ការទៅកម្សាន្តនៅឧទ្យានជាតិគឺជាវិធីដ៏ប្រសើរដើម្បីយល់ដឹងពីបរិស្ថានធម្មជាតិរបស់អូស្រ្តាលី។បើទោះជាអ្នកចង់ទៅជ្រមុជទឹកមើលបាតសមុទ្រនៅGreat Barrier Reef ទៅទស្សនាសត្វព្រៃនៅលើកោះ Kangaroo Island ឬស្វែងយល់ពីវប្បធម៌ជនជាតិដើមនៅUluru ការការពារខ្លួនរបស់លោកអ្នកនិងបរិស្ថានគឺជារឿងសំខាន់។
ដំបូងត្រូវស្រាវជ្រាវពីគោលដៅរបស់លោកអ្នកតាមអនឡាញ
មុននឹងចេញដំណើរទៅ ត្រូវរៀបចំគម្រោងទស្សនកិច្ចរបស់អ្នកតាមអនឡាញជាមួយនឹងគេហទំព័រដែលគ្រប់គ្រងដោយរដ្ឋាភិបាលជាមុនសិន។ (សូមមើលក្នុងបញ្ជីខាងក្រោម)។ អ្នកអាចសិក្សាពីបិរស្ថានធម្មជាតិ ភាពស្រស់ស្អាតនៅក្នុងតំបន់ និងព័ត៌មានស្តីពីថ្លៃសំបុត្រចូលទស្សនា និងសកម្មភាពនានា ព្រមទាំងមើលការព្យាករណ៍អាកាសធាតុផងដែរ។
កុំប៉ះពាល់ឬដើរលើទីតាំងប្រវត្តិសាស្រ្តឬទីតាំងរបស់ជនជាតិដើម
ឧទ្យានជាតិជាទូទៅគឺជាតំបន់ព្រៃភ្នំក្រំថ្ម ឬជាតំបន់វប្បធម៌សំខាន់ៗរបស់ជនជាតិដើមភាគតិអូស្រ្តាលី។ ទីតាំងទាំងនេះអាចមាន ចម្លាក់ថ្ម កន្លែងជួបប្រជុំ កន្លែងប្រារព្ធបូជា និងទីតាំងវប្បធម៌សំខាន់ៗដទៃទៀត។ រដ្ឋាភិបាលអូស្រ្តាលីគ្រប់គ្រងឧទ្យាជាតិ៦កន្លែងនិងកន្លែងអភិរក្សសមុទ្រ១៣កន្លែង ដែលជាញឹកញាប់គឺជាដៃគូជាមួយនឹងម្ចាស់ប្រពៃណីទំនៀមទំលាប់ជនជាតិដើម។
តើខ្ញុំត្រូវបង់ប្រាក់ដែរឬទេ?
ឧទ្យានជាតិជាច្រើនគិតថ្លៃចូលទស្សនាកម្សាន្ត ប្រសិនបើអ្នកបើករថយន្តចូល ប៉ុន្តែមិនគិតប្រាក់ពីអ្នកដែលដើរចូលឬជិះកង់ចូលនោះទេ។ ប្រសិនបើអ្នកទៅកម្សាន្តនៅឧទ្យានជាតិញឹកញាប់នោះ ការដែលទិញសំបុត្រសម្រាប់ចូលលេងពេញមួយអំឡុងពេលដែលអ្នកទៅសម្រាកកាយ ឬពីរបីថ្ងៃឬក៏មួយឆ្នាំពេញតែម្តងអាចជួយសន្សំសំចៃលោកអ្នកបានខ្លះ។ តាមរដ្ឋភាគច្រើនផ្តល់ជូននូវសំបុត្រដែលអាចចេញចូលច្រើនដងបាន ប៉ុន្តែសំបុត្រទាំងនោះមិនអាចប្រើនៅរដ្ឋផ្សេងបាននោះទេ។
តើខ្ញុំអាចរក្សាសុវត្ថិភាពបានដោយរបៀបណា?
ប្រសិនបើអ្នកសម្រេចចូលទស្សនាឧទ្យានជាតិមួយកន្លែងនៅក្នុងតំបន់ដាច់ស្រយ៉ាលត្រូវប្រាប់នរណាម្នាក់ជាមុន។ មានការផ្តល់ជាយោបល់ឲ្យយកអាហារ ទឹកនឹងសម្លៀកបំពាក់ក្រាស់ៗទៅជាមួយ។ កុំដើរចេញពីផ្លូវដែលគេបានគូស ហើយនៅពីក្រោយរបងសុវត្ថិភាពជានិច្ច។
Imageពេលចេញហាលថ្ងៃនិងហែលទឹក
សារស្តីពីភាពឆ្លាតវ័យនៅក្រោមកំដៅថ្ងៃក៏ត្រូវយកមកប្រើប្រាស់នៅក្នុងទ្យានជាតិផងដែរ។ លាបក្រែមការពារកំដៅថ្ងៃនិងពាក់មួយ!ប្រសិនបើអ្នកសម្រេចថាទៅហែលទឹក ត្រូវតែពិនិត្យមើលជម្រៅ សីតុណ្ហភាពនិងចរន្តខ្យល់ជានិច្ច។ សូមប្រយ័ត្ននៅពេលដេលអ្នកដើរនៅលើថ្មតាមឆ្នេ ហើយពិណាស់កុំទៅជិតទឹកដែលមានសត្វក្រពើ។
យកសំរាមរបស់អ្នកមកវិញជាមួយអ្នក
គ្របបណ្តប់លើផ្ទៃដីជិត៤%នៅក្នុងប្រទេសអូស្រ្តាលី ឧទ្យានជាតិត្រូវបានគេរក្សាការពារ ដែលជាញឹកញាប់មានទេសភាព រុក្ខជាតិនិងសត្វប្លែកៗ ដែលនៅមិនទាន់ខូចខាតនៅឡើយនោះទេ។
ការទុកសម្រាប់ចោលនឹងបណ្តាលឲ្យមានការខូចខាតធ្ងន់ធ្ងរដល់បរិស្ថាន។ ដុច្នេះបន្ទាប់ពីអ្នករីករាយជាមួយនឹងការអាំងសាច់កម្សាន្តឬក៏Picnicនៅក្នុងឧទ្យានជាតិដែលលោកអ្នកចូលចិត្តរួច សូមយកសំរាមរបស់អ្នកទាំងអស់មកផ្ទះវិញ!
សម្រាប់ព័ត៌មានបន្ថែមសូមចូលទៅកាន់Parks Australia https://parksaustralia.gov.au/ ។
គេហទំព័រតាមដែនដីនិងរដ្ឋនីមួយៗ៖
- Parks Victoria: http://parkweb.vic.gov.au/
- Northern Territory Parks and Wildlife Service: https://dtc.nt.gov.au/
- NSW National Parks and Wildlife Service: http://www.nationalparks.nsw.gov.au/
- Queensland Department of National Parks, Recreation, Sports and Racing: https://www.npsr.qld.gov.au/
- National Parks South Australia: http://www.environment.sa.gov.au/parks/Home
- Western Australia Department of Parks and Wildlife: https://www.dpaw.wa.gov.au/
- Tasmania Park and Wildlife Service: http://www.parks.tas.gov.au/
- ACT Parks and Reserves: http://www.environment.act.gov.au/parks-conservation/parks-and-reserves
Image
