ជនប្រវេសន៍ថ្មោងថ្មីអាចនឹងប្រឈមមុខនឹងការលំបាកក្នុងការយល់ពីតម្រូវការនៃកន្លែងធ្វើការងារនៅអូស្រ្តាលី។ មនុស្សជាច្រើនមកដល់ប្រទេសអូស្រ្តាលីដោយមានភ្ជាប់មកជាមួយនូវប្រវត្តិរូបការងាររួចទៅហើយ ប៉ុន្តែវាអាចថាមិនស៊ីគ្នាទៅនឹងកម្រិតស្តង់ដារក្នុងប្រទេសនេះនោះទេ។ ពីមគ្គទេសក៍ក្នុងការតាំងទីលំនៅរបស់SBS នេះគឺជាគន្លឹះមួយចំនួនក្នុងការចាប់ផ្តើមរបស់លោកអ្នក។
ការដែលមាននូវសេចក្តីសង្ខេបត្រឹមត្រូវពីជំនាញ សមត្ថភាពនិងស្នាដៃរបស់អ្នកគឺជាផ្នែកដ៏សំខាន់មួយនៃការស្វែងរកការងារធ្វើ។
ហើយនេះគឺជាគន្លឹះមួយចំនួនដែលលោកអ្នកអាចចាប់ផ្តើមបាន៖
ប្រវត្តិរូបត្រូវតែខ្លីហើយត្រូវចំៗតាមចំណុច
ជួនកាលការសរសេរតិចតែមានន័យច្រើន។ នៅពេលដែលអ្នកសរសេរនូវប្រវត្តិរូបការងាររបស់អ្នកដាក់នូវព័ត៌មានសំខាន់ៗមុន ហើយតែងតែកែតម្រូវវាតៅតាមការងារជាក់លាក់ដែលអ្នកកំពុងតែស្នើសុំ។ បើទោះជាក្រោយពេលដែលអ្នកបានការងារធ្វើហើយ គេនៅតែផ្តល់ដំបូន្មានឲ្យអ្នកធ្វើបច្ចុប្បន្នភាពប្រវត្តិរូបរបស់នៅជានិច្ច។
រាយនាមនូវសមិទ្ធិផលរបស់លោកអ្នក
វាគឺជាបញ្ហាសំខាន់ក្នុងការរំលេចនិងពន្យល់ពីស្នាដៃនៅក្នុងតួនាទីពីមុនរបស់អ្នក។ វាជួយអ្នកឆ្លុះបញ្ចាំងពីគុណសម្បត្តិផ្ទាល់ខ្លួនជាជាងការដែលគ្រាន់តែបរិយាយពីស្តង់ដានៃការងាររបស់អ្នកពីមុន។
ប្រើប្រាស់ភាសាវិជ្ជមាន
កុំប្រើភាសាអវិជ្ជមាននៅក្នុងប្រវត្តិរូបរបស់អ្នក ឬក៏យោងទៅអ្នកគ្រប់គ្រងពីមុនរបស់អ្នកក្នុងផ្លូវអវិជ្ជមាន។ឧទាហរណ៍ថា៖ “អ្នកគ្រប់គ្រងរបស់ខ្ញុំគឺជាមនុស្សអយុត្តិធម៌បំផុត ដូច្នេះខ្ញុំត្រូវតែលាលែងចេញពីការងារ”។
រៀនបង្កើតប្រវត្តិរូបការងាររបស់អ្នកសម្រាប់តួនាទីជាក់លាក់និមួយៗ
វិធីសាស្រ្តដែលថា ធ្វើតែម្យ៉ាងត្រូវគ្រប់ស្ថានភាពនោះ វាមិនមានលទ្ធផលឡើយនៅពេលដែលនិយាយពីការសរសេរប្រវត្តិរូបការងារ។ អ្នកតែងតែអាចប្រើប្រាស់ពាក្យឬឃ្លាឃ្លោងស្រង់ចេញពីដំណឹងជ្រើសរើសបុគ្គលិកដែលអ្នកដាក់ពាក្យសុំនោះ ដើម្បីជួយទាក់ទាញនូវចំណាប់អារម្មណ៍ពីនិយោជក់។
រៀបចំនូវសំបុត្រឆ្លើយតប (cover letter)ដែលសមស្របទៅនឹងពាក្យសុំ
សំបុត្រឆ្លើយតបដែលល្អគឺជាឱកាសមួយក្នុងការបង្អួតពីចំណាប់អារម្មណ៍របស់លោកអ្នក។ នៅពេលដែលអាច ត្រូវព្យាយាមស្វែងរកឈ្មោះនិងតួនាទីនៃបុគ្គលដែលអ្នកគួរតែបញ្ជាក់នៅក្នុងលិខិត។ នៅពេលដែលអ្នកសរសេរលិខិតឆ្លើយតបពីខាងក្រៅរួចហើយ អ្នកត្រូវតែពិនិត្យមើលលើអក្ខរាវិរុទ្ធនិងកំហុសវេយ្យាករណ៍ និងកំហុសនៅពេលវាយអក្សរជាដើម។ វាជាការល្អដែលមាននរណាម្នាក់ជួយមើលលោកអ្នក ដូច្នេះគួរតែសុំឲ្យមិត្តភក្តិជួយពិនិត្យមើលសារឡើងវិញសិនមុននឹងផ្ញើវាចេញទៅ។
ធនធានដែលអាចជួយលោកអ្នកបានដោយឥតគិតថ្លៃ
ធនធានរដ្ឋ៖
គេហទំព័រ'Jobactive' website របស់ រដ្ឋាភិបាលអូស្រ្តាលី ផ្តល់នូវព័ត៌មាននិងវីដេអូស្តីពីវិធីស្វែងរកជំនួយក្នុងការសរសេរនូវប្រវត្តិរូបសង្ខេបនិងស្វែងរកការងារធ្វើ។
សហគមន៍៖
អ្នកអាចចូលទៅកាន់មជ្ឈមណ្ឌលធនធានសហគមន៍ជនប្រវេសន៍(Community Migrant Resource Centre)នៅក្នុងរដ្ឋឬដែនដីរបស់លោកអ្នកដែលពួកគេមានកម្មវិធី Employment Ready Workshops ជួយដល់អ្នកទើបមកដល់ថ្មីឲ្យយល់ដឹងពីកន្លែងធ្វើការងារនៅក្នុងប្រទេសអូស្រ្តាលី។សិក្ខាសាលាដោយឥតគិតថ្លៃទាំងនេះបង្ហាត់អ្នកនូវជំនាញក្នុងការសម្ភាសន៍ ការសរសេរប្រវត្តិរូបការងារ យុទ្ធសាស្រ្តស្តីពីប្រសិទ្ធិភាពក្នុងការដាក់ពាក្យសុំការងារធ្វើ។
តាមប្រព័ន្ធអនឡាញ៖
អ្នកអាចរកសេវាកម្មសរសេរប្រវត្តិរូបវិជ្ជាជីវៈបានតាមរយៈគេហទំព័រ professional resume writing servicesដោយឥតគិតថ្លៃមួយចំនួន។
- Education websites such as Open Colleges
- Recruitment Agencies such as Hudson and Kelly Services
- Life tips sites such as Lifehacker.com
- Business and Finance titles such as Business Insider
- Career sites such as Seek and CareerOne
សម្រាប់ព័ត៌មានបន្ថែមពី Jobactive ស្តីពីរបៀបក្នងការសរសេរប្រវត្តិរុបនិងស្វែងរកការងារធ្វើ មាននៅក្នុងវីដេអូខាងក្រោម៖
