នេះគឺជាទិដ្ឋាការចំនួន៥ដែលលែងមានតទៅទៀតនៅក្នុងគម្រោងទិដ្ឋាការបណ្តោះអាសន្នថ្មី (new temporary visa framework) ដែលមានសុពលភាពចាប់ពីថ្ងៃទី១៩វិច្ឆិកាឆ្នាំ២០១៦។
មិនចាំបាច់ភ័យខ្លាចនោះទេ រដ្ឋាភិបាលបានប្រកាសនូវប្រភេទទិដ្ឋាការរួមបញ្ចូលគ្នាថ្មីរួចទៅហើយ។
Subclass 401 Temporary Work (Long Stay Activity) visa
ប្រសិនបើលោកអ្នកកាន់នូវទិដ្ឋាការប្រភេទអ្នកធ្វើការផ្នែកសាសនា កីឡា អ្នកធ្វើការក្នុងផ្ទះឬអ្នកផ្លាស់ប្តូរបទពិសោធន៍ នៃប្រភេទទិដ្ឋាការរងលេខ 401 Temporary Work (Long Stay Activity) visa នៅអ្នកនឹងមិនរងនូវផលប៉ះពាល់អ្វីនោះទេ។
Subclass 402 Training and Research visa
ទិដ្ឋាការនេះជំនួសដោយទិដ្ឋាការថ្មីគឺ Training (subclass 407) visa ។ រាល់អ្នកដាក់ពាក្យសុំទិដ្ឋាការ407 Training visa នាពេលអនាគតទាំងអស់ តម្រូវឲ្យមាន ការការតែងតាំងដែលដាក់ពាក្យសុំដោយអ្នកធានាដែលទទួលបានការអនុម័តទិដ្ឋាការរងលេខ402 គឺអ្នកធានាឲ្យមកចូលរួមការស្រាវជ្រាវនិងហ្វិកហាត់ រហូតដល់ថ្ងៃទី១៨ឧសភា លើកលែងតែអ្នកចូលរួមហ្វឹកហ្វឺនជាមួយនឹងភ្នាក់ងាររដ្ឋាភិបាល commonwealth ក្នុងប្រទេសអូស្រ្តាលី។
Subclass 416 Special Program visa
ទិដ្ឋាការលេខ៤១៦ ដែលបានបង្កើតឡើងដើម្បី”ផ្តល់ឱកាសដល់យុវវ័យដើម្បីធ្វើការសិក្សាដោះដូរ ពង្រីកវិស័យវប្បធម៌ ឬក៏ជាប្រយោជន៍ដល់សហគមន៍ ឬកម្មវិធីរបស់សាលារៀន”នោះ ត្រូវបានជំនួសដោយទិដ្ឋាការរងថ្មីលេខ408 ហៅថា 408 Temporary Activity visa ។
Subclass 420 Temporary Work (Entertainment) visa
វាត្រូវបានគេបញ្ចូលគ្នាទៅជាទិដ្ឋាការរងថ្មីលេខ 408 Temporary Activity Visa។ ការផ្លាស់ប្តូររួមបញ្ចូលទាំង ការដកចេញនូវការបញ្ចុះតម្លៃទាំងដុល ចាំបាច់ត្រូវដាក់ពាក្យសុំតាមអនឡាញ ហើយ ក្នុងនាមជាបុគ្គលមិនអាចដាក់ធានាអ្នកសម្តែងបានទៀតនោះទេ។
Subclass 488 Superyacht Crew visa
វាត្រូវគេបញ្ចូលទៅជាទិដ្ឋាការរងថ្មីលេខ 408 Temporary Activity Visa សម្រាប់អ្នកដែលចង់មកក្នុងប្រទេសអូស្រ្តាលីជាបណ្តោះអាសន្នដើម្បីធ្វើការនៅក្នុងឧស្សាហកម្មកំសាន្ត ចូលរួមនៅក្នុងកីឡាកម្រិតខ្ពស់ ធ្វើការផ្នែកសាសនាពេញម៉ោង ឬក៏ធ្វើការពេញម៉ោងនៅក្នុងផ្ទួះសម្រាប់អ្នកគ្រប់គ្រងជាន់ខ្ពស់បរទេសជាក់លាក់ណាមួយ។
ប្រភេទទិដ្ឋាការរងថ្មីចំនួន៤ដែលមានសុពលភាពពីថ្ងៃទី១៩វិច្ឆិកាតទៅមាន៖
- Subclass 400 Temporary Work (Short Stay Specialist) visa
- Subclass 403 Temporary Work (International Relations) visa
- Subclass 407 Training visa
- Subclass 408 Temporary Activity visa
សម្រាប់ព័ត៌មានបន្ថែមសូមចូលទៅកាន់គេហទំព័ររបស់ The Department of Immigration and Border Protection website ៕
