នេះជាចំនុចទាំង៧ដែលអ្នកត្រូវដឹងអំពីគ្រោងការណ៍ជាតិធានារ៉ាប់រងជនពិការ (NDIS)
NDIS ត្រូវបានណែនំាពីសេវារបស់ខ្លួនពេញប្រទេសអូស្ត្រាលីចាប់ពីខែកក្កដា ឆ្នាំ២០១៦។
បង្កើតឡើងដោយបក្សពលករនៅឆ្នាំ២០១២ ។ គម្រោងនេះត្រូវបានគេប៉ាន់ស្មានថាការអនុវត្តពេញលេញនឹងធ្វើបាននៅឆ្នាំ២០១៩។ ជាឧទាហរណ៍ បច្ចុប្បន្ននេះក្នុងរដ្ឋញូវសៅវែល ប្រជាជនភាគច្រើន កំពុងទទួលបានជំនួយពិការភាពគ្រូពេទ្យឯកទេស អ្នកទាំងនោះនឹងអាចទទួលបានសេវាពីNDISនៅក្នុង៦ខែដំបូងនៃរៀងរាល់គម្រោង២ឆ្នាំ ដោយប្រើប្រាស់ ដំណើរការសាមញ្ញក្នុងការទទួលបានសេវា។
NDIS ប្រើប្រាស់យន្តការណ៍សម្រាប់ពេញមួយជីវិត ដោយវិនិយោគលើជនដែលពិការភាពក្នុងដំណាក់កាលដំបូង ដើម្បីធ្វើឱ្យពួកគេទទួលបានលទ្ធផលល្អប្រសើរនៅពេលបន្ទាប់ក្នុងជីវិតរបស់គេ។
គម្រោងរបស់NDIS គឺតម្រូវទៅតាមសេចក្តីត្រូវការបុគ្គលម្នាក់ៗដែលជួបប្រទះ ដើម្បីសំរួលដល់អ្នកទទួលបានគោលដៅរបស់អ្នក ។ មុនដំបូងគិតពីអ្វីដែលអ្នកត្រូវការ បន្ទាប់មកជួបជាមួយអ្នករៀបចំផែនការរបស់NDIS និងបង្កើតគម្រោងរបស់អ្នក។
ដើម្បីទទួលចូលគម្រោងនេះ អ្នកត្រូវមានពិការភាពអចិន្ត្រៃយ៍ ដែលប៉ះពាល់ចំាបាច់ដល់ សមត្ថភាពធ្វើការប្រចំាថ្ងៃរបស់អ្នក។
អ្នកត្រូវតែជាជនជាតិអូស្ត្រាលី ឬកាន់ទិដ្ឋាការរស់នៅអចិន្រ្តៃយ៍ ឬ កាន់ប្រភេទទិដ្ឋាការការពារពិសេស។
អ្នកត្រូវមានអាយុតិចជាង៦៥ឆ្នាំ ហើយរស់នៅក្នុងប្រទេសអូស្ត្រាលី នៅតំបន់ដែលគម្រោងនេះអនុវត្ត
NDIS កំពុងត្រូវបានអនុវត្តដោយភ្នាក់ងារជាតិធានារ៉ាប់រងជនពិការរបស់រដ្ឋាភិបាលសហព័ន្ធ។
ឧទាហរណ៍ នៅក្នុងរដ្ឋវិចថូរៀ ប្រសិនបើអ្នកបច្ចុប្បន្នកំពុងទាក់ទងសេវាកម្មនេះ ភ្នាក់ងារជាតិធានារ៉ាប់រងជនពិការនឹងធ្វើការទំនាក់ទំនងទៅអ្នកដើម្បីពិភាក្សាពីដំណើរការទទួលចូលក្នុងគ្រោងការណ៍ជាតិធានារ៉ាប់រងជនពិការ។
អ្នកត្រូវធ្វើការទំនាក់ទំនងជាមួយភ្នាក់ងារជាតិធានារ៉ាប់រងជនពិការដោយផ្ទាល់នៅក្នុងតំបន់របស់អ្នក។
អង្គភាពកិច្ចការពិការភាពក្នុងសហគមជនភាគតិច គឺជាអង្គភាពមួយក្នុងចំណោមអង្គភាពជាច្រើនដែលចុះឈ្មោះបំរើសេវាគ្រោងការណ៍នេះ។ អង្គភាពក៏ផ្តល់នូវកម្មវិធីជំនួយតស៊ូមតិ ដែលប្រជាជនអាចទទួលបាននូវជំនួយដោយផ្ទាល់ពីដំណើរការមុនរៀបចំផែនការ។
សម្រាប់ព័ត៌មានបន្ថែមក្នុងការរៀបចំគម្រោងNDISក្នុងរដ្ឋវិចតូរៀ និង គម្រោងNDISក្នុងរដ្ឋញូវសៅវែល។ សម្រាប់ព័ត៌មានបន្ថែមពីគម្រោងនេះមាននៅតំបន់អ្នក ចូលទៅកាន់NDIS ឬទូរស័ព្ទ ១៨០០ ៨០០ ១១០។ ព័ត៌មានក៏មានផងដែរជាភាសាផ្សេង។
សម្រាប់អ្នកមិនអាចស្តាប់ឬនិយាយបាន TTY: ១៨០០ ៥៥៥ ៦៧៧
និយាយនិងស្តាប់បានៈ ១៨០០ ៥៥៥ ៧២៧
សម្រាប់សេវាបកប្រែភាសា TIS: ១៣១ ៤៥០
ចូលទៅកាន់Facebook/NDISAus ឬក៏ Twitter @NDIS
