មគ្គទេសក៍តាំងទីលំនៅ៖ គ្រោះថ្នាក់នៃថ្នាំដែលមានវេជ្ជបញ្ជាត្រឹមត្រូវ

ថ្នាំដែលមានវេជ្ជបញ្ជាដូចជា ថ្នាំបំបាត់ការឈឺចាប់ និងថ្នាំរំងាប់អារម្មណ៍មួយចំនួន អាចនឹងមានគ្រោះថ្នាក់ធ្ងន់ធ្ងរប្រសិនបើយើងប្រើប្រាស់វាមិនបានត្រឹមត្រូវទេនោះ។

Source: Getty Images

នៅពេលដែលអ្នកគិតដល់ការប្រើប្រាស់ហួសកម្រិត អ្នកប្រហែលជាស្រមៃទៅដល់រូបភាពអ្នកដែលប្រើប្រាស់ថ្នាំខុសច្បាប់ ដូចជាថ្នាំញៀនហេរ៉ូអ៊ីនជាដើម។ ប៉ុន្តែការពិតទៅថ្នាំដែលមានចេញវេជ្ជបញ្ជាទៅវិញទេដែលមូលហេតុបង្កឲ្យមានការប្រើប្រាស់លើសកម្រិតជាច្រើននៅក្នុងប្រទេសអូស្រ្តាលី។

ថ្នាំទាំងនោះអាចនឹងចាំបាច់ខ្លាំងសម្រាប់មនុស្សមួយចំនួន។ ប៉ុន្តែលោកស្រី Bee Mohamed គឺជានាយកប្រតិបត្តិនៃ ScriptWise ដែលជាអង្គភាពមិនស្វែងរកប្រាក់ចំណេញមួយក្នុងគោលបំណងកាត់បន្ថយការប្រើប្រាស់ថ្នាំដែលមានវេជ្ជបញ្ជាព្រមានថា វាក៏អាចធ្វើឲ្យអ្នកញៀនបានយ៉ាងឆាប់ផងដែរ។

«វាពិតជារឿងកើតឡើងចៃដន្យគួរសម។ ពួកគេអាចថា បានចូលពេទ្យវះកាត់តូចតាច ឬក៏ទៅពេទ្យធ្មេញឬក៏កើតនូវជំងឺឈឺចង្កេះរ៉ាំរ៉ៃ ដែលត្រូវទទួលបាននូវវេជ្ជបញ្ជាឲ្យប្រើប្រាស់ថ្នាំទាំងនេះ តែជាអកុសល ជួនកាលអ្នកជំងឺខ្លះគាត់អាចលេបមិនបានត្រឹមត្រូវតាមវេជ្ជបញ្ជានោះទេ។»

អាយុដែលស្ថិតនៅក្នុងគ្រោះថ្នាក់បំផុតនោះគឺចន្លោះពី៣០និង៦០ឆ្នាំ។ ប៉ុន្តែនរណាក៏អាចញៀនបានដែរ មិនថាអ្នកមានអាយុប៉ុន្មាន ជាតិសាសន៍អ្វី ប្រុសឬក៏ស្រីនោះទេ។

A file image of a pharmacist holding prescription medication. — Source: AAP

តើអ្នកអាចធ្វើអ្វីបាន?

ប្រសិនបើអ្នកទទួលបាននូវវេជ្ជបញ្ជាឲ្យប្រើប្រាស់ថ្នាំបំបាត់ការឈឺចាប់ខ្លាំងដូចជាម៉ូហ្វីន ឬក៏អុកស៊ីកូដូន នោះអ្នកត្រូវស្តាប់ការពន្យល់នែនាំឲ្យបានច្បាស់ និងសួរវេជ្ជបណ្ឌិតឬឱសថការីឲ្យច្បាស់ពីវិធីប្រើ។

អ្នកក៏ត្រូវតែពិនិត្យឲ្យច្បាស់ផងដែរថាតើវាអាចលេបជាមួយនឹងថ្នាំដទៃទៀតបានដែរឬទេ។ ថ្នាំខ្លះអាចនឹងធ្វើឲ្យអ្នកស្លាប់បាន ប្រសិនបើអ្នកលេបលាយគ្នាមិនបានត្រឹមត្រូវ ឬក៏លេបលាយជាមួយនឹងគ្រឿងស្រវឹង។

ប្រសិនបើអ្នកមានចម្ងល់ អ្នកអាចទូរសព្ទទៅកាន់ Australian Medicines Line at 1300 MEDICINE.

រដ្ឋាភិបាលកំពុងតែប្រយុទ្ធប្រឆាំងទៅនឹងការញៀនថ្នាំ

ដោយសារតែមានការកើនឡើងនៃការញៀនថ្នាំដែលមានវេជ្ជបញ្ជានោះ រដ្ឋាភិបាលកំពុងតែចាត់វិធានការចំពោះបញ្ហានេះ។

រដ្ឋាភិបាលដាក់ចេញនុវប្រព័ន្ធត្រួតពិនិត្យថ្នាំវេជ្ជបញ្ជាថ្មីមួយសម្រាប់ភេជ្ជបណ្ឌិតនិងឱសថការី។ វាមានន័យថា វេជ្ជបញ្ជារបស់អ្នកគ្រប់គ្នានឹងត្រូវកត់ត្រានៅក្នុងកន្លែងមួយ ដូច្នវគេអាចនឹងកំណត់បានថាអ្នកទាំងនោះដើរប្រមូលទិញថ្នាំដែលខ្លាំងៗទាំងនេះបាន។

នៅដើមឆ្នាំក្រោយនេះ ថ្នាំដែលមានជាតិcodeine ដូចជា Neurofen Plus ជាដើម នឹងមិនអាចទិញបាននៅតាមបញ្ជរលក់ថ្នាំឬក៏ឱសថស្ថានដោយមិនមានវេជ្ជបញ្ជាទៀតឡើយ។

Doctor and patient – Getty Images — Source: Getty Images

ស្វែងរកជំនួយ

ប្រសិនបើអ្នកគិតថា អ្នកត្រូវការជំនួយឬក៏ស្គាល់នរណាម្នាក់ដែលត្រូវការជំនួយនោះ សូមពិភាក្សាជាមួយនឹងវេជ្ជបណ្ឌិតប្រចាំគ្រួសាររបស់លោកអ្នក ពួកគេអាចជួយរកដំណោះស្រាយជូនលោកអ្នកបាន។

អ្នកក៏អាចទូរសព្ទទៅកាន់ខ្សែទូរសព្ទជំនួយដូចជា Lifeline តាមរយៈលេខ 13 11 14. ឬក៏ចូលទៅកាន់គេហទំព័រ របស់ ScriptWise និង Turn to Help ឬក៏ get online counselling here។