មគ្គទេសក៍សម្រាប់ការតាំងទីលំនៅ- តើការបើកអាជីវកម្មក្នុងប្រទេសអូស្ត្រាលីត្រូវធ្វើយ៉ាងដូចម្តេចខ្លះ?

ការបើកអាជីវកម្មផ្ទាល់ខ្លួន ជាជាងធ្វើការឱ្យនិយោជកម្នាក់ គឺកាន់តែមានប្រជាប្រិយភាពក្នុងប្រទេសអូស្រ្តាលី ។ ចំនួនម្ចាស់កាន់កាប់អាជីវកម្មបានកើនឡើង ២.៤ភាគរយកាលពីឆ្នាំទៅ នេះបើយោងតាមស្ថិតិរបស់ការិយាល័យស្ថិតិអូស្ត្រាលី។

Portrait of man working in restaurant kitchen Source: AAP

ការមាននូវមុខជំនួញផ្ទាល់ខ្លួនគឺជារឿងមួយដ៏ល្អប្រសើរ ប៉ុន្តែក៏ទាមទារឱ្យអ្នកធ្វើការងារច្រើនផងដែរ។ ដើម្បីបង្កើនឱកាសនៃភាពជោគជ័យ ជាការចំាបាច់ក្នុងការមាននូវមូលដ្ឋានដ៏រឹងមំាមួយ។ ទាំងក្រោមនេះគឺជាដំបូន្មានមួយចំនួនណែនំាពីការបើកមុខជំនួញ។

ជ្រើសរើសគំនិតបង្កើតមុខជំនួញឱ្យបានត្រឹមត្រូវ

នៅពេលនិយាយអំពីគំនិតបង្កើតមុខជំនួញមួយ ត្រូវពិនិត្យមើលលើចំនុចផ្អែមរបស់មុខជំនួញនោះ ពោលគឺជាសេចក្តីត្រូវការរបស់អតិថិជន គឺជាគំនិតដែលអ្នកអាចរកប្រាក់ចំណូលបាន ដែលអ្នកមានជំនាញខាងនោះ ហើយជាអ្វីដែលអ្នកស្រឡាញ់។

ការរកប្រាក់ចំណូលបាន គឺជាកត្តាចំាបាច់ ប៉ុន្តែអ្នកជំនាញយុទ្ធសាស្រ្តអាជីវកម្ម លោក Juergen Schmechtel និយាយថា អាជីវកម្មមានដំណើរការល្អ គឺបានមកដោយក្តីរំភើបត្រេកត្រអាល ប្រកបអាជីវកម្ម៖

“កុំចាប់ផ្តើមបើកអាជីវកម្មដោយសារតែវាមើលទៅថាអាចរកប្រាក់បានច្រើនណាស់ ពិព្រោះនៅក្នុងរយៈពេលវែង អ្នកត្រូវតែមានអារម្មណ៍ត្រេកត្រអាលប្រកបអាជីវកម្មជារៀងរាល់ថ្ងៃ ហើយបើសិនជាការធ្វើនេះគឺគ្រាន់តែដើម្បីប្រាក់ នោះអារម្មណ៍ត្រេកត្រអាលប្រកបអាជីវកម្មគឺនឹងត្រូវបាត់បង់នៅចំណុចណាមួយមិនខាន។”

បង្កើតផែនការអាជីវកម្ម

អ្នកនឹងត្រូវសម្រេចចិត្តលើរចនាសម្ព័ន្ធរបស់អាជីវកម្មអ្នក និងបង្កើតផែនការអាជីវកម្ម។ ជាគំនិតល្អក្នុងការសិក្សាពីទីផ្សារ ព្រមទាំងពិនិត្យមើលអាជីវកម្មដែលស្រដៀងគ្នា ថាអ្វីខ្លះដែលគេធ្វើបានត្រឹមត្រូវ ហើយអ្វីខ្លះដែលគេធ្វើខុស។ ប៉ាន់ស្មានការចំណាយរបស់អ្នក និងកំណត់គោលដៅ។

រដ្ឋាភិបាលអូស្ត្រាលីបានបង្កើតឱ្យមាននូវអន្ថបទណែនំានិងគំរូផែនការអាជីវកម្ម ដែលជាចំនុចចាប់ផ្តើមដ៏ល្អសំរាប់អ្នក។

Man taking notes — Source: CC0 Public Domain

ចុះឈ្មោះអាជីវកម្មអ្នក

នៅពេលអ្នកសម្រចលើឈ្មោះអាជីវកម្មហើយ អ្នកត្រូវដាក់បញ្ជួនឈ្មោះនោះទៅគណៈកម្មការវិនិយោគនិងភាគហ៊ុនអូស្ត្រាលី (ASIC)។ អ្នកធ្វើបានដោយចុចនៅត្រង់នេះ ។ ប្រសិនបើការមាននូវគេហទំព័រគឺជាផ្នែកមួយសំខាន់សម្រាប់អាជីវកម្មអ្នក អ្នកគួរពិនិត្យថា URLដែលអ្នកចង់បានគឺមានដែរឬទេ ហើយអ្នកអាចទិញវាបាននៅពេល ASIC អនុញ្ញាតិឱ្យអ្នកប្រើឈ្មោះអាជីវកម្មរបស់អ្នក។

អ្នកក៏នឹងត្រូវចុះឈ្មោះយក លេខអាជីវកម្មអូស្ត្រាលី (ABN) អាជីវកម្មមួយចំនួនក៏តំរូវឱ្យមានអាជ្ញាប័ណ្ណដែរ។

មាននូវគណនេយ្យករម្នាក់

ជួលគណនេយ្យករម្នាក់ឱ្យបានលឿនគឺជាការល្អខ្លាំង ណាស់ក្នុងដំណើរការអាជីវកម្ម ។ ពួកគេអាចជួយអ្នក ទាក់ទងនឹងការយកអាជ្ញាប័ណ្ណ ចុះឈ្មោះអាជីវកម្ម សេចក្តីតំរូវការផ្សេងៗខាងផ្នែកច្បាប់ ពន្ធ និងហិរញ្ញវត្ថុ។

Image

ស្រគួរប្រាក់ដើមទុន

មានវិធីជាច្រើនក្នុងការទទួលបានហិរញ្ញវត្ថុនៅពេលអ្នកចាប់ផ្តើមអាជីវកម្ម ។ ប្រសិនបើអ្នកមិនមានថវិកាទាំងមូលដែលចំាបាច់ទេ អ្នកវិនិយោគមួយចំនួនអាចផ្តល់ប្រាក់ដើមទុនដល់អ្នក។ រដ្ឋាភិបាលអូស្ត្រាលីបានផ្តល់ថវិកាជំនួយនិងជំនួយខាងអាជីវកម្ម។

អ្នកក៏អាចប្រើវិធីរកដើមទុនតាមរយៈប្រព័ន្ធប្រមូលថវិកាដូចជា Kickstarterឬក៏Pozible។

ចាប់ផ្តើមពីតូច ទៅតាមលទ្ធភាពរបស់អ្នក ហើយកសាងចាប់ពីទុននេះទៅ។ ជាឧទាហរណ៍ ប្រសិនបើអ្នកចង់បើកភោជនីយដ្ឋានមួយ ប៉ុន្តែអ្នកមិនមានទុននោះទេ អ្នកអាចចាប់ផ្តើមដោយលក់ទំនិញក្នុងផ្សារ ឬក៏លក់ម្ហូបតាមឡានត្រាក់ ។ នៅពេលនោះអ្នកអាចសន្សំប្រាក់កាស ដើម្បីបើកភោជនីយដ្ឋានតាមសុបិន្តរបស់អ្នកបានហើយ។

បង្កើតផែនការទីផ្សារ

ក្រៅពីរៀបចំផែនការអាជីវកម្ម អ្នកត្រូវបង្កើតផែនការទីផ្សារ។ តើអ្នកណាខ្លះជាអតិថិជនរបស់អ្នក? អ្នកណាខ្លះជាដៃគូប្រកួតប្រជែងរបស់អ្នក? តើអ្នកនឹងមានវិធីបែបម៉េចដើម្បីឱ្យគេគ្រប់គ្នានិយាយពីអាជីវកម្មរបស់អ្នក? អ្នកត្រូវតែមានយុទ្ធសាស្រ្តអាជីវកម្ម។ អ្នកអាចប្រើប្រាស់គំរូផែនការទីផ្សារដែលមាននៅទីនេះ។

ចូលរៀនវគ្គខ្លី

រៀនវគ្គពាណិជ្ជកម្ម ទីផ្សារ គណនេយ្យ ច្បាប់ និង វគ្គផ្សេងទៀត។ មានមុខវិជ្ជាច្រើនណាស់ដែលត្រូវរៀន នៅពេលចាប់ផ្តើមអាជីវកម្មមួយ។ ប្រសិនបើអ្នកមានអារម្មណ៍ថាមិនដឹងរៀនអី្វ ប៉ុន្តែអ្នកចង់រៀន មានវគ្គខ្លីរាប់ពាន់វគ្គដែលអ្នកអាចរៀនបាន ដែលវគ្គនោះអាចជួយអ្នកយល់ដឹងពីប្រធានបទទាំងអស់នេះ។

រដ្ឋាភិបាលអូស្ត្រាលីផ្តល់វគ្គបង្រៀនសិក្ខាសាលាតាមប្រព័ន្ធអ៊ិនធឺណែត វគ្គបណ្តុះបណ្តាលនិងព្រឹត្តិការណ៍ រួមមានសិក្ខាសាលានិងពិភាក្សាពីការបើកអាជីវកម្ម។

ទោះជាយ៉ាងណាក្តី នេះគឺជាជម្រើសមួយក្នុងចំណោមជម្រើសរាប់រយនៃវគ្គសិក្សាអាជីវកម្មធនតូចដែលមានបង្រៀននៅតាមវិទ្យាស្ថានសិក្សាក្នុងប្រទេសអូស្ត្រាលី ដោយមានទាំងវគ្គសិក្សាតាមអនឡាញដោយឥតគិតថ្លៃ ដល់វគ្គសិក្សាក្នុងវិទ្យាស្ថានសហគម វិទ្យាស្ថានបច្ចេកវិទ្យា និងសាកលវិទ្យាល័យ។

Small business owner using a credit card reader — Source: Getty Images

ស្វែករកអ្នកណែនំាប្រឹក្សាម្នាក់

ព្យាយាមស្វែងរកម្ចាស់អាជីវកម្មដទៃទៀតដែលអ្នកជឿជាក់ ជាអ្នកដែលបានជួយអ្នករួចហើយ ផ្តល់យោបល់ និងជួយឆ្លើយសំនួរដែលអ្នកមាន។ រដ្ឋាភិបាលអូស្ត្រាលី ផ្តល់នូវបញ្ជីសំរាប់ក្រុមប្រឹក្សានិងសេវាណែនំា ដែលមាននៅជុំវិញប្រទេស ។ ភាគច្រើននៃសេវានេះគឺឥតគិតថ្លៃ ឬគិតថ្លៃសេវាប្រឹក្សាក្នុងតម្លៃថោក។

ត្រូវមានភាពអំណត់ និងត្រៀមខ្លួនក្នុងការធ្វើការ

ការធ្វើជាម្ចាស់ក្រុមហ៊ុនមួយ គឺជាការប្រថុយប្រថាន និងត្រូវធ្វើការជាច្រើនម៉ោង យ៉ាងហោចណាស់រហូតដល់អ្នកបានរៀបចំកិច្ចការបានស្រួលបួល។ គ្មានការធានានោះទេលើភាពជោគជ័យក្នុងអាជីវកម្ម ប៉ុន្តែអ្នកត្រូវត្រៀមខ្លួនរួចជាស្រេចក្នុងការទទួលយកលទ្ធផលទាំងអស់នោះ។