាចធ្វើបញ្ជីសន្និធិរួចហើយវាយតម្លៃថ្លៃចំណាយ ឬថ្លៃជួលជុលរបស់របរទាំងនោះ។
អ្នកក៏គួរតែថតរូបភាពនៃរបស់របរគ្រប់យ៉ាងរបស់លោកអ្នកទុកជាភស្តុតាង ហើយកុំភ្លេចរក្សាទុកវិក័យប័ត្ររបស់របរដែលលោកអ្នកទិញ។
អ្នកអាចប្រើប្រាស់រូបមន្តគណនាថ្លៃទ្រព្យសម្បត្តិរបស់លោកអ្នកហៅថា content calculator នៅពេលដែលលោកអ្នកបង្កើតបញ្ជីរាយមុខទំនិញរបស់លោកអ្នក។
សាកសួរក្រុមហ៊ុននានាដើម្បីទទួលបាននូវគោលការណ៍ធានារ៉ាប់រងដែលសមស្របសម្រាប់លោកអ្នក
មានវិធីជាច្រើនក្នុងការទិញធានារ៉ាប់រងលើទ្រព្យសម្បត្តិក្នុងផ្ទះហៅថា contents insurance។
មានគេហទំព័រដែលឯករាជ្យហើយប្រៀបធៀបឲ្យយើងមើលពីតម្លៃផងដែរ។ ប៉ុន្តែរឿងដែលប្រសើរបំផុតនោះគឺថា ទោះជាតាមវិធីណាក៏ដោយ អ្នកត្រូវសាកសួរតម្លៃពីក្រុមហ៊ុនធានារ៉ាប់រងខុសៗគ្នា( different insurers)ឲ្យបានយ៉ាងហោចណាស់៣ក្រុមហ៊ុន។
ប្រសិនបើអ្នកមានវត្ថុមានតម្លៃដែលមិនរាប់បញ្ចូលនៅក្នុងគោលការណ៍ធានារ៉ាប់រងរបស់លោកអ្នកនោះ អ្នកតែងតែអាចទិញបន្ថែមប្រសិនបើគិតចាំបាច់។
ផ្តល់នូវព័ត៌មានត្រឹមត្រូវ
ជានិច្ចជាកាលអ្នកគួរតែផ្តល់នូវព័ត៌មានដែលត្រឹមត្រូវដល់ក្រុមហ៊ុនធានារ៉ាប់រងរបស់លោកអ្នក។ ត្រូវតែប្រាកដថាអ្នកមិនវាយតម្លៃទ្រព្យសម្បត្តិរបស់លោកអ្នកទាបជាងតម្លៃពិតជាក់ស្តែងនោះឡើយ។
ជាថ្មីម្តងទៀត សូមរក្សាទុកនូវវិក័យប័ត្រ កំណត់ត្រានិងរូបថត ហើយកុំភ្លេចធ្វើបច្ចុប្បន្នភាពសន្និធិ និងគោលការណ៍ធានារ៉ាប់រងរបស់លោកអ្នកជារៀងរាល់ឆ្នាំ ប្រសិនបើចាំបាច់។
អានលក្ខខណ្ឌលំអិតឲ្យបានច្បាស់
គោលការណ៍ធានារ៉ាប់រងនិមួយៗមានលក្ខណៈខុសៗពីគ្នា ដូច្នេះអ្នកត្រូវតែអានលក្ខខណ្ឌលំអិតតូចៗឲ្យបានច្បាស់។
គោលការណ៍ខ្លះសងលើការខូចខាតដោយចៃដន្យ តែខ្លះទៀតមិនសងនោះទេ។ ខ្លះសងលើគ្រឿងអល្លង្ការមួយមុខៗត្រឹមតែ៥០០ដុល្លារប៉ុណ្ណោះ ប៉ុន្តែលោកអ្នកអាចនឹងមានចិញ្ចៀនដែលមានតម្លៃថ្លៃលើសពីនេះ ហើយត្រូវការការធានារ៉ាប់រងបន្ថែម។ ឬក៏ជាឧទាហរណ៍មួយទៀត ក្រុមហ៊ុនធានារ៉ាប់រងខ្លះសងថ្លៃខូចខាតដោយសារទឹកជំនន់ តែខ្លះទៀតមិនសងនោះទេ។
ធ្វើការសាកសួរតម្លៃជារៀងរាល់ឆ្នាំ ព្រោះថាក្រុមហ៊ុនធានារ៉ាប់រងខ្លះជាទូទៅរក្សាតម្លៃពិសេសសម្រាប់តែអតិថិជនថ្មីតែប៉ុណ្ណោះ។
គេហទំព័រសំខាន់ៗ៖
- Understand Insurance, an initiative of the Insurance Council of Australia
www.understandinsurance.com.au
- Contents calculator and household inventory checklist
www.understandinsurance.com.au/calculators
- Find an insurer (compares insurers)
www.findaninsurer.com.au
- Information about home and contents insurance from Australian consumer advocay group Choice
www.choice.com.au/money/insurance/home-and-contents
